ଲକ୍ଷ୍ନୌ,୨୧।୨: ରାମଙ୍କ ସହର ଅଯୋଧ୍ୟାରେ ଅନେକ ମଠ ଏବଂ ମନ୍ଦିର ରହିଛି। କିନ୍ତୁ ବର୍ତ୍ତମାନ ଏହି ସହର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମନ୍ଦିର ସହିତ ପରିଚିତ ହେବ। ମୁଖ୍ୟମନ୍ତ୍ରୀ ଯୋଗୀଙ୍କ କର୍ମକ୍ଷେତ୍ର ଅଯୋଧ୍ୟାରେ ଶ୍ରୀ ଯୋଗୀ ମନ୍ଦିର ନିର୍ମାଣ ହେବାକୁ ଯାଉଛି। ଯୋଗୀଙ୍କ ପ୍ରଚାରକ ପ୍ରଭାକର ମୌର୍ଯ୍ୟ ଏହି ମନ୍ଦିର ନିର୍ମାଣ କରିବାକୁ ଯାଉଛନ୍ତି। ଅଯୋଧ୍ୟାର କଲ୍ୟାଣ ଭଦର୍ସା ଗ୍ରାମର ମଜରେ ମୌର୍ଯ୍ୟର ପୁରବାରେ ଶ୍ରୀ ଯୋଗୀ ମନ୍ଦିର ନିର୍ମାଣ ହେବାକୁ ଯାଉଛି। ଫେବୃଆରୀ ୨୪ରେ ମନ୍ଦିରର ଭୂମି ପୂଜନ କରାଯିବ। ରାମଲାଲାଙ୍କ ମୁଖ୍ୟ ପୁରୋହିତ ଆଚାର୍ଯ୍ୟ ସତ୍ୟେନ୍ଦ୍ର ଦାସ ଏହି ଭୂମିପୂଜା କରିବେ ବୋଲି ଜଣାପଡ଼ିଛି। ଭୂମିପୂଜନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ମଧ୍ୟ ନିମନ୍ତ୍ରଣ ପତ୍ର ପଠାଯାଇଛି। ଏହି ଅବସରରେ ହନୁମାନଗଢ଼ିର ପୂଜାରୀ ରାଜୁ ଦାସ ଏବଂ ଅଯୋଧ୍ୟାଙ୍କର ବହୁ ବରିଷ୍ଠ ସାଧୁ ସନ୍ଥ ଏଥିରେ ସାମିଲ ହେବେ। ସୂଚନା ମୁତାବକ, ଶ୍ରୀ ଯୋଗୀଙ୍କ ଏହି ମନ୍ଦିର ୧୦୧ ଫୁଟ ଉଚ୍ଚ ହେବ। ଏହି ମନ୍ଦିରର ଲମ୍ବ ଏବଂ ଚଉଡା ୫୦ -୫୦ ହେବ। ଏହି ମନ୍ଦିରର ନିର୍ମାଣ ପାଇଁ ପ୍ରାୟ ୪ କୋଟି ଟଙ୍କା ଖର୍ଚ୍ଚ ହେବ। ଏହି ମନ୍ଦିର ନିର୍ମାଣ ପାଇଁ ପ୍ରାୟ ୫ବର୍ଷ ଲାଗିବ। ଏହି ମନ୍ଦିରରେ ଭଗବାନଙ୍କ ମୂର୍ତ୍ତି ବଦଳରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପ୍ରତିମୂର୍ତ୍ତି ରହିବ। ଭଗବାନଙ୍କ ପରି ଏହି ପ୍ରତିମାକୁ ପ୍ରତିଦିନ ସକାଳେ ଏବଂ ସନ୍ଧ୍ୟାରେ ମନ୍ଦିରରେ ପୂଜା କରାଯିବ ଏବଂ ସନ୍ଧ୍ୟାରେ ଆଳତୀ ହେବ।
