ନୂଆଦିଲ୍ଲୀ,୨୮ ।୨: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କୁ ନେଇ ପ୍ରଧାନମନ୍ତ୍ରୀ ଦେଇଥିବା ବୟାନକୁ ନେଇ ଏବେ ରାଜନୀତି ହୋଇଛି ସରଗରମ । କଂଗ୍ରେସ ମୋଦିଙ୍କୁ ଏହାର ଜବାବ ଦେଇଛି । କଂଗ୍ରେସ ମୋଦିଙ୍କ ଟିପ୍ପଣିକୁ ନେଇ ଦଳିତ ସମାଜର ଅପମାନ ବୋଲି କହିଛି । ଦଳ ମଙ୍ଗଳବାର କହିଛି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କ ଉଦ୍ଦେଶ୍ୟରେ ଯେଉଁ ଟିପ୍ପଣି ଦେଇଛନ୍ତି ତାହା ଦଳିତ ସମାଜ ଓ ଭୋଟରଙ୍କ ଅପମାନ ।
କଂଗ୍ରେସ ପ୍ରବକ୍ତା ସୁପ୍ରିୟା ଶ୍ରୀନେତ କହିଛନ୍ତି, ମୋଦି କେବଳ ଖାର୍ଗେଙ୍କ ଅପମାନ କରି ନାହାନ୍ତି, ବରଂ ସେହି ଭୋଟରଙ୍କ ଅପମାନ କରିଛନ୍ତି ଯେଉଁମାନେ ଖାର୍ଗେଙ୍କୁ ବାଛିଛନ୍ତି । ଏହା ଦଳିତ ସମାଜର ବି ଅପମାନ । ସେ କହିଛନ୍ତି ସୋନିଆ ଗାନ୍ଧୀଙ୍କୁ ନେଇ ଟିପ୍ପଣି ଦେବା ପ୍ରଧାନମନ୍ତ୍ରୀଙ୍କ ଅଭ୍ୟାସ । ଅସୁସ୍ଥତା ପରେ ବି ସୋନିଆ ଗାନ୍ଧୀ ସମାରୋହରେ ସାମିଲ ହୋଇଥିଲେ ।
