ବେଜିଂ,୧୨।୯: ଗତ କିଛି ଦିନ ହେବ ଦକ୍ଷିଣ ଚାଇନାରେ ପ୍ରବଳ ବର୍ଷା ହଇଚଇ ସୃଷ୍ଟି କରିଛି। ଏହି କାରଣରୁ ପ୍ରାୟ ୭ ଜଣଙ୍କର ମୃତ୍ୟୁ ଘଟିଥିବା ସୂଚନା ରହିଛି। ଏଥିସହ ୭୦ରୁ ଅଧିକ କୁମ୍ଭୀର ଏକ ଫାର୍ମରୁ ଖସି ନିକଟସ୍ଥ ସହରକୁ ପଳାଇ ଆସିଛନ୍ତି।
ରିପୋର୍ଟ ଅନୁଯାୟୀ, ପଶ୍ଚିମ ଗୁଆଙ୍ଗଡୋଙ୍ଗ ପ୍ରଦେଶର ଉପକୂଳବର୍ତ୍ତୀ ସହର ମାଓମିଙ୍ଗରେ ୭୦ରୁ ଅଧିକ କୁମ୍ଭୀର ଖସି ପଳାଇଛନ୍ତି। ଏହି କାରଣରୁ ନିକଟସ୍ଥ ବାସିନ୍ଦାଙ୍କୁ ଘରେ ରହିବାକୁ ପ୍ରଶାସନ ପରାମର୍ଶ ଦେଇଛି। ଜଣେ ଜରୁରୀକାଳୀନ ଅଧିକାରୀଙ୍କ ଉଦ୍ଦେଶ୍ୟରେ କୁହାଯାଇଛି ଯେ, ୬୯ ବୟସ୍କ ଏବଂ ୬ଟି ଶିଶୁ କୁମ୍ଭୀର ପଳାଇ ଯାଇଛନ୍ତି। ମିଡିଆ ରିପୋର୍ଟରେ କୁହାଯାଇଛି ଯେ, କିଛି କୁମ୍ଭୀର ଧରାଯାଇଛି, କିନ୍ତୁ ହ୍ରଦର ଗଭୀରତା ବହୁତ ଅଧିକ, ଏହି କାରଣରୁ ଅପରେଶନରେ ଅସୁବିଧାର ସମ୍ମୁଖୀନ ହୋଇଛି।
