ନୂଆଦିଲ୍ଲୀ,୪ ।୯: କଂଗ୍ରେସ ସେପ୍ଟେମ୍ବର ୭ରୁ ଆରମ୍ଭ କରୁଛି ‘ଭାରତ ଯୋଡୋ ଯାତ୍ରା’ । ଏହା ପୂର୍ବରୁ ରବିବାର କଂଗ୍ରେସ ପକ୍ଷରୁ ରାମଲିଳା ମଇଦାନରେ ବିରୋଧ ପ୍ରଦର୍ଶନ କରିବାକୁ ଯାଉଛି । ଏଥିରେ କଂଗ୍ରେସ ବେକାରୀ ସମସ୍ୟା , ବର୍ଦ୍ଧିତ ଦରଦାମ, ଜିଏସଟି ଆଦିକୁ ବିରୋଧ କରି କେନ୍ଦ୍ର ସରକାରଙ୍କୁ ଟାର୍ଗେଟ କରିବ । ରବିବାର ହେବାକୁ ଯାଉଥିବା ଏହି ବିରୋଧ ପ୍ରଦର୍ଶନରେ ବହୁ ସଂଖ୍ୟାରେ ଜନତା ଯୋଗ ଦେବେ ବୋଲି କଂଗ୍ରେସ ଦାବି କରିଛି । ତେବେ ଏହି ରାଲିରେ ସାମିଲ ହେବାକୁ ସାରା ଦେଶରୁ କଂଗ୍ରେସ କର୍ମୀ ଦିଲ୍ଲୀରେ ପହଞ୍ଚୁଥିବା ଦେଖାଯାଇଛି ।
କଂଗ୍ରେସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ରାଲିର ଠିକ ପୂର୍ବରୁ ଅର୍ଥାତ୍ ପ୍ରାୟ ସକାଳ ୧୧ଟାରେ କଂଗ୍ରେସ ମୁଖ୍ୟାଳୟରେ କେତେଜଣ ବରିଷ୍ଠ ନେତା ଏକାଠି ହେବେ । ଏଠାରୁ ସମସ୍ତେ ବସ ଯୋଗେ ରାମଲିଳା ମଇଦାନରେ ପହଞ୍ଚିବେ । ଗୋଟିଏ ପଟେ କଂଗ୍ରେସ ରାଲି ପାଇଁ ପ୍ରସ୍ତୁତ ହୋଇଯାଇଥିବା ବେଳେ ଅନ୍ୟପଟେ ପୋଲିସ ବି ସୁରକ୍ଷା ଦୃଷ୍ଟିରୁ ସମସ୍ତ ବନ୍ଦୋବସ୍ତ କରି ନେଇଥିବା ସୂଚନା ମିଳିଛି ।
