ସାଇବର କ୍ରାଇମ୍ ଏବେ ଏକ ବଡ଼ ସମସ୍ୟା ଭାବରେ ଉଭା ହୋଇଛି କହିଲେ ଆଦୌ ଭୁଲ ହେବ ନାହିଁ। ମୋବାଇଲ୍ରେ ଫେକ୍ କଲ୍ ମାଧ୍ୟମରେ ମିଠା ମିଠା କଥା କହି ଅନ୍ୟମାନଙ୍କୁ ଅସୁବିଧାରେ ପକାଇବା ଲାଗି କେତେକ ଗ୍ୟାଙ୍ଗ ବେଶ୍ ତତ୍ପର। ସେପରି ସମସ୍ୟାର ସମ୍ମୁଖୀନ ହୋଇ ଅସୁବିଧାର ସାମ୍ନା କରିଥିବା ବ୍ୟକ୍ତିବିଶେଷଙ୍କ ସଂଖ୍ୟା ମଧ୍ୟ କିଛି କମ୍ ନୁହେଁ। ଏପରି ସାମ୍ପ୍ରତିକ ଘଟଣାକୁ ନେଇ ପ୍ରସ୍ତୁତ ହୋଇଛି ଓ୍ବେବ୍ ସିରିଜ୍ ‘କ୍ଲବ୍-୬୯’। ଉକ୍ତ ସିରିଜ ମାଧ୍ୟମରେ ସମସ୍ତଙ୍କୁ ସାଇବର ଠକେଇ ବିଷୟରେ ସଚେତନ କରାଇବା ମୂଳ ଲକ୍ଷ୍ୟ ବୋଲି କହନ୍ତି ଏହାର ପ୍ରଯୋଜକ କୌଶିକ ଦାସ। କୌସ୍ତୁଭ ଡ୍ରିମଓ୍ବାର୍କସ ପ୍ରା.ଲି. ଏବଂ ଆଓ ଏନ୍ଏକ୍ସଟି ଓଟିଟି ବ୍ୟାନରରେ ଏହି ସିରିଜ ନିର୍ମାଣ କରାଯାଇଛି, ଯାହାର ସହ ପ୍ରଯୋଜକ ଅଛନ୍ତି ଡ୍ରାଗଲାଇନ୍ କ୍ରିଏଟିଭ୍ସ। ପ୍ରଦୀପ ଦାଶଙ୍କ ନିର୍ଦ୍ଦେଶନାର ଏହାର ବିଭିନ୍ନ ଭୂମିକାରେ ଅଭିନୟ କରିଛନ୍ତି ପିଙ୍କି ପ୍ରଧାନ, ଶ୍ରୁତ ଶୁଭଶ୍ରୀ, ଅମ୍ରିତା ମିଶ୍ର, ସୋନମ ଦାଶ, ଅଭିଷେକ ଗିରି ଏବଂ ଶୁଭ୍ରାଂଶୁ ନାୟକ।
