ଧୂଳିରେ ଅତିଷ୍ଠ ସହରବାସୀ

ସମ୍ବଲପୁର,୨୬।୧୧(ଭବାନୀ ଶଙ୍କର ଭୋଇ)ସମ୍ବଲପୁର ସହରର ଧନୁପାଲି ଛକରୁ ଜେଲ ଛକ ପର୍ଯ୍ୟନ୍ତ ଦୁଇଥାକିଆ ରାସ୍ତାକାର୍ଯ୍ୟ ଦୀର୍ଘଦିନ ହେଲା ଆରମ୍ଭ ହୋଇଥିଲେ ମଧ୍ୟ ଏପର୍ଯ୍ୟନ୍ତ ଶେଷ ହୋଇପାରି ନାହିଁ। ପ୍ରଶସ୍ତୀକରଣ ପାଇଁ ରାସ୍ତା ଖୋଳାଯାଇ ମାଟି ଗଦାକରି ରଖାଯାଇଛି। ଫଳରେ ଗାଡିମୋଟର ଯିବା ସମୟରେ ଧୂଳିଉଡି ପୂରା ପରିବେଶକୁ ଆଚ୍ଛାଦିତ କରିରଖୁଛି। ଏହି ସମୟରେ କୁହୁଡି ଛାଇଗଲା ଭଳି ମନେ ହେଉଛି। ପ୍ରାତଃଭ୍ରମଣ ପାଇଁ ବାହାରୁଥିବା ଲୋକେ ଶୁଦ୍ଧ ବାୟୁଟିକିଏ ପାଇବା ପାଇଁ ଘରୁ ବାହାରୁଥିବା ବେଳେ ଏହି ଧୂଳି ସେମାନଙ୍କୁ ଅତିଷ୍ଠ କରିଦେଉଛି। ରାସ୍ତା ନିର୍ମାଣର ମନ୍ଥରତା ଯୋଗୁ ସହରବାସୀ ମାସ ମାସ ଧରି ଏଭଳି ଅସୁବିଧା ଭୋଗୁଛନ୍ତି। ଏକ ନିର୍ଦ୍ଦିଷ୍ଟ ଅଞ୍ଚଳ କିମ୍ବା ରାସ୍ତାର ଗୋଟିଏ ପଟ କାମ ଶେଷ କରି ଅନ୍ୟ ପଟରେ କାମ ଆରମ୍ଭ କଲେ ଲୋକେ କିଛି ମାତ୍ରାରେ ଧୂଳିରୁ ରକ୍ଷା ପାଇପାରନ୍ତେ ବୋଲି ମତ ଦେଉଛନ୍ତି। ଧନୁପାଲିରୁ ଜେଲ ଛକ ପର୍ଯ୍ୟନ୍ତ ବିଭିନ୍ନ ସ୍ଥାନରେ ମାଟି ଖୋଳାଯାଇଥିବାବେଳେ ଶହେ ମିଟର ବି ରାସ୍ତା ସମ୍ପୂର୍ଣ୍ଣ ହୋଇପାରିନାହିଁ। ଏହି ଧୂଳି ଯୋଗୁ ସହରବାସୀ ରୋଗଗ୍ରସ୍ତ ମଧ୍ୟ ହେବା ସମ୍ଭାବନା ରହିଛି। ସହରସାରା ନିର୍ମାଣ କାମ ଚାଲିଥିବା ବେଳେ ବିଭିନ୍ନ ବିଭାଗ ମଧ୍ୟରେ ସମନ୍ବୟ ରହୁ ନ ଥିବାରୁ ଗୋଟିଏ ବିଭାଗ ମାଟି ଖୋଳି କାମ ସାରିବା ପରେ ଆଉ ଗୋଟିଏ ବିଭାଗ ପୁଣି ସେହି ସ୍ଥାନରେ ମାଟି ଖୋଳି ରାସ୍ତା ନଷ୍ଟ କରୁଥିବା ଦେଖିବାକୁ ମିଳିଛି।

ଧନୁପାଲିରୁ ଜେଲଛକ ରାସ୍ତା ଦୋହରୀକରଣ କାମ ଚାଲିଛି। ରାସ୍ତା ଦୁଇ ପାର୍ଶ୍ୱର ଜମି ଅଧିଗ୍ରହଣ କାର୍ଯ୍ୟ ଏପର୍ଯ୍ୟନ୍ତ ସରିନାହିଁ। ବାରମ୍ବାର ରାସ୍ତାର ଡିଜାଇନ ପରିବର୍ତ୍ତନ କରାଯାଉଛି। ଘରଗୁଡିକରେ ଦିଆଯାଉଥିବା ଚିହ୍ନ ମଧ୍ୟ ବାରମ୍ବାର ପରିବର୍ତ୍ତନ ହେଉଥିବା ଯୋଗୁ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି। କାମ କଚ୍ଛପ ଗତିରେ ଚାଲୁଥିବା ବେଳେ ଅଧା ସହର ଧୂଳିରେ ଗାଧୋଇବାକୁ ବାଧ୍ୟ ହେଉଛି।
-ସୂର୍ଯ୍ୟ ପାଣିଗ୍ରାହୀ, ଗୋବିନ୍ଦତୋଲା ବାସିନ୍ଦା

ରାସ୍ତା ଦୋହରୀକରଣ କରାଯିବା ସ୍ବାଗତଯୋଗ୍ୟ। ତେବେ ଯେଉଁ କାମ ଆରମ୍ଭ କରାଯାଉଛି ତାକୁ ସମ୍ପର୍ଣ୍ଣ କରିବାକୁ ପ୍ରଥମେ ଧ୍ୟାନ ଦେବା କଥା। ବର୍ତ୍ତମାନ ସମୟରେ ଜେଲ ଛକରୁ ଧନୁପାଲି ଛକ ପର୍ଯ୍ୟନ୍ତ ଯା’ଆସ କରିବା କୌଣସି ଦଣ୍ଡଠାରୁ କମ ନୁହେଁ। ମାସ ମାସ ଧରି ଏଭଳି କାମ ଚାଲୁଥିବାରୁ ଅଞ୍ଚଳର ଲୋକେ ନାହିଁ ନ ଥିବା ଅସୁବିଧା ଭୋଗୁଛନ୍ତି।
-ସଞ୍ଜୟ ଅଗ୍ରୱାଲ, ସାରସ୍ବତ କଲୋନୀ, ଚାରଭାଟୀ

ଧନୁପାଲି ଛକରୁ ସହର ଭିତରକୁ ଗଲା ବେଳେ ଧଳା ଶାର୍ଟ ପିନ୍ଧି ଯିବାକୁ ଭୟ ଲାଗୁଛି। ରାସ୍ତା କାମ ପାଇଁ ଟ୍ରାଫିକ ସମସ୍ୟା ଏକ ସାଧାରଣ ଘଟଣା। ତେବେ ଧୁଳିରେ ଯିବାଆସିବା କରିବା ଶ୍ୱାସ ରୋଗୀଙ୍କ ପାଇଁ ବିପଦ ହୋଇପଡିଛି। ରାସ୍ତାରେ ପାଣିସିଞ୍ଚନ କରି ଶୀଘ୍ର କାମ ସାରିବାକୁ ପ୍ରଶାସନକୁ ଅନୁରୋଧ କରୁଛୁ।
-ପ୍ରତୀକ ମହାପାତ୍ର, ଧନୁପାଲି ବାସିନ୍ଦା

ଜେଲ ଛକରୁ ଧନୁପାଲି ପର୍ଯ୍ୟନ୍ତ ରାସ୍ତା ଦୋହରୀକରଣ କାମ ଶୀଘ୍ର ସାରିବାକୁ ଠିକାଦାରଙ୍କୁ କୁହାଯାଇଛି। ଏକ ସମୟରେ ଜନସ୍ବାସ୍ଥ୍ୟ ବିଭାଗ ପାଇପ୍‌ କାମ କରୁଥିବାବେଳେ ବିଦ୍ୟୁତ୍‌ ବିଭାଗ ଖୁଣ୍ଟ ହଟାଇବା କାମ କରୁଥିବାରୁ ରାସ୍ତା ନିର୍ମାଣରେ ବିଳମ୍ବ ହେଉଛି। ରାସ୍ତା ନିର୍ମାଣ ସମୟରେ ଗାଡି ଯା’ଆସ କଲେ ଧୁଳି ଉଡିବା ସ୍ବାଭାବିକ। ଏହାକୁ ନେଇ ଅଭିଯୋଗ କରିବା ବଦଳରେ ସମସ୍ତେ ସହଯୋଗ କରିବା ଦରକାର।
-ଓମ୍‌ପ୍ରକାଶ କାକ୍‌,କନିଷ୍ଠ ଯନ୍ତ୍ରୀ, ପୂର୍ତ୍ତ ବିଭାଗ, ସମ୍ବଲପୁର


Enter your email to get our daily news in your inbox.

All Right Reserved By Dharitri.Com

ଆଗ୍ନିକ କର୍ମଚାରୀଙ୍କ ଆନ୍ଦୋଳନ ପ୍ରତ୍ୟାହୃତ

ଭୁବନେଶ୍ୱର,୨୩।୨(ସତ୍ୟଜିତ୍‌ ରାଉତ): ରାଜ୍ୟ ଅଗ୍ନିଶମ ସେବା ସଂସ୍ଥାର ଆଗ୍ନିକ କର୍ମଚାରୀମାନେ ଦୁଇଦଫା ଦାବି ନେଇ ଚଳାଇଥିବା କାର୍ଯ୍ୟବନ୍ଦ ଆନ୍ଦୋଳନକୁ ଶୁକ୍ରବାର ପ୍ରତ୍ୟାହୃତ କରିନେଇଛନ୍ତି। ଏନେଇ ସଂଘ...

ଓଡ଼ିଶାବାସୀଙ୍କ ପାଇଁ ଖୁସିଖବର: ୨୧ଟି ଅମୃତ ଷ୍ଟେଶନ ଶିଳାନ୍ୟାସ କରିବେ ପ୍ରଧାନମନ୍ତ୍ରୀ

ଭୁବନେଶ୍ୱର,୨୩।୨(ଅନୁରାଧା ମହାରଣା) :ଦେଶର ରେଳ ଭିତ୍ତିଭୂମିରେ ପରିବର୍ତ୍ତନ ବ୍ୟାପକ ପରିବର୍ତ୍ତନ ହେଉଛି। ଆସନ୍ତା ୨୬ ତାରିଖରେ ୫୫୪ଟି ରେଳ ଷ୍ଟେଶନ, ୧୫୦୦ ରୋଡ୍‌ ଓଭର ବ୍ରିଜ...

ସୁନ୍ଦରଗଡ଼ ଜିଲା ବିଧାନସଭା ନିର୍ବାଚନ ମଣ୍ଡଳୀ ପାଇଁ ପର୍ଯ୍ୟବେକ୍ଷକ ନିଯୁକ୍ତ

ଭୁବନେଶ୍ୱର,୨୩ା୨(ଅନିଲ ଦାସ): ସାଧାରଣ ନିର୍ବାଚନ ପାଖେଇ ଆସୁଥିବାରୁ ରାଜନୈତିକ ଦଳଗୁଡ଼ିକ ନିଜର ସଙ୍ଗଠନକୁ ମଜଭୁତ କରିବାରେ ଲାଗିଛନ୍ତି। ଏହି କ୍ରମରେ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ...

ବିଜେଡିରେ ଯୋଗଦେଲେ ପୂର୍ବତନ ଭାଜପା ରାଜ୍ୟ ସମ୍ପାଦକ

ଭୁବନେଶ୍ୱର,୨୩ା୨(ଅନିଲ ଦାସ)- ଯାଜପୁର ଜିଲା ଧର୍ମଶାଳାନିର୍ବାଚନମଣ୍ଡଳୀ ଅନ୍ତର୍ଗତ ରସୁଲପୁର ବ୍ଲକର ପୂର୍ବତନ ଭାପା ରାଜ୍ୟ ସମ୍ପାଦକ ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ସୁରେନ୍ଦ୍ର ପଣ୍ଡାଙ୍କ ସହଶତାଧିକ...

ଶ୍ୱଶୁର ଘର ଜାଳିଦେଲେ ଜ୍ୱାଇଁ

କାମାକ୍ଷାନଗର,୨୩।୨(ସୁଧୀର ପରିଡ଼ା): ଢେଙ୍କାନାଳ ଜିଲା କାମାକ୍ଷାନଗର ଥାନା ନୂଆଁ ଆଳତୁମା ଗାଁରେ ଗୁରୁବାର ରାତିରେ ଏକ ଅଭାବନୀୟ ଘଟଣା ଘଟିଯାଇଛି। ପାରିବାରିକ ସମସ୍ୟାକୁ କେନ୍ଦ୍ରକରି ଶ୍ୱଶୁର...

କିନ୍ନରଙ୍କୁ ପ୍ରେମ କରି କରିଥିଲେ ବିବାହ, ପରେ ପ୍ରତାରଣା କରି…

କାମାକ୍ଷାନଗର,୨୩।୨(ସୁଧୀର ପରିଡ଼ା): କିନ୍ନରଙ୍କୁ ପ୍ରେମ ବିବାହ ପରେ ଜଣେ ଯୁବକ ପ୍ରତାରଣା କରିଥିବା ଅଭିଯୋଗ ହୋଇଛି। ଏ ନେଇ ସମ୍ପୃକ୍ତ କିନ୍ନର ଶୁକ୍ରବାର ଢେଙ୍କାନାଳ ଜିଲା...

ତାତିଗଲେ ଲୋକେ ବୋହି ନେଲେ କୁକୁଡ଼ା

ପରଜଙ୍ଗ,୨୩।୨(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ବ୍ଲକ ଜୟପୁରାକାଟେଣୀ ଗାଁରେ କୁକୁଡ଼ା ଚିଆଁ ବଣ୍ଟନ ବେଳେ ହଟ୍ଟଗୋଳ ହୋଇଛି । ଉତ୍ତ୍ୟକ୍ତ ଲୋକେ କୁକୁଡ଼ା ଚିଆଁ...

ରାଜଧାନୀରେ ଲାଗିପାରିବ ନାହିଁ ଦଳୀୟ ପୋଷ୍ଟର, ଲାଗିଥିଲେ…

ଭୁବନେଶ୍ୱର,୨୩।୨: ଏଣିକି ରାଜଧାନୀରୁ ହଟାଯିବ ଦଳୀୟ ପୋଷ୍ଟର ବ୍ୟାନର। କାନ୍ଥରେ ଲେଖାଯାଇଥିବା ଦଳୀୟ ସ୍ଲୋଗାନକୁ ମଧ୍ୟ ହଟାଯିକୁ ବିଏମ୍‌ସି କମିଶନର କହିଛନ୍ତି। ଆଗକୁ ନିର୍ବାଚନ ଆସୁଥିବାରୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri