ବେଜିଂ,୨୯।୫ : ଚାଇନାର ପ୍ରଥମ ସ୍ବଦେଶୀ ଯାତ୍ରୀବାହୀ ବିମାନ ସି-୯୧୯ ଏହାର ପ୍ରଥମ ବାଣିଜି୍ୟକ ବିମାନ ଉଡ଼ାଣ ସଫଳତାର ସହିତ ଆରମ୍ଭ କରିଛି। ଏହା ସହିତ ପାଶ୍ଚାତ୍ୟ ପ୍ରତିଦ୍ୱନ୍ଦ୍ୱୀ ବୋଇଙ୍ଗ ଏବଂ ଏୟାରବେସ ସହିତ ପ୍ରତିଦ୍ୱନ୍ଦ୍ୱିତା କରିବାକୁ ଚାଇନା ଆନୁଷ୍ଠାନିକ ଭାବରେ ବେସାମରିକ ବିମାନ ଚଳାଚଳ କ୍ଷେତ୍ରରେ ପ୍ରବେଶ କରିଛି।
ଚାଇନାର ପୂର୍ବ ମହାନଗର ମଧ୍ୟରେ ବେଜିଂ ପର୍ଯ୍ୟନ୍ତ ସି-୯୧୯ର ପ୍ରଥମ ବାଣିଜି୍ୟକ ଯାତ୍ରା ଚାଇନା ଇଷ୍ଟର୍ନ ଏୟାରଲାଇନ୍ସ ଦ୍ୱାରା ପରିଚାଳିତ ହୋଇଥିଲା। ଜିନହୁଆ ନ୍ୟୁଜ ଏଜେନ୍ସି ଅନୁଯାୟୀ ବିମାନରେ ୧୨୮ ଜଣ ଯାତ୍ରୀ ଥିଲେ। ସାଂଘାଇରୁ ବେଜିଂ ପର୍ଯ୍ୟନ୍ତ ଯାତ୍ରା ସମୟ ପ୍ରାୟ ଦୁଇ ଘଣ୍ଟା ୨୫ ମିନିଟ ଥିଲା। ଏହା ଚାଇନାର ବାଣିଜି୍ୟକ ବିମାନ ନିଗମ ଦ୍ୱାରା ନିର୍ମିତ।
ଟୁୱିନ ଇଞ୍ଜିନ ବିମାନରେ ମୋଟ ୧୬୪ ସିଟ ଅଛି। ଏହା ହେଉଛି ଚାଇନାର ପ୍ରଥମ ସ୍ବଦେଶୀ ଟ୍ରଙ୍କ ଜେଟଲିନର୍, ଯାହା ଅନ୍ତର୍ଜାତୀୟ ବିମାନ ମାନଦଣ୍ଡ ପୂରଣ କରୁଛି।
ଅଧିକାରୀ କହିଛନ୍ତି ଚାଇନା ବିମାନର ପ୍ରବେଶ ବୋଇଙ୍ଗ ଏବଂ ଏୟାରବସ ଉପରେ ନିର୍ଭରଶୀଳତା ହ୍ରାସ କରିପାରେ। ଏହା ସହିତ ପାଶ୍ଚାତ୍ୟ ଦେଶର ବିମାନ ପ୍ରତି ନିର୍ଭରଶୀଳତା ମଧ୍ୟ କମିଯିବ।
ଏହା ଛୋଟ ବିମାନ ଏ-୩୨୦ ଏବଂ ବି-୭୩୭ର ଉପଯୋଗୀତାକୁ ହ୍ରାସ କରିବାକୁ ସକ୍ଷମ ହେବ।
