ଭୁବନେଶ୍ୱର,୧୧ା୧୨(ସରୋଜ ଜେନା) : ଗୋଟିଏ ଲେଖାଏ ସ୍ବର୍ଣ୍ଣ ଓ ରୌପ୍ୟ ପଦକ ଜିତି ପ୍ରତ୍ୟାବର୍ତ୍ତନ କରିଥିବା ଭାରତୀୟ ଗେଟ ବଲ ଦଳକୁ ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି। ଗେଟବଲ୍ ସଙ୍ଘ ତରଫରୁ ହଂକଂ ଓ ମକାଉ ଯାଇଥିବା ଦୁଇଟି ଦଳର ସଦସ୍ୟ ମାନେ ଶନିବାର ରାତିରେ ଆସି ଭୁବନେଶର ବିମାନ ବନ୍ଦରରେ ପହଞ୍ଚିଛଥିଲେ। ଭାରତ (ଏ) ଦଳ ହଂକଂଠାରେ ଫାଇନାଲରେ ଚାଇନାଠାରୁ ହାରି ରୌପ୍ୟ ପଦକରେ ସନ୍ତୁଷ୍ଟ ହୋଇଥିଲା। ତେବେ ମକାଉଠାରେ ସମାନ ଚାଇନାକୁ ହରାଇ ସ୍ବର୍ଣ୍ଣ ପଦକ ହାସଲ କରିଥିଲେ। ସମସ୍ତ ଖେଳାଳିଙ୍କୁ ସ୍ବାଗତ କରିବାକୁ ବିମାନବନ୍ଦର ଠାରେ ଭାରତୀୟ ଗେଟ ବଲ ସଙ୍ଘର କର୍ମକର୍ତ୍ତା ମାନେ ଉପସ୍ଥିତ ଥିଲେ। ଓଡ଼ିଆ ଖେଳାଳି ମାନଙ୍କୁ ନେଇ ଗଠିତ ଭାରତୀୟ ଦଳର ଏହି ଅନ୍ତର୍ଜାତୀୟ ସଫଳତା ରାଜ୍ୟ ପାଇଁ ଗର୍ବର ବିଷୟ। ଭାରତୀୟ ଗେଟ ବଲ ସଙ୍ଘର ସଭାପତି ଦ୍ବୈପାୟନ ପଟ୍ଟନାୟକ, ସମ୍ପାଦକ ଦିଲ୍ଲୀପ ଦାସ, ସଞ୍ଜୟ ପଟ୍ଟନାୟକ, ଦିଲ୍ଲୀପ ଷଡ଼ଙ୍ଗୀ, ବିଷ୍ଣୁପ୍ରିୟା ବେହେରା ଆଦି ଖେଳାଳିଙ୍କୁ ସମ୍ମାନିତ କରିଥିଲେ।
