ଚେନ୍ନାଇ,୮।୪ : ଡିଣ୍ଡିଗୁଲ ଜିଲା କଂଗ୍ରେସ ଅଧ୍ୟକ୍ଷ ମାଣିକନ୍ଦନଙ୍କ ବିଚାରପତିଙ୍କ ଜିଭକୁ କାଟି ଦେବା ନେଇ ଦେଇଥିବା ବିବୃତ୍ତି ବିବାଦ ବଢ଼ିବାରେ ଲାଗିଛି। କେନ୍ଦ୍ର ଆଇନ ମନ୍ତ୍ରୀ କିରେନ ରିଜିଜୁ ବର୍ତ୍ତମାନ ଏହି ପ୍ରସଙ୍ଗରେ କଂଗ୍ରେସକୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି କଂଗ୍ରେସ ଜଣେ ବିଚାରପତିଙ୍କୁ ଧମକ ଦେବା କଥା ପ୍ରଥମ ଘଟଣା ନୁହେଁ। ସେମାନେ ଏହା ପୂର୍ବରୁ ମଧ୍ୟ ଏଭଳି କରିଛନ୍ତି ।
କଂଗ୍ରେସ ନ୍ୟାୟପାଳିକାକୁ ଧମକ ଦେବା କାର୍ଯ୍ୟ ଜରୁରୀକାଳୀନ ପରିସ୍ଥିତି ସମୟରୁ ଜାରି ରହିଛି। ସେମାନେ ନିରାଶ ହୋଇଥିବାରୁ ଏଭଳି କରୁଛନ୍ତି। ଆମେ ସମ୍ବିଧାନରେ ଏବଂ ଗଣତନ୍ତ୍ର ଉପରେ ବିଶ୍ୱାସ କରୁ।
ଉଲ୍ଲେଖନୀୟ କଥା ହେଉଛି, ଗୁରୁବାର କଂଗ୍ରେସ ପକ୍ଷରଆୟୋଜିତ ଏକ ପ୍ରତିବାଦ ସଭା ସମୟରେ ମାଣିକନ୍ଦନ କହିଥିଲେ, ଯେତେବେଳେ ଆମେ କ୍ଷମତାକୁ ଆସିବୁ, ସେତେବେଳେ ଆମେ ରାହୁଲ ଗାନ୍ଧୀଙ୍କୁ ଜେଲକୁ ପଠାଇବା ପାଇଁ ଦେଇଥିବା ବିଚାରପତିଙ୍କ ଜିଭ କାଟିଦେବୁ।
ଡିଣ୍ଡିଗୁଲ ପୋଲିସ କହିଛି ଏହି ପ୍ରସଙ୍ଗରେ ଆଇପିସି ଧାରା ୧୫୩-ବି ସମେତ ତିନୋଟି ବିଭାଗ ଅନ୍ତର୍ଗତର ମାଣିକନ୍ଦନଙ୍କ ବିରୋଧରେ ମାମଲା ରୁଜୁ ହୋଇଛି। ଏ ସମ୍ପର୍କରେ ତଦନ୍ତ କରାଯାଉଛି।
କୁହାଯାଉଛି ଯେ ତାମିଲନାଡୁର ଡିଣ୍ଡିଗୁଲରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଅଯୋଗ୍ୟତା ବିରୋଧରେ କଂଗ୍ରେସର ଏସସି / ଏସଟି ୱିଙ୍ଗ ବିରୋଧ କରାଯାଉଛି।
