ନୂଆଦିଲ୍ଲୀ,୧୬।୭: ଚଳିତ ବର୍ଷ ଏପ୍ରିଲ-ଜୁନ୍ ସମୟ ଅବଧିରେ ଚାଇନାର ଜିଡିପି ଅଭିବୃଦ୍ଧି ୩.୨% ରହିଛି। ଚାଇନାର ନ୍ୟାଶନାଲ ବ୍ୟୁରୋ ଅଫ୍ ଷ୍ଟାଟିଷ୍ଟିକ୍ସ ପକ୍ଷରୁ ଗୁରୁବାର ପ୍ରକାଶିତ ରିପୋର୍ଟରୁ ଏହା ସାମ୍ନାକୁ ଆସିଛି। କରୋନା ଭାଇରସ୍ ଯୋଗୁ ଚଳିତ ବର୍ଷ ଜାନୁୟାରୀ ମାର୍ଚ୍ଚ ସମୟ ଅବଧିରେ ଚାଇନାର ଜିଡିପି ୬.୮% ହ୍ରାସ ଘଟିଥିଲା। ଏଭଳି ଭାବେ ମାନ୍ଦାବସ୍ଥାରେ ଫସିବାଠାରୁ ବର୍ତ୍ତିଯାଇଛି। କୌଣସି ଅର୍ଥ ବ୍ୟବସ୍ଥାରେ ଜିଡିପି ଲଗାତର ଭାବେ ଦୁଇ ତ୍ର୍ରୈମାସ ଲାଗି ହ୍ରାସ ଘଟିଲେ ମାନ୍ଦାବସ୍ଥା ସ୍ଥିତି ଉପନୀତ ହୋଇଥିବା ବିଚାର କରାଯାଏ। ୨୦୧୯ରେ ଚାଇନାର ବିକାଶ ହାର ୬.୧% ରହିଥିଲା। ଏହା ୨୯ ବର୍ଷର ସବୁଠାରୁ ସର୍ବନିମ୍ନ ସ୍ତର। ପ୍ରଥମ ତ୍ରୈମାସରେ ଏହି ଦେଶ ୧୯୭୬ ପରେ ସବୁଠାରୁ ବଡ଼ ଜିଡିପି ହ୍ରାସ ସାମ୍ନା କରିଥିଲା। ତୃତୀୟ ତ୍ରୈମାସରେ ଆର୍ଥତ୍କ ପ୍ରଦର୍ଶନ ହାର ଉନ୍ନତ ହେବା ନେଇ ରିପୋର୍ଟରେ ଆଶା ପ୍ରକଟ କରାଯାଇଛି।
