ନୂଆଦିଲ୍ଲୀ,୨୪।୮: କଂଗ୍ରେସ ଦଳର ୟୁଟ୍ୟୁବ ଚ୍ୟାନେଲକୁ ଡିଲିଟ କରାଯାଇଛି। ଦଳ ପକ୍ଷରୁ ଟୁଇଟର୍ ମାଧ୍ୟମରେ ଏହି ସୂଚନା ଦିଆଯାଇଛି। ଏହାକୁ ରିଷ୍ଟୋର କରିବାକୁ କଂଗ୍ରେସ ଉଭୟ ୟୁଟ୍ୟୁବ ଏବଂ ଗୁଗଲ ସହିତ ଯୋଗାଯୋଗ କରିଛି। କଂଗ୍ରେସ ପକ୍ଷରୁ କରାଯାଇଥିବା କୁହାଯାଇଛି ଯେ, ଆମର ୟୁଟ୍ୟୁବ ଚ୍ୟାନେଲ ‘ଇଣ୍ଡିଆନ ନ୍ୟାଶନାଲ କଂଗ୍ରେସ’କୁ ଡିଲିଟ କରାଯାଇଛି। ଆମେ ଏହାକୁ ରିଷ୍ଟୋର କରିବାକୁ ଚେଷ୍ଟା କରୁଛୁ। ଏବେ ୟୁଟ୍ୟୁବ-ଗୁଗଲ ଦଳ ସହିତ କଥାବାର୍ତ୍ତା ଚାଲିଛି। ଏହା କିପରି ଘଟିଲା ଅନୁସନ୍ଧାନ କରାଯାଉଛି।
ବାସ୍ତବରେ କଂଗ୍ରେସର ‘ଭାରତ ଯୋଡୋ ଯାତ୍ରା’ ସେପ୍ଟେମ୍ବର ୭ରୁ ଆରମ୍ଭ ହେବାକୁ ଯାଉଛି। ରାହୁଲ ଗାନ୍ଧୀ ଏହାର ନେତୃତ୍ୱ ନେବେ। ଭାରତ ଯୋଡୋ ଯାତ୍ରା ତାମିଲନାଡୁର କନ୍ୟାକୁମାରୀରୁ ଆରମ୍ଭ ହେବ। ଜମ୍ମୁ କଶ୍ମୀରରେ ୧୨ଟି ରାଜ୍ୟ ଦେଇ ଏହା ସମ୍ପୂର୍ଣ୍ଣ ହେବ। ଏହି ଯାତ୍ରାରେ କଂଗ୍ରେସ ପତାକା ବଦଳରେ ତ୍ରିରଙ୍ଗା ଦେଖିବାକୁ ମିଳିବ ବୋଲି କୁହାଯାଉଛି।
