ଏସ୍‌-ଆଇଏଲ୍‌ଏଫ୍‌ ସହ ସିଆଇଆଇର ବୁଝାମଣା
8:22 amNovember 26, 2024November 26, 2024 / 02

ନୂଆଦିଲ୍ଲୀ,୨୬।୧୧: ଭାରତୀୟ ଶିଳ୍ପ ମହାସଂଘ (ସିଆଇଆଇ) ଏବଂ ସାସାକାୱା-ଇଣ୍ଡିଆ ଲେପ୍ରୋସି ଫାଉଣ୍ଡେଶନ ବା ଏସ୍‌-ଆଇଏଲ୍‌ଏଫ୍‌ ମଧ୍ୟରେ ଏକ ଦ୍ୱିପାକ୍ଷିକ ବୁଝାମଣା ନିକଟରେ ଅନୁଷ୍ଠିତ ହୋଇଯାଇଛି। ଏପରିକି ଏସ୍‌-ଆଇଏଲ୍‌ଏଫ୍‌ ଓ ସିଆଇଆଇ ମଧ୍ୟରେ ଏକ ବୁଝାମଣ ପତ୍ର (ଏମ୍‌ଓୟୁ) ସ୍ବାକ୍ଷରିତ ହେବା ସହ ସହଭାଗିତାକୁ ନବୀକରଣ ମଧ୍ୟ କରାଯାଇଥିଲା, ଯାହା ଶିକ୍ଷା, ନିଯୁକ୍ତି ଓ ଅନ୍ତର୍ଭୁକ୍ତୀକରଣକୁ ପ୍ରୋତ୍ସାହିତ କରିବା ପ୍ରତି ସେମାନଙ୍କର ମିଳିତ ପ୍ରତିବଦ୍ଧତାକୁ ସୁଦୃଢ କରିଛି। ଅପରପକ୍ଷରେ ଏସ୍‌-ଆଇଏଲ୍‌ଏଫ୍‌ର ୧୮ତମ ପ୍ରତିଷ୍ଠା ଦିବସ ନୂଆଦିଲ୍ଲୀର ବିଶ୍ୱ ଯୁବକ କେନ୍ଦ୍ର (ଭିୱାଇକେ) ଠାରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମ କୁଷ୍ଠରୋଗରେ ପୀଡ଼ିତ ବ୍ୟକ୍ତି ଓ ତାଙ୍କ ପରିବାରକୁ ସଶକ୍ତ କରିବା, ଅନ୍ତର୍ଭୁକ୍ତୀକରଣକୁ ତ୍ୱରାନ୍ବିତ କରିବା ଏବଂ ଅପବାଦ ଓ ଭେଦଭାବର ମୁକାବିଲା କରିବା ଦିଗରେ ଦୁଇ ଦଶନ୍ଧିର ଉତ୍ସର୍ଗୀକୃତ ପ୍ରୟାସକୁ ଚିହ୍ନିତ କରିଛି। ଏହି ଅବସରରେ ସାଂସଦ ବୈଜୟନ୍ତ ପଣ୍ଡା,ଡବ୍ଲ୍ୟୁଏଚ୍‌ଓ ଗୁଡ୍‌ୱିଲ ଆମ୍ବାସାଡର ଫର ଲେପ୍ରୋସି ଏଲିମିନେଶନ, ୟୋହେଇ ସାସାକାୱା, ସିଆଇଆଇର ମହାନିର୍ଦ୍ଦେଶକ ଚନ୍ଦ୍ରଜିତ ବାନାର୍ଜୀ,ଏସ୍‌-ଆଇଏଲ୍‌ଏଫ୍‌ର ଅଧ୍ୟକ୍ଷ ତରୁଣ ଦାସ ଏବଂ ଆସୋସିଏଶନ ଅଫ୍‌ ପିପୁଲ ଆଫେକ୍ଟେଡ ବାଏ ଲେପ୍ରୋସି (ଏପିଏଏଲ୍‌)ର ଅଧ୍ୟକ୍ଷ ମାୟା ରାଣାବାରେଙ୍କ ସମେତ ବହୁ ବିଶିଷ୍ଟ ବ୍ୟକ୍ତିବିଶେଷ ଯୋଗ ଦେଇଥିଲେ। ଏହି ପରିେପ୍ରେକ୍ଷୀରେ ଏସ୍‌-ଆଇଏଲ୍‌ଏଫ୍‌ର ଅଧ୍ୟକ୍ଷ ତରୁଣ ଦାସ କହିଥିଲେ, ଏକ ଅପବାଦ-ମୁକ୍ତ ସମାଜ ସୃଷ୍ଟି କରିବା କ୍ଷେତ୍ରରେ ଆମର ପ୍ରାୟ ଜାରି ରହିଛି।