ରାୟପୁର,୩୦।୭: ଛତିଶଗଡ଼ର ଉର୍ଜାଧାନୀ ନାମରେ ପ୍ରସିଦ୍ଧ କୋରବା ଜିଲାରେ ରାଜ୍ୟର ସବୁଠାରୁ ବଡ କ୍ରିଟିକାଲ ଥର୍ମାଲ ପାଓ୍ବାର ଷ୍ଟେଶନ ବା ତାବଜ ବିଦ୍ୟୁତ କେନ୍ଦ୍ର ଓ ଆଧୁନିକ କାରଖାନା ପ୍ରତିଷ୍ଠା କରାଯିବ। ଜୁଲାଇ ୨୯ରେ, ମୁଖ୍ୟମନ୍ତ୍ରୀ ଭୁପେଶ ବାଘେଲ ୧୩୨୦ ମେଗାୱାଟ ସୁପର କ୍ରିଟିକାଲ ପାୱାର ଷ୍ଟେଶନର ଶିଳାନ୍ୟାସ କରିଛନ୍ତି। ଏହି ପ୍ଲାଣ୍ଟରେ ୬୬୦-୬୬୦ ମେଗାୱାଟର ଦୁଇଟି ନୂତନ ୟୁନିଟ ସ୍ଥାପନ କରାଯିବ। ସରକାର ଦାବି କରିଛନ୍ତି ଯେ ଏହା ସହିତ ରାଜ୍ୟ ଶକ୍ତି ଉତ୍ପାଦନ କ୍ଷେତ୍ରରେ ଆତ୍ମନିର୍ଭରଶୀଳ ହୋଇପାରିବ।
ସୂଚନାଯୋଗ୍ୟ, ରାଜ୍ୟ ପ୍ରତିଷ୍ଠା ସମୟରେ (ବର୍ଷ୨୦୦୦), ଏଠାରେ ବିଦ୍ୟୁତ ଉତ୍ପାଦନ କ୍ଷମତା ୧୩୬୦ମେଗାୱାଟ ଥିଲା, କିନ୍ତୁ ବର୍ତ୍ତମାନ ଛତିଶଗଡ ରାଜ୍ୟ ଶକ୍ତି ଉତ୍ପାଦନ କମ୍ପାନୀର ମୋଟ ଉତ୍ପାଦନ କ୍ଷମତା ୨୯୭୮.୭ ମେଗାୱାଟ ରହିଛି। ଏହା ସହିତ ବର୍ତ୍ତମାନ ସୁଦ୍ଧା ରାଜ୍ୟ ଶୂନ ବଦ୍ୟୁତ କାଟ ରାଜ୍ୟରେ ପରିଣତ ହୋଇଛି, କିନ୍ତୁ ଜନସଂଖ୍ୟା ବୃଦ୍ଧି ସହିତ ରାଜ୍ୟରେ ବଦ୍ୟୁତ ଚାହିଦା ବଢୁଛି। ସେଥିପାଇଁ ରାଜ୍ୟ ସରକାର କୋରବାରେ ୬୬୦ ମେଗାୱାଟର ଦୁଇଟି ନୂତନ ୟୁନିଟ ପ୍ରତିଷ୍ଠା କରିବାକୁ ଯିବେ। ୨୫ ଅଗଷ୍ଟ ୨୦୨୨ରେ ମୁଖ୍ୟମନ୍ତ୍ରୀ ଭୁପେଶ ବାଘେଲ ଏହି କାରଖାନା ସ୍ଥାପନ କରିବାକୁ ନିଷ୍ପତ୍ତି ନେଇଥିଲେ।
