ମୁମ୍ବାଇ: ଚାଇନାର ଜଣେ ଶିଶୁଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ପିଲାଟି କିଙ୍ଗଖାନ୍ ଶାହାରୁଖଙ୍କ ଫିଲ୍ମ ‘ମହୋବତ’ର ଗୀତ ‘ଆଁଖେ ଖୁଲି ହୋ ୟା ହୋ ବନ୍ଦ୍’ ଗୀତରେ ଡ୍ୟାନ୍ସ କରୁଛନ୍ତି। ଏହି ଭିଡିଓରେ ବିଶେଷ କଥା ହେଲା ପିଲାଟି ଗୀତ ଅନୁଯାୟୀ ଷ୍ଟେପ୍ ବି କରୁଛି।
ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ଲୋକମାନେ ପିଲାଟିର ଡ୍ୟାନ୍ସକୁ ଉପଭୋଗ କରିବା ସହ ପ୍ରଶଂସା ବି କରୁଛନ୍ତି। ୟୁଜରମାନେ କହିଛନ୍ତି, ଭାରତର ପ୍ରଭାବ ବର୍ତ୍ତମାନ ଚାଇନାରେ ପଡ଼ିଛି।
ଏହି ପିଲାଟିର ନିଜର ଏକ ଇନ୍ଷ୍ଟାଗ୍ରାମ ଆକାଉଣ୍ଟ ମଧ୍ୟ ଅଛି। ସେ ଏଥିରେ ନେକ ଭିଡିଓ ଶେୟାର କରିଛନ୍ତି କିନ୍ତୁ ଏହି ଭିଡିଓ ଭାରତରେ ଭାଇରାଲ ହୋଇଛି। ଯଦିଓ ଏହି ଶିଶୁ ଫେବୃୟାରୀ ୪ରେ ନିଜେ ଭିଡିଓଟି ଶେୟାର କରିଛନ୍ତି କିନ୍ତୁ ଏହି ଭିଡିଓ ବର୍ତ୍ତମାନ ସମସ୍ତ ସୋସିଆଲ ମିଡିଆ ସାଇଟରେ ଭାଇରାଲ ହୋଇଛି।
ଚାଇନାରେ ବଲିଉଡ୍ ଗୀତର ଲୋକପ୍ରିୟତା ଆଶ୍ଚର୍ଯ୍ୟଜନକ ହେବା ଉଚିତ ନୁହେଁ କାରଣ ସେମାନେ ହିନ୍ଦୀ ଫିଲ୍ମ ଏବଂ ଗୀତଗୁଡ଼ିକୁ ଭଲ ପାଆନ୍ତି। ‘ଦଙ୍ଗଲ’, ‘ସିକ୍ରେଟ ସୁପରଷ୍ଟାର’ ଏବଂ ‘ବଜରଙ୍ଗୀ ଭାଇଜାନ’ଙ୍କ ଭଳି ଫିଲ୍ମ ଚାଇନା ବକ୍ସ ଅଫିସରେ ରେକର୍ଡ ଭାଙ୍ଗିଛି। ଦଙ୍ଗଲ କେବଳ ଏକ ରେକର୍ଡ ୧୪୦୦ କୋଟି ରୋଜଗାର କରି ଇତିହାସ ସୃଷ୍ଟି କରିଥିଲା।
