ନୂଆଦିଲ୍ଲୀ,୨୩ ।୯: କଂଗ୍ରେସ ଅଧ୍ୟକ୍ଷ ପଦ ନିର୍ବାଚନକୁ ନେଇ ଖୁବ ଟଣାଭିଡା ଲାଗି ରହିଛି । ଏବେ ସ୍ପଷ୍ଟ ହୋଇଛି କି ଏହି ନିର୍ବାଚନରେ ରାହୁଲ ଗାନ୍ଧୀ ଭାଗ ନେଉ ନାହାନ୍ତି । ଏହାସହ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏହି ରେସରେ ଆଗରେ ଥିବା ସ୍ପଷ୍ଟ ହୋଇଛି । ତେବେ ଅଧ୍ୟକ୍ଷ ପଦକୁ ନେଇ ବାକି ନେତାମାନେ ବି ସେମାନଙ୍କର ଦାବି ଉପସ୍ଥାପନ କରିବାକୁ ଯାଉଛନ୍ତି । ଏହାକୁ ଦେଖି ଅନୁମାନ କରାଯାଉଛି କି କଂଗ୍ରେସ ଅଧ୍ୟକ୍ଷ ପଦ ପାଇଁ ଏକରୁ ଅଧିକ ପ୍ରାର୍ଥି ନାମାଙ୍କନ ଦାଖଲ କରିପାରନ୍ତି । ଏବେ ଏହି ନିର୍ବାଚନର ଗମ୍ଭିରତାକୁ ଦେଖି କଂଗ୍ରେସ ବି ତା’ର ପ୍ରସ୍ତୁତି ଆରମ୍ଭ କରି ଦେଇଛି । ଦଳ ପକ୍ଷରୁ ସମସ୍ତ ପ୍ରବକ୍ତାଙ୍କୁ କଡା ଚେତାବନୀ ଦିଆଯାଇଛି କି ଅଧ୍ୟକ୍ଷ ପଦର ପ୍ରାର୍ଥୀଙ୍କୁ ନେଇ କୌଣସି ପ୍ରକାରର ଟିପ୍ପଣିଠାରୁ ଦୂରେଇ ରୁହନ୍ତୁ ।
କଂଗ୍ରେସ ତା’ର ପ୍ରବକ୍ତା ଓ ସଂଚାର ବିଭାଗର ଅନ୍ୟ ପଦାଧିକାରୀଙ୍କୁ ନିର୍ଦ୍ଦେଶ ଦେଇଛି କି ସେମାନେ ଦଳର ଅଧ୍ୟକ୍ଷ ପଦ ନିର୍ବାଚନରେ ପ୍ରାର୍ଥୀଙ୍କ ବିଷୟରେ କିଛି ବି ଟିପ୍ପଣିଠାରୁ ଦୂରେଇ ରୁହନ୍ତୁ । ପାର୍ଟି ମହାସଚିବ ତଥା ସଂଚାର ବିଭାଗର ପ୍ରଭାରୀ ଜୟରାମ ରମେଶ ତାଙ୍କ ବିଭାଗର ପଦାଧିକାରୀଙ୍କୁ ପଠାଇଥିବା ବାର୍ତ୍ତାରେ ଏହା କହିଛନ୍ତି । ଗୋଟିଏ ଦିନ ପୂର୍ବରୁ ପ୍ରବକ୍ତା ଗୌରବ ବଲ୍ଲଭ ଅଧ୍ୟକ୍ଷ ପଦ ପାଇଁ ଅଶୋକ ଗେହଲଟଙ୍କୁ ଖୋଲାଖୋଲି ସମର୍ଥନ କରିବା ସହ ଶଶି ଥରୁରଙ୍କୁ ଟାର୍ଗେଟ କରିଥିବା ବେଳେ ରମେଶ ଏବେ ଏହି ପରାମର୍ଶ ଦେଇଛନ୍ତି ।
