ରାଞ୍ଚି,୨୦।୭: ମଣିପୁରରେ ମହିଳାଙ୍କ ସହ ହୋଇଥିବା ବର୍ବରତାକୁ ନେଇ ସାରା ଦେଶରେ କ୍ରୋଧ ପ୍ରକାଶ ପାଇଛି। ଏହାର ଭିଡିଓ ଭାଇରାଲ ହେବା ପରେ ପ୍ରତ୍ୟେକ ବ୍ୟକ୍ତି ଏହି ଘଟଣାର ନିନ୍ଦା କରୁଛନ୍ତି। ଏହି ଘଟଣାକୁ ଦେଶର ସମସ୍ତେ ନିନ୍ଦା କରୁଛନ୍ତି। ଏଥି ସହିତ ବିରୋଧୀ ଦଳମାନେ ପୁଣି ଥରେ ମୋଦି ସରକାରଙ୍କ ଉପରେ ଏହି ପ୍ରସଙ୍ଗକୁ ନେଇ ଆକ୍ରମଣ କରିବାର ସୁଯୋଗ ପାଇଛନ୍ତି। ଏହି ସମୟରେ ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ ଖୋଲାଖୋଲି ଭାବେ କେନ୍ଦ୍ର ସରକାରଙ୍କୁ ଆକ୍ରମଣ କରିଛନ୍ତି। ସୋରେନ କହିଛନ୍ତି ଯେ ଏହି ଘଟଣା ଦେଶ ଇତିହାସର ଏକ କଳା ଅଧ୍ୟାୟ ଭାବରେ ସର୍ବଦା ସ୍ମରଣୀୟ ହୋଇ ରହିବ।
ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ ଗଣମାଧ୍ୟମ ସହ କଥା ହୋଇ କହିଛନ୍ତି ଯେ, ମଣିପୁର ପ୍ରାୟ ୮୦ଦିନ ଧରି ଅରାଜକତା ଦେଇ ଗତି କରିଛି, ଗୋଟିଏ ଦିନ ପୂର୍ବରୁ ଏକ ଦୃଶ୍ୟ ଦେଖିବାକୁ ମିଳିଥିଲା ଯାହାକୁ ବର୍ଣ୍ଣନା କରାଯାଇପାରିବ ନାହିଁ। ଗୁରୁବାର ଯେତେବେଳେ ଲୋକସଭା ଅଧିବେଶନ ଆରମ୍ଭ ହେବାକୁ ଯାଉଥିଲା, କେନ୍ଦ୍ର ଏହାର ନିରବତାକୁ ଭାଙ୍ଗି ଦେଇଥିଲା ଏବଂ ସମଗ୍ର ବିଶ୍ୱ ଦେଖିଲା ଯେ ଏହା କିପରି ନୀରବତା ଭାଙ୍ଗିଲା।
ଦେଶର ବିକାଶ କଥା ଯଦି ଆଲୋଚନା କରାଯାଏ, ଆପଣଙ୍କୁ ବିଶ୍ୱର ବିଭିନ୍ନ ଦେଶରେ ସ୍ବାଗତ କରାଯାଇଛି, କିନ୍ତୁ ଆମ ଦେଶରେ ରାଜ୍ୟ ଭିତରେ ଗୃହଯୁଦ୍ଧ ଚାଲିଛି। ଏହାପୂର୍ବରୁ ମଧ୍ୟ ଦୁଇ ରାଜ୍ୟ ପରସ୍ପର ସହ ଲଢିଛନ୍ତି। ଏହି ଘଟଣା ଦେଶ ତଥା ଦେଶର ଇତିହାସରେ ଏକ କଳା ଅଧ୍ୟାୟ ଯୋଡିବାରେ ସାହାଯ୍ୟ କରିବ ବୋଲି ମୁଖ୍ୟମନ୍ତ୍ରୀ ସୋରେନ ମତ ବ୍ୟକ୍ତ କିରିଛନ୍ତି।
