ଲକ୍ଷ୍ନୌ,୧୬ ।୩: ଉତ୍ତର ପ୍ରଦେଶର ଯୋଗୀ ଆଦିତ୍ୟନାଥ ସରକାରଙ୍କ ଦ୍ୱିତୀୟ କାର୍ଯ୍ୟକାଳର ୧ବର୍ଷ ପୂର୍ତ୍ତି ୨୫ ମାର୍ଚ୍ଚରେ ପାଳନ ହେବାକୁ ଯାଉଛି । ଯୋଗୀ ସରକାର ଏକ ବର୍ଷ ପୂରଣ କରିଥିବା ଖୁସିରେ ଭାରତୀୟ ଜନତା ପାର୍ଟି(ଭାଜପା) ସଙ୍ଗଠନର ପ୍ରସ୍ତୁତି ଖୁବ ଧୁମଧାମରେ ଚାଲିଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିଜେ ଲକ୍ଷ୍ନୌରେ ପ୍ରେସ କନଫରେନ୍ସ କରି ଯୋଗୀ ଦ୍ୱିତୀୟ କାର୍ଯ୍ୟକାଳ ୧ ବର୍ଷ ପୁରଣ ହେବା ପରେ ସରକାର ସେମାନଙ୍କ ଉପଲବ୍ଧିର ସୂଚନା ଦେବେ । ଏହାସହ ସରକାରଙ୍କ ମନ୍ତ୍ରୀ, ଏମପି, ବିଧାୟକ ଭିନ୍ନ ଭିନ୍ନ ଜିଲାକୁ ଯାଇ ସରକାରଙ୍କ ଉପଲବ୍ଧି କଥା କହିବେ । ବିରୋଧୀ ଏହାକୁ ନେଇ ସରକାରଙ୍କୁ ପ୍ରଶ୍ନ କରିବେ ।
ସୂଚନାଯୋଗ୍ୟ, ୨୦୨୨ରେ ହୋଇଥିବା ବିଧାନସଭା ନିର୍ବାଚନରେ ଭାଜପା ପୂର୍ଣ୍ଣ ବହୁମତ ସହ ଶାସନ କ୍ଷମତାକୁ ପୁଣିଥରେ ଫେରିଥିଲା । ଉତ୍ତର ପ୍ରଦେଶ ଇତିହାସରେ ଏହା ୩୭ ବର୍ଷ ପରେ ହୋଇଥିଲା ଯେତେବେଳେ ଗୋଟିଏ ଦଳ ଦ୍ୱିତୀୟଥର ଲାଗି ପୁଣିଥରେ ସରକାର ଗଠନ କରିଥିଲା । ଏହି ସରକାରଙ୍କୁ ଏବେ ୨୫ ମାର୍ଚ୍ଚରେ ୧ ବର୍ଷ ପୂରଣ ହେବ । ଏହାକୁ ସାରା ରାଜ୍ୟରେ ଧୁମଧାମରେ ପାଳନ କରାଯିବାକୁ ଆୟୋଜନ କରାଯାଇଛି ।
