ଗୁଆହାଟୀ/ଶିଲଂ,୨୭।୯ : ଆସାମ-ମେଘାଳୟ ଆନ୍ତଃରାଜ୍ୟ ସୀମା ନିକଟରେ ଥିବା ଏକ ଗ୍ରାମରେ ସଂଘର୍ଷ ଘଟିଛି। ଏହି ସମୟରେ ଉଭୟ ପକ୍ଷ ପରସ୍ପର ଉପରେ କଡ଼ା ଆକ୍ରମଣ କରିଥିଲେ। କେବଳ ଏତିକି ନୁହେଁ, ଆକ୍ରମଣ ପାଇଁ ବାଟୁଳି ଏବଂ ଧନୁତୀର ବ୍ୟବହାର କରାଯାଇଥିଲା।
ମେଘାଳୟର ପଶ୍ଚିମ ଜୟନ୍ତିଆ ପାହାଡିଆ ଜିଲା ଏବଂ ଆସାମର ପଶ୍ଚିମ କାର୍ବି ଆଙ୍ଗ୍ଲୋଙ୍ଗ ଜିଲା ନିକଟରେ ଥିବା ଲାପଙ୍ଗାପ ଗ୍ରାମରେ ଏହି ସଂଘର୍ଷ ଘଟିଛି। ତେବେ ଆହତଙ୍କ ବିଷୟରେ କୌଣସି ସୂଚନା ପ୍ରକାଶ ପାଇନାହିଁ।
ଯେତେବେଳେ ଉଭୟ ରାଜ୍ୟର ପୋଲିସଙ୍କୁ ଏସମ୍ପର୍କରେ ସୂଚନା ମିଳିଥିଲା ସେମାନେ ଘଟଣାସ୍ଥଳରେ ପହଞ୍ଚିଥିଲେ। ଘଟଣା ସ୍ଥଳ ପରିଦର୍ଶନ କରି ସ୍ଥାନୀୟ ଲୋକଙ୍କୁ ଶାନ୍ତ କରିଥିଲେ। ଏହା ପରେ ପରିସ୍ଥିତି ସ୍ବାଭାବିକ ହୋଇଥିଲା। କୁହାଯାଉଛି ଯେ ବର୍ତ୍ତମାନ ଗାଁରେ ଶାନ୍ତି ଅଛି, କିନ୍ତୁ ବୁଧବାର ସକାଳେ ପରିବେଶ ଉତ୍ତେଜନାପୂର୍ଣ୍ଣ ରହିଛି। ବାସ୍ତବରେ ପୋଲିସ ଲୋକଙ୍କୁ ସଂଘର୍ଷ ସ୍ଥଳକୁ ଯିବାକୁ ବାରଣ କରିଛି।
ପଶ୍ଚିମ ଜୟନ୍ତିଆ ପାହାଡିଆ ଜିଲାର ଜଣେ ବରିଷ୍ଠ ଅଧିକାରୀ କହିଛନ୍ତି ଆସାମର ପଶ୍ଚିମ କାର୍ବି ଆଙ୍ଗ୍ଲୋଙ୍ଗ ଜିଲାର ଅଧିକାରୀଙ୍କ ସହ ଆମେ ଆଲୋଚନା କରୁଛୁ।
