ନୂଆଦିଲ୍ଲୀ,୮ ।୧୦: ଦୀପାବଳୀ ପୂର୍ବରୁ ଗ୍ରାହକଙ୍କୁ ବଡ ଝଟକା ଲାଗିଛି । ଆଇଜିଏଲ ଦ୍ୱାରା ସିଏନଜିର ଦାମ କିଲୋପିଛା ୩ ଟଙ୍କା ବୃଦ୍ଧି ହୋଇଛି । ସେହିଭଳି ପିଏନଜିର ଦାମ ବି ୩ ଟଙ୍କା ବଢିଛି । ଶନିବାରଠାରୁ ଏହି ବର୍ଦ୍ଧିତ ଦାମ ଲାଗୁ କରାଯିବ । ରାଜଧାନୀ ଦିଲ୍ଲୀରେ ସିଏନଜିର ଦାମ ୭୫.୬୧ ଟଙ୍କା ଥିବା ବେଳେ ଏବେ ଏହା ୭୮.୬୧ ଟଙ୍କା ହୋଇଛି । ସେହିଭଳି ନୋଏଡା, ଗ୍ରେଟର ନୋଏଡା ଓ ଗାଜିଆବାଦରେ ଦାମ ୭୮.୧୭ ଟଙ୍କାରୁ ବୃଦ୍ଧି ହୋଇ ୮୧.୧୭ ଟଙ୍କା ହୋଇଛି । ପୂର୍ବରୁ ମୁମ୍ବାଇରେ ଏହାର ଦାମ ବୃଦ୍ଧି ହୋଇଛି ।
ବର୍ଦ୍ଦିତ ଦାମ ଗ୍ରାହକଙ୍କ ପାଇଁ ଚିନ୍ତାର କାରଣ ପାଲଟିଥିବା ବେଳେ ବିଶେଷଜ୍ଞମାନେ ଅନୁମାନ କରୁଛନ୍ତି କି ସିଏନଜିର ଦାମ କିଲୋପ୍ରତି ୮ ଟଙ୍କା ବୃଦ୍ଧି ହୋଇପାରେ । ନିକଟରେ ଗ୍ରାହକଙ୍କୁ ଆଶ୍ୱସ୍ତି ନ ମିଳିପାରେ ବୋଲି ସେମାନେ ମତ ଦେଉଛନ୍ତି । ଏପଟେ ପିଟିଆଇ ରିପୋର୍ଟରେ କୋଟକ ଇନଷ୍ଟୁଚ୍ୟଶନାଲ ଇକ୍ୟୁଇଟିର ତଥ୍ୟ ଅନୁଯାୟୀ ଗୋଟିଏ ବର୍ଷରେ ଗ୍ୟାସର ଦାମ ପାଖାପାଖି ୫ ଗୁଣା ବୃଦ୍ଧି ହେଲାଣି ।
