ଭଞ୍ଜନଗର,୧୯।୮(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ସାବିତ୍ରୀ ମହିଳା ମହାବିଦ୍ୟାଳୟର କିରାଣୀ ସ୍ବରାଜ୍ୟ କୁମାର ରାଉଳ (୫୫) ବୁଧବାର ପ୍ରତ୍ୟୁଷରେ ପରଲୋକ ଗମନ କରିଛନ୍ତି। ସେ ବିଗତ କିଛିଦିନ ହେବ ଅସୁସ୍ଥ ଥିଲେ। ତେଣୁ ସେ ଭୁବନେଶ୍ୱରରେ ଚିକିତ୍ସିତ ହେଉଥିଲେ। ତାଙ୍କର ବିୟୋଗରେ କଲେଜ ଅଧ୍ୟକ୍ଷ ଡଃ ଦିଲ୍ଲୀପ କୁମାର ପ୍ରଧାନଙ୍କ ସମେତ ଅଧ୍ୟାପିକା, ଅଧ୍ୟାପକ, କର୍ମଚାରୀ ଏବଂ ଛାତ୍ରୀମାନେ ଗଭୀର ଶୋକବ୍ୟକ୍ତ କରିଛନ୍ତି।
ସୂଚନାଯୋଗ୍ୟ ଯେ, ସ୍ବରାଜ୍ୟଙ୍କ ଘର ହେଉଛି ଭଞ୍ଜନଗର ବ୍ଲକ ମୁଜାଗଡ଼ରେ। ସେ ଆଜିକୁ ପ୍ରାୟ ୨୦ ବର୍ଷରୁ ଉର୍ଦ୍ଧ୍ୱ ଦିନ ହେବ ସାବିତ୍ରୀ ମହିଳା ମହାବିଦ୍ୟାଳୟରେ ପରିଚାଳନା କମିଟି ଅଧୀନରେ କିରାଣୀ ଭାବେ କାର୍ଯ୍ୟ କରୁଥିଲେ। କିନ୍ତୁ ସେ ବ୍ଲକ ଗ୍ରାଣ୍ଡ ସୁବିଧା ପାଇ ପାରି ନ ଥିଲେ। ସରକାରଙ୍କ ସୁବିଧା ସୁଯୋଗ ପାଇବା ପାଇଁ ସେ ଅନେକ ଥର ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କ ଦ୍ୱାରସ୍ଥ ହୋଇଥିଲେ। ତଥାପି ସରକାରଙ୍କ ସୁବିଧା ସେ କୌଣସି କାରଣରୁ ପାଇ ପାରି ନ ଥିଲେ। ତେଣୁ ବର୍ତ୍ତମାନ ସ୍ବରାଜ୍ୟଙ୍କ ପରିବାରର ଜଣଙ୍କୁ ପରିଚାଳନା କମିଟି ଅଧୀନରେ ନିଯୁକ୍ତି ଦେବାର ଆବଶ୍ୟକତା ରହିଛି।