Posted inଫୁରସତ

ସଉକ ଦେଇଛି ପରିଚୟ

ସଂଗ୍ରହାଳୟ କେବଳ ଜ୍ଞାନର ଗନ୍ତାଘର କି ବିଭିନ୍ନ ବିରଳ ସାମଗ୍ରୀର ସାଇତା ସମ୍ପଦ ନୁହେଁ ବରଂ ଏହାଦ୍ୱାରା ବହୁ ଜଣାଅଜଣା କଥା ଜାଣିହୁଏ। ଗବେଷଣା ପାର୍ଁଇ ସୂତ୍ର ମିଳେ। ଏମିତିରେ ହଜିଯାଉଥିବା ବହୁ ପୁରାତନ ବ୍ୟବହାରିକ ସାମଗ୍ରୀକୁ ଗୋଟିଏ ସ୍ଥାନରେ ଦେଖିବା ଓ ମନେପକାଇବାର ସୁଯୋଗ ସୃଷ୍ଟି କରିଥାଏ। ତେବେ ଦେଶ ଓ ରାଜ୍ୟର ଅନେକ ସ୍ଥାନରେ ରହିଛି ବିଭିନ୍ନ ପ୍ରକାରର ସଂଗ୍ରହାଳୟ। କିନ୍ତୁ ଇଏ ଏମିତି ଏକ ସଂଗ୍ରହାଳୟ ଯେଉଁଠି ଦେଖିବାକୁ ପାଇବେ ବହୁପୁରୁଣା ଦିନର ମୋଟର ସାଇକେଲ ଏବଂ ମୋଟରଗାଡ଼ି। ଏମିତି ୨ଚକିଆ ତିନି ଚକିକା ଓ ଚାରିଚକିଆ ଆଦି ବିଭିନ୍ନମଡ଼େଲର ଯାନକୁ ନିଜସ୍ବ ଉଦ୍ୟମରେ ସଂଗ୍ରହକରି ସାଇତି ରଖିଛନ୍ତି କେତେଜଣ ବ୍ୟକ୍ତି।
ବୁଲେଟ୍‌ ରାଜା ସେହ୍ନାଶିଷ-ଆଜକୁ ପ୍ରାୟ ୩ଦଶନ୍ଧିରୁ ଉର୍ଦ୍ଧ୍ୱ ସମୟ ଧରି ସେ ବିଭିନ୍ନ ସ୍ଥାନରୁ ନାନାପ୍ରକାରର ନୂଆ ପୁରୁଣା ବୁଲେଟ ସଂଗ୍ରହ କରୁଛନ୍ତି, ଯାହାକି ତାଙ୍କୁ ଦେଇଛି ଏକ ନିଆରା ପରିଚୟ। ପ୍ରଥମେ ସେ ୧୯୬୧ ମସିହାର ଗୋଟିଏ ରୟାଲ ଏନ୍‌ଫିଲ୍‌ଡ ବୁଲେଟ୍‌ ତାଙ୍କ ବାପାଙ୍କଠାରୁ ଉପହାରସ୍ବରୂପ ପାଇଥିଲେ। ଆଉ ସେବେଠାରୁ ଗୋଟିଏ ପରେ ଗୋଟିଏ ବିଭିନ୍ନ ମଡେଲର ଏକାଧିକ ବୁଲେଟ୍‌ ସଂଗ୍ରହ କରିବା ନିଶାରେ ପଡ଼ିଛନ୍ତି। ଏବେ ତାଙ୍କ ପାଖରେ ରହିଛି ବିଭିନ୍ନ ନୂଆପୁରୁଣା ମଡେଲର ବହୁ ନାମୀଦାମୀ ବୁଲେଟ୍‌। ଏଥିପାଇଁ ତାଙ୍କୁ ଅନେକେ ‘ବୁଲେଟ୍‌ ରାଜା’ ଭାବେ ଜାଣନ୍ତି। ସେ ହେଲେ କଟକ ସୂତାହାଟର ସେହ୍ନାଶିଷ କର। ବୟସ ପ୍ରାୟ ୫୪ ହେବ। ସେ କୁହନ୍ତି, ‘କଟକରେ ଆମର ଏକ ଜଣାଶୁଣା ପୁସ୍ତକ ପ୍ରକାଶନ ସଂସ୍ଥା ରହିଛି। ତା’ର ଦାୟିତ୍ୱ ବୁଝୁଛି। କିନ୍ତୁ ୧୯୬୧ମସିହାରେ ବାପା ଦେବବ୍ରତ କରଙ୍କଠାରୁ ଏକ ରୟାଲ ଏନ୍‌ଫିଲ୍‌ଡ ବୁଲେଟ୍‌ ଉପହାର ପାଇଥିଲି। ସେବେଠାରୁ ଆହୁରି ବିଭିନ୍ନ ପ୍ରକାର ବୁଲେଟ୍‌ ଚଲେଇବା ନିଶା ମନକୁ ଘାରିଥିଲା। ଏଥିପାଇଁ ବିଭିନ୍ନ ମଡେଲ୍‌ର ବୁଲେଟ୍‌ ଘରେ ସାଇତି ରଖିଛି। ଆଜକୁ ଦୀର୍ଘ ୩୦ବର୍ଷ ଧରି ପ୍ରାୟ ୨୭ଟି ବୁଲେଟ୍‌ ସଂଗ୍ରହ କରିସାରିଛିି। ଏମିତିରେ ମୋ ପାଖରେ ରହିଛି ୧୯୬୨ ମଡେଲର ୭ଟି ବୁଲେଟ୍‌। ତା’ପରେ ୧୯୬୪, ୧୯୬୮, ୧୯୭୪, ୧୯୮୧, ୧୯୮୪, ୧୯୮୫, ୧୯୯୦, ୧୯୯୫, ୨୦୦୪ ମସିହାର ବୁଲେଟ୍‌ ମଡେଲ ସହ ଆଜି ଯାଏ ମାର୍କେଟ୍‌କୁ ଆସିଥିବା ବିଭିନ୍ନ ମଡେଲର ବୁଲେଟ୍‌ ରହିଛି। ଘରେ ଏସବୁକୁ ସାଇତି ରଖିଛି। ଏମିତି ନୂଆପୁରୁଣା ବୁଲେଟ୍‌ କେତେକ କବାଡିଆଙ୍କଠାରୁ ମଧ୍ୟ ସଂଗ୍ରହ କରିବାକୁ ପଡ଼ିଛି। ଏମିତି ସବୁ ସଂଗ୍ରହକରି ରଖିଥିବା ବିଭିନ୍ନ ପ୍ରକାରର ବୁଲେଟ୍‌ ମରାମତି ପାଇଁ ଘରେ ଏକ ଗ୍ୟାରେଜ ରହିଛି। ଏହା ମୋତେ ଭିନ୍ନ ପରିଚୟ ଦେଇଛି।
ପେସା ଅଧ୍ୟାପନା, ନିଶା ବାଇକ ସଂଗ୍ରହ -ପେସା ତାଙ୍କର ଶିକ୍ଷକତା କିନ୍ତୁ ନିଶା ବିଭିନ୍ନ ମଡେଲର ନୂଆପୁରୁଣା ବାଇକ ସଂଗ୍ରହକରି ସାଇତି ରଖିବା। ସେ ହେଲେ ଗହର୍‌ ଆବେଦିନ୍‌ । ଏକ ବେସରକାରୀ କଲେଜର ରିଡର ଅଛନ୍ତି। ଘର ଖୋର୍ଦ୍ଧା ଜିଲାର ବାଲିପାଟଣା ବ୍ଲକ ଅନ୍ତର୍ଗତ ବନମାଳୀପୁର ମଝିହରା ଗାଁରେ। ସେ କୁହନ୍ତି, ‘ଆଜକୁ ପ୍ରାୟ ୨୦ବର୍ଷ ଧରି କେତେକ ପୁରୁଣା ମଡେଲ ବାଇକକୁ କେତେଜଣ ବାଇକ ମାଲିକଙ୍କଠାରୁ ସଂଗ୍ରହକରିଥିଲି। ଏଥିପାଇଁ ମୋତେ କିଛି ଟଙ୍କା ଖର୍ଚ୍ଚ କରିବାକୁ ପଡ଼ିଥିଲା। ଏମିତିରେ ବୁଲେଟ୍‌, ରାଜଦୂତ, ଭେସ୍ପା ଓ ଲାମ୍ବ୍ରେଟା ସ୍କୁଟର ରହିଥିବାବେଳେ ଜାଓ୍ବା, ଜେଡି ଆଦି ମଡେଲର ବୁଲେଟ୍‌ ରହିଛି। ଏମିତିରେ ସେ ପ୍ରାୟ ୧୨ଗୋଟି ବିଭିନ୍ନ ମଡେଲର ପୁରୁଣା ବାଇକ ରଖିଛି। ବିଭିନ୍ନ ସ୍ଥାନରୁ ସଂଗ୍ରହ କରିଆଣିଥିବା ବିଭିନ୍ନ ମଡେଲର ବାଇକଗୁଡ଼ିକୁ ଆମ ଫାର୍ମ ହାଉସଠାରେ ସାଇତି ରଖିଛି। ଆଗକୁ ଅଧିକ ସଂଖ୍ୟକ ମଡେଲର ବାଇକ ରଖିବାର ଆଶା ରଖିଛି।
ବିଭିନ୍ନ ପୁରୁଣା ମଡେଲର ମୋଟରଗାଡ଼ି ଓ ବାଇକକୁ ସାଇତି ରଖିବାରେ ମୋତେ ଖୁସି ଲାଗେ।
ବୁଲେଟ୍‌ ବାଦ୍‌ଶାହା ଆଲୋକ-ପିଲାଟି ବେଳୁ ବୁଲେଟ୍‌ ଚଢ଼ିବା ପ୍ରତି ରୁଚି ରଖିଥିବା ଆଲୋକ ମହାନ୍ତି ଏବେ ନାନା ରକମର ବୁଲେଟ୍‌ ସମେତ ଅନ୍ୟାନ୍ୟ ଗାଡ଼ିର ଜଣେ ଅନନ୍ୟ ସଂଗ୍ରାହକ ଭାବେ ବେଶ୍‌ ପରିଚିତ । କୋଭିଡ୍‌ ସମୟରେ ସୁନାରେ ତିଆରି ମାସ୍କ ପିନ୍ଧି ଚର୍ଚ୍ଚାର ପରିସରକୁ ଆସିଥିଲେ ଆଲୋକ । ସୁନା ପ୍ରତି ମଧ୍ୟ ତାଙ୍କର ଆକର୍ଷଣ ରହିଛି । କଟକ ସହରର କେଶରପୁର ଅଞ୍ଚଳରେ ଜଣେ ପ୍ରତିଷ୍ଠିତ ଫର୍ନିଚର ବ୍ୟବସାୟୀ ହୋଇଥିଲେ ବି ତାଙ୍କର ନିଆରା ପ୍ରୟାସ ପାଇଁ ନିଜକୁ ସେ ବୁଲେଟ୍‌ ବାଦ୍‌ଶାହା ଭାବେ ଲୋକଙ୍କ ନିକଟରେ ଗ୍ରହଣୀୟ କରାଇ ପାରିଛନ୍ତି । ୧୯୪୯ମସିହାରୁ ୧୯୬୪ମସିହା ମଧ୍ୟରେ ବଜାର ପ୍ରବେଶ କରିଥିବା ରୟାଲ ଏନ୍‌ଫିଲ୍ଡ ବୁଲେଟ୍‌ର ଅଦ୍ୟାବଧି ୨୯ଟି ବିଭିନ୍ନ ମଡେଲକୁ ସଂଗ୍ରହ କରିପାରିଛନ୍ତି । ସେଗୁଡ଼ିକୁ ସଚଳ ଅବସ୍ଥାରେ ନିଜ ବାସଗୃହରେ ଯତ୍ନ ସହକାରେ ରଖିବା ସହ ପ୍ରତିଦିନ ସେଗୁଡ଼ିକର ରକ୍ଷଣାବେକ୍ଷଣ କରୁଛନ୍ତି । କେଶରପୁରର ସ୍ଥାୟୀ ବାସିନ୍ଦା ସ୍ବର୍ଗତ ଉମେଶ ଚନ୍ଦ୍ର ମହାନ୍ତି ଓ ସୁଷମା ମହାନ୍ତିଙ୍କ ସାନପୁଅ ଭାବେ ଆଲୋକ ୨୪ ଜୁଲାଇ ୧୯୫୭ରେ ଜନ୍ମ ହୋଇଥିଲେ । ଆଲୋକଙ୍କ କହିବାନୁସାରେ, ପିଲାବେଳେ ପ୍ରାୟ୧୫ ବର୍ଷ ବୟସରୁ ବୁଲେଟ୍‌ ପ୍ରତି ଏକ ଆକର୍ଷଣ ଆସିଯାଇଥିଲା । ସେତେବେଳେ ନିଜର କୌଣସି ଗାଡ଼ି ନ ଥିବା ବେଳେ ସାଙ୍ଗସାଥୀଙ୍କଠାରୁ ଆଣି ବୁଲେଟ୍‌ ଚଢ଼ିବାର ଇଚ୍ଛାଟିକୁ ସାକାର କରୁଥିଲେ । ପରିବାରର ଆର୍ଥିକ ସ୍ଥିତି ଖରାପ ଥିବାରୁ ପ୍ରଥମେ ଏକ କପଡ଼ା ବ୍ୟବସାୟ ଆରମ୍ଭ କରିଥିଲେ। ପରବର୍ତ୍ତୀ ସମୟରେ ସେ ଏକ ଇମ୍ପୋଟେଡ୍‌ ସାମଗ୍ରୀର ବ୍ୟବସାୟ ଉପରେ ଧ୍ୟାନ ଦେଇ ବେଶ୍‌ ସଫଳ ହୋଇଥିଲେ । ପୁଣି ୨୦୦୧ମସିହାରୁ ଆରମ୍ଭ କରିଥିଲେ ଆଲୋକ ଫର୍ନିଚର, ଯାହା ଏଯାଏ ଚାଲିଛି । ହେଲେ ଏତେସବୁ ବ୍ୟବସାୟିକ ବ୍ୟସ୍ତତା ମଧ୍ୟରେ ନିଜ୧୨-ର ବୁଲେଟ୍‌ ଚଢ଼ା ସଉକ କେବେ ବି ହାତଛଡ଼ା ହୋଇନି। ବିଭିନ୍ନ ସମୟରେ ଭିନ୍ନ ଭିନ୍ନ ମଡେଲର ବୁଲେଟ୍‌ ସାଙ୍ଗକୁ ଅନ୍ୟାନ୍ୟ ପୁରୁଣା ଗାଡ଼ିକୁ କିଣି ସେ ଅରିଜନାଲ ପାଟର୍‌ସ ଲଗାଇ ସଜେଇ ରଖନ୍ତି ନିଜ ବାସଭବନ ପରିସରରେ । ଆକର୍ଷଣୀୟ ମଡେଲଗୁଡ଼ିକ ମଧ୍ୟରେ ବିଏସ୍‌ଏ, ସାଇଡ୍‌ କାର୍‌, ଏମ୍‌ଟିଆର ୭୦୦ ସିସି, ଫ୍ଲାଇଂ ଫ୍ଲିଉ ୧୨୫ ସିସି ଓ ହାର୍ଲି ଡାଭିଡ୍‌ସନ୍‌ ଆଦି ଅନ୍ୟତମ । ଦ୍ୱିତୀୟ ବିଶ୍ୱଯୁଦ୍ଧ ସମୟ ୧୯୪୨ରେ ନିର୍ମିତ ଫ୍ଲାଇଂ ଫ୍ଲିଉ ୧୨୫ସିସି ମଡେଲ ବୁଲେଟ୍‌ ଅତ୍ୟନ୍ତ ଆକର୍ଷଣୀୟ । ଅନ୍ୟତମ ଆକର୍ଷଣ ଭାବେ ୧୯୬୨ରେ ବଜାରକୁ ଆସିଥିବା ପିତ୍ତଳ ପାଟର୍‌ସ ବିଶିଷ୍ଟ ବୁଲେଟ୍‌ ରହିଛି, ଯାହାର ସେତେବେଳର ବଜାର ଦର ୨.୮ଲକ୍ଷ ଟଙ୍କା । ତାଙ୍କ ପାଖରେ ରହିଛି ବେବି ଅଷ୍ଟିନ୍‌ କାବ୍ରିଓଲେଟ କାର୍‌, ଯାହାକି ବ୍ରିଟେନ ରାଣୀ ବ୍ୟବହାର କରୁଥିବା କାର୍‌ଗୁଡ଼ିକ ମଧ୍ୟରେ ଅନ୍ୟତମ ବୋଲି ଆଲୋକ କୁହନ୍ତି । ଏତେସବୁ ଗାଡ଼ିକୁ ବୈଧ ପଞ୍ଜୀକରଣ, ବୀମା, ଫିଟ୍‌ନେସ ସହ ଚାଲୁ ଅବସ୍ଥାରେ ରଖିବା ପାଇଁ ସେ କେତେଜଣ ଲୋକଙ୍କୁ ନିଯୁକ୍ତ କରିଛନ୍ତି । ନାମଜାଦା ମେକାନିକ ଜାଫର ସିଦ୍ଦିକ ଓରଫ ମୁନ୍‌ସୀ ଗାଡ଼ିଗୁଡ଼ିକର ନିୟମିତ ମରାମତି କରୁଥିବା ବେଳେ ଓଡ଼ିଶାରେ ଭଲ ମେକାନିକ ଅଭାବ ଥିବା କହନ୍ତି ଆଲୋକ । ମାସକୁ ପ୍ରାୟ ୨୫ହଜାର ଟଙ୍କା ରକ୍ଷଣାବେକ୍ଷଣ ବାବଦରେ ବ୍ୟୟ ହେଉଥିବା ସେ କହନ୍ତି । ଗାଡ଼ିଗୁଡ଼ିକ ଏକତ୍ର ଭାବେ ପ୍ରଦର୍ଶନ କରିବା ପାଇଁ ଆଗାମୀ ଦିନରେ ଏକ ମ୍ୟୁଜିୟମ କରିବାକୁ ସେ ଲକ୍ଷ୍ୟ ରଖିଛନ୍ତି । ଏହାଦ୍ୱାରା ବିଦ୍ୟାର୍ଥୀ ଓ ଲୋକମାନେ ପୁରୁଣା ଗାଡ଼ିଗୁଡ଼ିକ ସମ୍ପର୍କରେ ଜ୍ଞାନ ଆହରଣ କରିପାରିବେ । ତେଣୁ ସରକାର ଏଥିପାଇଁ ସହଯୋଗର ହାତ ବଢ଼ାଇ ଜାଗା ଯୋଗାଇଦେଲେ ଜନସାଧାରଣଙ୍କ ପାଇଁ ମ୍ୟୁଜିୟମ କରିପାରନ୍ତେ ବୋଲି ଆଲୋକ କହିଛନ୍ତି । ପ୍ରତିବର୍ଷ ସ୍ବାଧୀନତା ଦିବସରେ ବୁଲେଟ୍‌ର ଜନ୍ମଦିନ ପାଳନ କରନ୍ତି ଆଲୋକ । ସେଦିନ ସବୁ ଗାଡ଼ିକୁ ଧୋଇ ଏକତ୍ର ରଖନ୍ତି । ପୁରୋହିତଙ୍କୁ ଡାକି ପୂଜାର୍ଚ୍ଚନା କରନ୍ତି । ସାଙ୍ଗସାଥୀ, ବନ୍ଧୁ, ପରିଜନଙ୍କ ମେଳରେ ଜନ୍ମଦିନ କେକ୍‌ ମଧ୍ୟ କାଟନ୍ତି । ଏହି କାର୍ଯ୍ୟକ୍ରମରେ ଅନୂ୍ୟନ ୨ ଶହ ଲୋକଙ୍କୁ ଭୋଜିରେ ଆପ୍ୟାୟିତ କରନ୍ତି ।
ପିତାଙ୍କ ରାସ୍ତାରେ ପୁତ୍ର ଅବିନାଶ
ଆଲୋକଙ୍କ ପୁତ୍ର ଅବିନାଶ ମଧ୍ୟ ପିତାଙ୍କ ବୁଲେଟ୍‌ ପ୍ରୀତିକୁ ଆପଣେଇ ନେଇଛନ୍ତି । ମୁମ୍ବାଇର ହ୍ବିସିଲ ଉଡ୍‌ସ ଇଣ୍ଟରନ୍ୟାଶନାଲରେ ସେ ୨୦୧୩ରେ ସିନେମାଟୋଗ୍ରାଫି ପାଠ୍ୟକ୍ରମରେ ଅଧ୍ୟୟନ କରି ଏବେ ସିନେମା ସହିତ ୟୁଟ୍ୟୁବ୍‌, ଇନ୍‌ଷ୍ଟାଗ୍ରାମରେ ବେଶ୍‌ ସକ୍ରିୟ ଅଛନ୍ତି । ସେ ମଧ୍ୟ ବାପାଙ୍କ ଭଳି ନଁା କରିବାକୁ ପ୍ରୟାସ ଆରମ୍ଭ କରିଛନ୍ତି। ଓଡ଼ିଶା ଟୁରିଜମ୍‌କୁ ପ୍ରୋମୋଟ କରିବାରେ ମଧ୍ୟ ସେ କାର୍ଯ୍ୟ କରୁଛନ୍ତି । ୨୦୧୬ରେ ପ୍ରୋ-ଅଟୋମେଶନ ପ୍ରତିଯୋଗିତାରେ ବିରଳ ମଡେଲର ପୁରୁଣା ଗାଡ଼ିଗୁଡ଼ିକୁ ପ୍ରଦର୍ଶିତ କରାଇ ପୁରସ୍କୃତ ହୋଇଛନ୍ତି । ଆଗାମୀ ଦିନରେ ତାଙ୍କର ପୁରୁଣା ଗାଡ଼ି ସଂଗ୍ରହର କାର୍ଯ୍ୟକୁ ଆହୁରି ଆଗକୁ ନେବେ ବୋଲି ଅବିନାଶ କହିଛନ୍ତି।

-ବନବିହାରୀ ବେହେରା, କାର୍ତ୍ତିକ ସାହୁ,


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?