ବେଜିଂ/ଇସଲାମାବାଦ,୨୮।୧୨ : ପାକିସ୍ତାନରେ ବାଲୁଚ ବିଦ୍ରୋହକୁ ନେଇ ଚାଇନ ଭାରତ ବିରୋଧରେ ଷଡ଼ଯନ୍ତ୍ର ରଚିଛି। ଚାଇନାର ସରକାରୀ ଗଣମାଧ୍ୟମର ପ୍ରଶ୍ନ ଉପରେ ବୈଦେଶିକ ମନ୍ତ୍ରଣାଳୟ ବାଲୁଚ ବିଦ୍ରୋହୀଙ୍କୁ ଭାରତ ସହ ଯୋଡିବାକୁ ଏକ ଅସଫଳ ଉଦ୍ୟମ କରିଛି। ଚାଇନା ବୈଦେଶିକ ମନ୍ତ୍ରଣାଳୟର ମୁଖପାତ୍ର ଭାରତର ନାମ ନ ନେଇ ଆତଙ୍କବାଦର ଦୋହରା ମାନଦଣ୍ଡ ଉପରେ ଏକ ବାର୍ତ୍ତା ଦେଇଛନ୍ତି। ଚାଇନା ଆତଙ୍କବାଦକୁ ମାନବିକତାର ଶତ୍ରୁ ବୋଲି ମଧ୍ୟ କହି ଏହାକୂ ଖୋଲାଖୋଲି ଭାବେ ସମର୍ଥନ କରୁଛି। ମିଳିତ ଜାତିସଂଘ ଭଳି ବିଶ୍ୱ ପ୍ଲାଟଫର୍ମରେ ହାଫିଜ ମହମ୍ମଦ ସଇଦ, ସାଜିଦ ମୀର, ଅବଦୁଲ ରେହମାନ ମକ୍କି, ସହିଦ ମହମ୍ମଦ, ତାଲହ ସଇଦ, ମାସୁଦ ଅଜହର, ଅବଦୁଲ ରୌଫ ଅସଗର ଅଲଭିଙ୍କ ପରି ଆତଙ୍କବାଦୀଙ୍କୁ ଚାଇନା ଖୋଲାଖୋଲି ଭାବେ ସୁରକ୍ଷା କରିଛି।
ଚାଇନା ମିଥ୍ୟାଳାପ କରୁଛି ବିଦେଶୀ ଗଣମାଧ୍ୟମ ରିପୋର୍ଟ କରିଛନ୍ତି ପାକିସ୍ତାନ ସରକାରଙ୍କ ନିକଟରେ ଆତ୍ମସମର୍ପଣ କରିଥିବା ବାଲୁଚ ନ୍ୟାଶନାଲ ସେନାର ଜଣେ କମାଣ୍ଡର ପ୍ରକାଶ କରିଛନ୍ତି ଯେ ଭାରତ ଗୁପ୍ତ ଭାବରେ ବାଲୁଚସ୍ତାନରେ ଆତଙ୍କବାଦୀ କାର୍ଯ୍ୟକଳାପକୁ ସମର୍ଥନ କରୁଛି ଏବଂ ବାଲୁଚିସ୍ତାନ ବିଚ୍ଛିନ୍ନତାବାଦୀ ବାହିନୀକୁ ଆର୍ଥିକ ସହାୟତା ଦେଉଛି। ପ୍ରଦେଶରେ ବଢୁଥିବା ଆତଙ୍କବାଦୀ କାର୍ଯ୍ୟକଳାପ ପଛରେ ଭାରତର ଆତଙ୍କବାଦୀଙ୍କୁ ପ୍ରୋତ୍ସାହନ ମୁଖ୍ୟ କାରଣ।
ଏନେଇ ଚାଇନା ବୈଦେଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ କହିଛନ୍ତି, ଆମେ ସମ୍ପୃକ୍ତ ରିପୋର୍ଟ ଦେଖିଛୁ। ଆତଙ୍କବାଦ ହେଉଛି ମାନବିକତାର ଶତ୍ରୁ। ଅନ୍ତର୍ଜାତୀୟ ତଥା ଆଞ୍ଚଳିକ ସୁରକ୍ଷା ଖର୍ଚ୍ଚରେ ଆତଙ୍କବାଦୀମାନେ। ଗୋଷ୍ଠୀକୁ ସମର୍ଥନ ଏବଂ ଶୋଷଣ କରିବା ଏବଂ ସେମାନଙ୍କୁ ନିଜ ଉଦ୍ଦେଶ୍ୟରେ ବୃଦ୍ଧି କରିବାକୁ ଅନୁମତି ଦେବା କାହାରିକୁ ଲାଭ ଦିଏ ନାହିଁ ଏବଂ ଏହାର ବିପରୀତ ପ୍ରଭାବ ମଧ୍ୟ ରହିଥାଏ।
