‘କର୍ମୀ କର୍ମଠ ତଥା କର୍ମବୀର…’ ଖାର୍ଗେଙ୍କ ଡଗ୍‌ ଷ୍ଟେଟମେଣ୍ଟକୁ ନେଇ ରାଗିଲେ କଂଗ୍ରେସ ନେତା

ନୂଆଦିଲ୍ଲୀ,୫।୨: ବର୍ତ୍ତମାନ ଆଚାର୍ଯ୍ୟ ପ୍ରମୋଦ କୃଷ୍ଣା କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କୁ ଦଳର କର୍ମୀଙ୍କୁ ‘କୁକୁର’ ସହିତ ତୁଳନା କରିଥିବାରୁ ତୀବ୍ର ପ୍ରତିକ୍ରିୟା ଦେଇଛନ୍ତି। ସେ ମଲ୍ଲିକାର୍ଜୁନ ଖାର୍ଗେଙ୍କ କୁକୁର ବୟାନକୁ ସମାଲୋଚନା କରିଛନ୍ତି।
ପ୍ରମୋଦ କୃଷ୍ଣା ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ଭିଡିଓ ଶେୟାର କରି ଖାର୍ଗେଙ୍କୁ ଟାର୍ଗେଟ କରିଥିଲେ। ସେ ଲେଖିଛନ୍ତି – ‘ଜଣେ କର୍ମୀ’ ‘କୁକୁର ’ନୁହେଁ, ସେ ଜଣେ ପରିଶ୍ରମୀ ଏବଂ ସାହସୀ ବ୍ୟକ୍ତି। ମାନ୍ୟବର ବାଚସ୍ପତି ଏହା ନିଶ୍ଚିତ ଭାବରେ ତିକ୍ତ କଥା, କିନ୍ତୁ ଏହା ସତ୍ୟ।’
ସୂଚନାଯୋଗ୍ୟ, କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କୃଷ୍ଣା ବିଦ୍ରୋହୀ ମନୋଭାବ ଗ୍ରହଣ କରିଛନ୍ତି। ସେ ନିଜେ କଂଗ୍ରେସ ଦଳ ଉପରେ ପ୍ରଶ୍ନ ଉଠାଉଛନ୍ତି। ଏଥର ସେ ନିଜେ ଦଳର ଅଧ୍ୟକ୍ଷଙ୍କ ବିବୃତ୍ତି ଉପରେ ପ୍ରଶ୍ନ ଉଠାଇଛନ୍ତି। ଏହାପୂର୍ବରୁ ସେ ରାମ ମନ୍ଦିର ପ୍ରାଣ ପ୍ରତିଷ୍ଠା ବହିଷ୍କାରକୁ ନେଇ ଦଳକୁ ସମାଲୋଚନା କରିଥିଲେ।
ସୂଚନାଯୋଗ୍ୟ, ନୂଆଦିଲ୍ଲୀରେ ଆୟୋଜିତ ନ୍ୟାୟ ସଂକଳ୍ପ କର୍ମୀ ସମ୍ମିଳନୀରେ ମଲ୍ଲିକାର୍ଜୁନ ଖାର୍ଗେ ପାର୍ଟି କର୍ମୀଙ୍କୁ କୁକୁର ସହିତ ତୁଳନା କରିଥିଲେ।