ନୂଆଦିଲ୍ଲୀ,୦୯।୭: ଭାରତୀୟ ଟିମ୍ ଦକ୍ଷିଣ ଆଫ୍ରିକା ବିପକ୍ଷରେ ୨୦୨୪ ଟି-୨୦ ବିଶ଼୍ବକପ୍ ଜିତି ଇତିହାସ ରଚିଛି । ଟିମ୍ ବ୍ଲୁ ରୋହିତ ଶର୍ମାଙ୍କ ନେତୃତ଼୍ବରେ ୧୧ ବର୍ଷର ଅପେକ୍ଷାର ଅନ୍ତ ଘଟାଇଛନ୍ତି। ୨୦୧୩ ମସିହାରେ ଭାରତୀୟ ଟିମ୍ ଶେଷଥର ପାଇଁ ଆଇସିସି ଚାମ୍ପିୟନ୍ସ ଟ୍ରଫି ହାସଲ କରିଥିଲା । ତେବେ ଭାରତୀୟ ଟିମ୍ର ଟି-୨୦ ବିଶ଼୍ବକପ୍ ବିଜୟ ପରେ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ ବା ବିସିସିଆଇ ଟିମ୍ର ଖେଳାଳି ଏବଂ ସପୋର୍ଟ ଷ୍ଟାଫ୍ଙ୍କ ପାଇଁ ୧୨୫ କୋଟି ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି । ମୋଟ ୪୨ ଜଣଙ୍କ ମଧ୍ୟରେ ଏହି ଟଙ୍କା ବଣ୍ଟନ କରାଯିବ ।
ତେବେ ୨୦୧୩ରେ ଟିମ୍ ଇଣ୍ଡିଆ ଜିତିଥିବା ଚାମ୍ପିୟନ୍ସ ଟ୍ରଫି ପାଇଁ ବିସିସିଆଇ ପ୍ରତି ଖେଳାଳିଙ୍କୁ ୧ କୋଟି ଲେଖାଏଁ ପୁରସ୍କାର ରାଶି ପ୍ରଦାନ କରିଥିଲା । ଏଥିସହିତ ସପୋର୍ଟ ଷ୍ଟାଫ୍ଙ୍କୁ ୩୦ ଲକ୍ଷ ଟଙ୍କା ଲେଖାଏଁ ପୁରସ୍କାର ରାଶି ଦିଆଯାଇଥିଲା ।
୨୦୧୧ ଅନ୍ତର୍ଜାତୀୟ ଦିନିକିଆ ବିଶ଼୍ବକପ୍ ଟ୍ରଫି ଇଣ୍ଡିଆ ହାତେଇଥିଲା । ବିସିସିଆଇ ଏଥିପାଇଁ ପ୍ରତି ଖେଳାଳିଙ୍କୁ ୧ କୋଟି ଟଙ୍କା ଲେଖାଏଁ ପୁରସ୍କାର ଘୋଷଣା କରିଥିବା ବେଳେ ଏଥିରେ ପୁନର୍ବାର ପରିବର୍ତ୍ତନ କରାଯାଇ ଏହି ରାଶି ୨ କୋଟିକୁ ବୃଦ୍ଧି କରାଯାଇଥିଲା । ସପୋର୍ଟ ଷ୍ଟାଫ୍ଙ୍କୁ ୫୦ ଲକ୍ଷ ଟଙ୍କା ଏବଂ ଚୟନ କର୍ତ୍ତାକୁ ୨୫ ଲକ୍ଷ ଟଙ୍କା ଲେଖାଏଁ ପୁରସ୍କାର ପ୍ରଦାନ କରାଯାଇଥିଲା ।
