ଲକ୍ଷ୍ନୌ,୨୦।୧୦: ଉତ୍ତରପ୍ରଦେଶ ପ୍ରୟାଗରାଜର ଗୌହନିଆରେ ଅବସ୍ଥିତ ଜୟପୁରିଆ ସ୍କୁଲର ବତ୍ସଲ୍ୟ କ୍ୟାମ୍ପସରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗୁରୁବାର ଆରଏସ୍ଏସ୍ ମୁଖ୍ୟ ମୋହନ ଭାଗବତଙ୍କୁ ଭେଟିଛନ୍ତି। ଦୁହିଁଙ୍କ ମଧ୍ୟରେ ପ୍ରାୟ ୧ଘଣ୍ଟା ଧରି ସୌଜନ୍ୟମୂଳକ ସାକ୍ଷାତକାର ହୋଇଥିଲା। ଏହି ସମୟରେ ଯୋଗୀ ଆଦିତ୍ୟନାଥ ଆରଏସ୍ଏସ୍ ମୁଖ୍ୟଙ୍କ ସହ ଜନସଂଖ୍ୟା ଅସନ୍ତୁଳନ ଓ ଧର୍ମପରିବର୍ତ୍ତନ ଭଳି ଅନେକ ପ୍ରସଙ୍ଗ ଉପରେ ଆଲୋଚନା କରିଥିଲେ। ଏଥିସହ ଅଯୋଧ୍ୟାରେ ଆୟୋଜିତ ହେବାକୁ ଥିବା ଦୀପତ୍ସୋବରେ ମଧ୍ୟ ଯୋଗଦେବାକୁ ସେ ଆନୁଷ୍ଠାନିକ ଭାବେ ଭାଗବତଙ୍କୁ ନିମନ୍ତ୍ରଣ କରିଛନ୍ତି। ଚଳିତ ଥର ଯୋଗୀ ସରକାର ଅଯୋଧ୍ୟାରେ ଏକ ଭବ୍ୟ ଦୀପତ୍ସୋବ ଆୟୋଜନ କରୁଛନ୍ତି। ଏଥର ୧୬ଲକ୍ଷରୁ ଅଧିକ ଦୀବ ଜଳିବ। ଯାହା ଗିନିଜ ୱାଲର୍ଡରେ ରେକର୍ଡ ହେବ। ଅନ୍ୟପଟେ ଯୋଗୀ ଅଯୋଧ୍ୟାରେ ହେବାକୁ ଥିବା ଏକ ଭବ୍ୟ ରାମ ମନ୍ଦିର ନିର୍ମାଣ ବିଷୟରେ ମୋହନ ଭାଗବତଙ୍କୁ ଅବଗତ କରାଇଥିଲେ। ଅନ୍ୟପଟେ ଡେଙ୍ଗୁ ସହ ମୁକାବିଲା ପାଇଁ ମୁଖ୍ୟମନ୍ତ୍ରୀ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ମୋହନ ଭାଗବତଙ୍କୁ ଭେଟିବା ପରେ ଯୋଗୀ ହେଲିକପ୍ଟରରେ ଲକ୍ଷ୍ନୌ ଅଭିମୁଖେ ଯାତ୍ରା କରିଥିଲେ।
