ନୂଆଦିଲ୍ଲୀ,୨୨।୪: ଲୋକ ସଭା ସଦସ୍ୟତା ରଦ୍ଦ ହେବା ପରେ କଂଗ୍ରେସ ନେତା ରାହୁଲ ଗାନ୍ଧୀ ଶନିବାର ତାଙ୍କ ସରକାରୀ ବାସଭବନ ଖାଲି କରିଛନ୍ତି। ମାନହାନୀ ମାମଲାରେ ଦୋଷୀ ସାବ୍ୟସ୍ତ ହେବା ପରେ ରାହୁଲ ଗାନ୍ଧୀଙ୍କୁ ଏମପି ଭାବେ ଅଯୋଗ୍ୟ ଘୋଷଣା କରାଯାଇଥିଲା। ରାହୁଲ ଗାନ୍ଧୀ ତାଙ୍କ ସରକାରୀ ବାସଭବନରୁ ସମସ୍ତ ଜିନିଷପତ୍ର ନେଇ ଯାଇଛନ୍ତି। ପୂର୍ବତନ କଂଗ୍ରେସ ଅଧ୍ୟକ୍ଷ ୧୨, ତୁଗଲକ ଲେନ ଘରେ ରହୁଥିଲେ।
ରାହୁଲ ଗାନ୍ଧୀ ତାଙ୍କ ଭଉଣୀ ତଥା ଦଳର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଓ ଅନ୍ୟ ନେତାଙ୍କ ଉପସ୍ଥିତିରେ ସରକାରୀ ଘର ଲୋକ ସଭା ସଚିବାଳକୁ ହସ୍ତାନ୍ତର କରିଛନ୍ତି। ଘର ଖାଲି କରିବା ପରେ ରାହୁଲ କହିଛନ୍ତି ଏହି ଘର ୧୯ ବର୍ଷ ପର୍ଯ୍ୟନ୍ତ ଦେଶର ଜନତା ମୋତେ ଦେଇଥିଲେ। ମୁଁ ସେମାନଙ୍କୁ ଧନ୍ୟବାଦ ଦେବାକୁ ଚାହୁଁଛି। ମୁଁ ଏହାକୁ ଖାଲି କରୁଛି, ସତ କହିବାରେ ଆଜିକାଲି ମୂଲ୍ୟ ଦେବାକୁ ପଡିଥାଏ, ମୁଁ ସେହି ମୂଲ୍ୟ ଦେଉଥିବି, ସତ କାହାକୁ ନା କାହାକୁ କହିବାକୁ ହେବ, ମୁଁ କହିବି।
