ପାଟନା,୨୩।୭: ଦୀର୍ଘ ୮ ଘଣ୍ଟାର ପରିଶ୍ରମ ପରେ ବୋରଓ୍ବେଲରୁ ଉଦ୍ଧାର ହେଲେ ୩ ବର୍ଷର ଶିଶୁ। ନାଳନ୍ଦା ଥାନା ଅନ୍ତର୍ଗତ କୁଳଭଦାରୀ ଗ୍ରାମରେ ଏହି ଘଟଣା ଘଟିଛି। ୪୦ ଫୁଟ ଗଭୀର ବୋରଓ୍ବେଲ୍ ଭିତରେ ଖସିପଡିଥିବା ଶିବମ ନାମକ ଏହି ଶିଶୁଟିକୁ ଉଦ୍ଧାର ପାଇଁ ଏନ୍ଡିଆରଏଫ୍ର ଏକ ଟିମ୍ ଲାଗିପଡିଥିଲେ। ୮ ଘଣ୍ଟାର କସରତ ପରେ ଶିବମଙ୍କୁ ଉଦ୍ଧାର କରାଯାଇଥିଲା। ପରେ ତୁରନ୍ତ ତାଙ୍କୁ ହସ୍ପିଟାଲକୁ ଭର୍ତ୍ତି କରାଯାଇଛି। ସୂଚନାଯୋଗ୍ୟ, ଶିବମ ଖେଳୁଥିବାବେଳେ ତାଙ୍କ ଗୋଡ ଖସିଯାଇଥିଲା। ଫଳରେ ସେ ବୋରଓ୍ବେଲ ଭିତକୁ ଖସିପଡିଥିଲେ। ଏନେଇ ସ୍ଥାନୀୟ ଲୋକେ ପୋଲିସ ଏବଂ ପ୍ରଶାସନକୁ ସୂଚନା ଦେଇଥିଲେ। ଏନଡିଆରଏଫ୍ ଏବଂ ଏସ୍ଡିଆରଏଫ୍ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ଉଦ୍ଧାରକାରୀ ଟିମ୍ ବୋରଓ୍ବେଲ ଭିତରେ ଶିଶୁଟିକୁ ଅକ୍ସିଜେନ ପହଞ୍ଚାଇବା ସହ କ୍ୟାମେରା ଯୋଗେ ନିରୀକ୍ଷଣ କରିଥିଲେ।