ତୁମୁଡିବନ୍ଧ,୧୪।୧୧: (ଦୀପକ କୁମାର ପରାସେଠ)-ଆଜି ପଲ୍ଲୀରୁ ସହର ସବୁ ଠାରେ ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ଜନ୍ମ ଜୟନ୍ତୀ ଦିବସକୁ ଶିଶୁ ଦିବସ ଭାବେ ପାଳନ କରାଯାଉଛି। ସେହିପରି କନ୍ଧମାଳ ଜିଲା ତୁମୁଡିବନ୍ଧ ବ୍ଲକର ଭିତର ଅଂଚଳ ଭାବେ ପରିଚିତ ଝିରିପାଣି ଉନ୍ନୀତ ଉଚ୍ଚ ବିଦ୍ୟାଳୟ ଠାରେ ଆଜି ଶୁକ୍ରବାର ନିଆରା ଢଙ୍ଗରେ ଶିଶୁ ଦିବସ ପାଳନ କରାଯାଇଛି। ପୁରାତନ ଛାତ୍ରୀଛାତ୍ର, ପୁରାତନ ଶିକ୍ଷୟିତ୍ରୀଶିକ୍ଷକ ମାନଙ୍କୁ ନେଇ ଶିଶୁ ଦିବସ ପାଳନ କରାଯାଇଛି।
ଏହି କାର୍ଯ୍ୟକ୍ରମରେ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ନାୟକ ସଭାପତିତ୍ୱ କରିଥିଲେ। ପ୍ରଥମେ ପୂର୍ବତନ ପ୍ରଧାନମନ୍ତ୍ରୀ ନେହେରୁଙ୍କ ଫୋଟରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ମୁଖ୍ୟ ଅତିଥି ଭାବରେ ପ୍ରକାନ୍ତ ପ୍ରଧାନ ଶିକ୍ଷକ ସୂର୍ଯ୍ୟ ନାରାୟଣ ଷଡଙ୍ଗୀ, ମୁଖ୍ୟ ବକ୍ତା ଭାବେ ଝିରିପାଣି ସିଆରସିସି ଭାସ୍କର ଚନ୍ଦ୍ର ସଂଗ୍ରାମ ସିଂ,ସମ୍ମାନିତ ଅତିଥି ଭାବେ ଶିକ୍ଷକ ପୁରେନ୍ଦ୍ର କୁମାର ସିଂ,ଗୌରୀ ଶଙ୍କର ନାୟକ, ଗୋପାଳ ନାୟକ, ମୋହନ ମୁରାରୀ ସିଂ, ଜଳେନ୍ଦ୍ର ପରାସେଠ, ବିଜୟ କୁମାର ଦାସ ଏବଂ ସ୍କୁଲ ପରିଚାଳନା କମିଟିର ପୂର୍ବତନ ସଭାପତି ବଳିନ୍ଦ୍ର ପାତ୍ର, ପ୍ରମୁଖ ଉପସ୍ଥିତ ଥିଲେ।
ମୁଖ୍ୟବକ୍ତା ଷଡଙ୍ଗୀ କହିଥିଲେ, ଯେତେବେଳେ ଏହି ଅଞ୍ଚଳକୁ ରାସ୍ତ ନ ଥିଲା, ଯାନ ବାହାନ ତ ସ୍ବପ୍ନ ପାଲଟି ଥିଲା ସେ ସମୟରେ ବହୁ କଷ୍ଟରେ ଆସି ପିଲାମାନଙ୍କୁ ପାଠ ପଢ଼ାଇଛୁ। ସେହି ଦିନଟି ସ୍ମୁତି ହୋଇ ରହିଛି। ଯାହା ହେଉ ଆଜି ମୋର ଛାତ୍ରୀଛାତ୍ରମାନେ ଭଲ ପାଠ ପଢି ଭଲ ମଣିଷ ହେବା ଓ ଅଞ୍ଚଳର ବିକାଶ ପାଇଁ ଆଗେଇ ଆସିଛନ୍ତି। ଏଠି ଉପସ୍ଥିତ ଥିବା କୁନି କୁନି ପିଲାମାନଙ୍କୁ ମୋର ଉପଦେଶ ଯେ, ଭଲ ମଣିଷ ହେବା ପାଇଁ ସ୍ବପ୍ନ ଦେଖ ଓ ସାକାର କର। ତାହାହେଲ ଲକ୍ଷ୍ୟସ୍ଥଳରେ ପହଞ୍ଚିପାରିବ। ସେହିପରି ମୁଖ୍ୟବକ୍ତା ସିଂ କହିଛନ୍ତି ଯେ. ଏହି କାର୍ଯ୍ୟକ୍ରମ ତୁମୁଡିବନ୍ଧ ବ୍ଲକ ଅଞ୍ଚଳରେ ନୂଆ ଭାବେ କରାଯାଇଛି। ଏହି ଶିଶୁ ଦିବସରେ ଏହି କୁନି କୁନି ପିଲାମାନଙ୍କୁ ଆଗାମୀ ଦିନର ଆଶା ଓ ଆକାଂକ୍ଷା ପୂରଣର ବାର୍ତ୍ତା ବହ ହେବ ବୋଲି କହିଛନ୍ତି। ଏହି କାର୍ଯ୍ୟକ୍ରମରେ ଉକ୍ତ ବିଦ୍ୟାଳୟର ସମସ୍ତ ଶିକ୍ଷୟିତ୍ରୀ ଶିକ୍ଷକ ଓ କର୍ମଚାରୀ ଉପସ୍ଥିତ ଥିଲେ। ଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରି କାର୍ଯ୍ୟକ୍ରମ ଶେଷ କରିଥିଲେ।
Dharitri – Odisha’s No.1 Odia Daily
