ଓ୍ବାଶିଂଟନ,୮।୩ : ଦ ଲାନସେଟ ଜର୍ଣ୍ଣାଲରେ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ଯଦି କୌଣସି ବ୍ୟକ୍ତିଙ୍କର ପିଲାଦିନରେ ଦୁଇ ବର୍ଷ ବୟସ ପର୍ଯ୍ୟନ୍ତ ବ୍ରୋଙ୍କାଇଟିସ କିମ୍ବା ନିମୋନିଆ ଭଳି ସମସ୍ୟା ଥାଏ, ତେବେ ସେ ବଡ ହେବା ପରେ ଶ୍ୱାସ ରୋଗରେ ମୃତ୍ୟୁ ହେବାର ଆଶଙ୍କା ଅଧିକଥାଏ। ରିପୋର୍ଟ ଅନୁଯାୟୀ, ଯଦି ୨୬ ରୁ ୭୩ବର୍ଷ ବୟସରେ ଏପରି ଲୋକଙ୍କର କୌଣସି ଶ୍ୱାସକ୍ରିୟା ସମସ୍ୟା ହୁଏ, ତେବେ ଅନ୍ୟମାନଙ୍କ ତୁଳନାରେ ସେମାନଙ୍କର ମୃତ୍ୟୁ ସମ୍ଭାବନା ୯୩ ପ୍ରତିଶତ ଅଧିକ ରହିଥାଏ। ଏହିପରି ଲୋକମାନେ ଅକାଳରେ ମରିପାରନ୍ତି।
ଅନୁସନ୍ଧାନକାରୀମାନେ ଦାବି କରିଛନ୍ତି ଯେ କ୍ରୋନିକ ଶ୍ୱାସକ୍ରିୟା ଅସୁବିଧା ଏକ ପ୍ରମୁଖ ଜନସ୍ବାସ୍ଥ୍ୟ ସମସ୍ୟା ଅଟେ। ୨୦୧୭ରେ, ଆନୁମାନିକ ୩,୯ ନିୟୁତ ଲୋକ ଏହା ଯୋଗୁ ମୃତ୍ୟୁ ଘଟିଥିଲା। ଯାହାକି ବିଶ୍ୱରେ ସମସ୍ତ ମୃତ୍ୟୁର ସାତ ପ୍ରତିଶତ ଅଟେ।
ରିପୋର୍ଟ ଅନୁଯାୟୀ, ଅଧିକାଂଶ ମୃତ୍ୟୁର କାରଣ ହେଉଛି କ୍ରନିକ ଅବଷ୍ଟ୍ରକ୍ଟିଭ ଫୁସଫୁସ ରୋଗ (ସିଓପିଡି)। ପିଲାଦିନେ ଯଦି କାହାର ଫୁସଫୁସ ସମସ୍ୟା ଥାଏ, ତେବେ ସେ ବଡ ହେଲେ ଫୁସଫୁସ ଦୁର୍ବଳ ହୋଇଯାଏ । ଇମ୍ପେରିଆଲ କଲେଜ ଲଣ୍ଡନର ଅଧ୍ୟୟନ ନେତା ଜେମ୍ସ ଆଲିନ୍ସନ କହିଛନ୍ତି ଯେ ବୟସ୍କଙ୍କ ଶ୍ୱାସକ୍ରିୟା ସମସ୍ୟା ପାଇଁ ବର୍ତ୍ତମାନର ପ୍ରତିଷେଧକ ବ୍ୟବସ୍ଥା ମୁଖ୍ୟତଃ ଧୂମପାନ କରୁଥିବା ଜୀବନଶୈଳୀ ବିପଦ ଉପରେ ଧ୍ୟାନ ଦେଇଥାଏ।
