ଲୋଇସିଂହା,୩0୦।୭(ସୁଶାନ୍ତ ବାରିକ):ବଲାଙ୍ଗୀର ଜିଲା ଆଗଲପୁର ବ୍ଲକରେ ରେକର୍ଡ ପରିମାଣର ବର୍ଷା ହୋଇଛି। ବୁଧବାର ଦିନକ ଭିତରେ ୨୬୪ ମିମି ବର୍ଷା ରେକର୍ଡ କରାଯାଇଛି। ଏହା ଜିଲାରେ ସର୍ବାଧିକ ବର୍ଷା ବୋଲି ଜଣାପଡିଛି। ଲଗାଣ ବର୍ଷା ଯୋଗୁ ବ୍ଲକ ଦେଇ ଯାଇଥିବା ଅଙ୍ଗନଦୀର ଜଳସ୍ତର ଦ୍ରୁତ ଗତିରେ ବଢି ଚାଲିଛି। ନଦୀରେ ପାଣି ଫୁଲି ଉଠିବା ସହ ବ୍ଲକର ୨ଟି ପ୍ରମୁଖ ରାସ୍ତା ସାଲେଭଟା- ଆଗଲପୁର ରାସ୍ତାର ଡୁଡୁକା ନିକଟସ୍ଥ ଚୂର୍ଣ୍ଣିମୁହାଣ ପୋଲ ଏବଂ ସାଲେଭଟା-କୁଟାସିଂହା ରାସ୍ତାର ରେଲୱେ ଭୂତଳ ପୋଲରେ ୫ ଫୁଟରୁ ଉଚ୍ଚରେ ପାଣି ପ୍ରବାହିତ ହେଉଛି ା ଫଳରେ ଏହି ଉଭୟ ରାସ୍ତା ଦେଇ ଯାତାୟତ ସମ୍ପୂର୍ଣ୍ଣ ବନ୍ଦ ହୋଇ ଯୋଗାଯୋଗ ବିଚ୍ଛିନ୍ନ ହୋଇପଡିଛି ା ପଥରଗଡ ଅଞ୍ଚଳର ପାଣି ଅତ୍ୟଧିକ ମାତ୍ରାରେ ପ୍ରବେଶ ଯୋଗୁ ବ୍ଲକ ଅଧୀନ ନଅଗାଁ(ଖ) ଗ୍ରାମର ନୀଲି ପୋଖରୀର ତଳି ଅଞ୍ଚଳର ହୁଡାରେ ପ୍ରାୟ ୩୦ ମିଟର ଘାଇ ହୋଇଛି। ପୋଖରୀ ତଳି ଅଞ୍ଚଳରେ ଥିବା ଚାଷ ଜମି କ୍ଷତିଗ୍ରସ୍ତ ହୋଇଥିବା ଅଭିଯୋଗ ହୋଇଛି ା ସେହିପରି ନଅଗଁା(ଖ) ଗ୍ରାମର ନୀଲି ପୋଖରୀ ରାସ୍ତାରେ ପାଠାଗାର ପଛପଟେ ନିର୍ମାଣ ହୋଇଥିବା ଗାର୍ଡୱାଲ ନିିମ୍ନମାନର କାମ ଯୋଗୁ ଭୁଶୁଡିଥିବା ଗ୍ରାମବାସୀ ଅଭିଯୋଗ କରିଛନ୍ତି ା ବୁର୍ଡା-ନଅଗାଁ(ଖ), ରୁଗୁଡିଖାଲ ନଅଗାଁ(ଖ) ରାସ୍ତାର ଅନେକ ସ୍ଥାନରେ ରାସ୍ତା ଧୋଇ ହୋଇ ଯାତ୍ରୀଙ୍କ ପାଇଁ ବିପଦ ସୃଷ୍ଟି କରିଛି। ଆଗଲପୁର ଓ ଲୋଇସିଂହା ବ୍ଲକ ସୀମାନ୍ତରେ ଥିବା ପଥରଗଡ ଡ୍ୟାମ୍ (ଏମଆଇପି ପ୍ରକଳ୍ପ), ଲୋଇସିଂହା ବ୍ଲକ ଦୁମଦୁମି ସୀମାନ୍ତରେ ଥିବା ଜଳ ନିଷ୍କାସନ ପଥ ଭୁଶୁଡି ପଡିଛି। ଫଳସ୍ବରୂପ ଡ୍ୟାମର ପାଣି ମାଡିଯିବାରୁ ଲୋଇସିଂହା ବ୍ଲକ ଦୁମଦୁମି ଗ୍ରାମର ପ୍ରାୟ ୧ଶହ ଏକର ଚାଷ ଜମି ବାଲିଚର ହୋଇ ଖରିଫ ଫସଲ ନଷ୍ଟ ହୋଇଥିବା ଜଣାପଡିଛି। ଜିଲା ବନ୍ୟାଞ୍ଚଳ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ଉକ୍ତ ଡ୍ୟାମକୁ ଚଳିତବର୍ଷ ଇକୋ ଟୁରିଜିମର ମାନ୍ୟତା ଦେଇ ପ୍ରାୟ ୧ କୋଟି ଟଙ୍କାର ସୌନ୍ଦର୍ଯ୍ୟକରଣ କାମ ହାତକୁ ନିଆଯାଇଛି। ଅନ୍ୟପଟେ ଡ୍ୟାମର ଜଳ ସରଂକ୍ଷଣ ପ୍ରତି ହୁଗୁଲା ବ୍ୟବସ୍ଥା ଜିଲା ପ୍ରଶାସନର ଦୂରଦୃଷ୍ଟିକୁ ପଦାରେ ପକାଇ ଦେଇଥିବା ସାଧାରଣରେ ଆଲୋଚନା ହେଉଛି।