ଚଣ୍ଡିଗଡ଼,୩୦।୮: ହରିୟାଣାର ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟରଙ୍କ ସଫଳତାର ରିପୋର୍ଟ କାର୍ଡ ଜାରି ହୋଇଛି। ଖୋଦ୍ ମୁଖ୍ୟମନ୍ତ୍ରୀ କ୍ଷମତାକୁ ଆସିବାର ୨୫୦୦ ଦିନର ସଫଳତା ହିସାବ ଦେଇଛନ୍ତି। ରାଜ୍ୟରେ ଦୁର୍ନୀତି ବିରୋଧରେ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ସେ ସୂଚନା ଦେଇଛନ୍ତି। ଏହା ସହିତ ସେ ବିରୋଧୀ ଦଳଙ୍କୁ ଟାର୍ଗେଟ୍ କରି କହିଛନ୍ତି ଯେ, କୃଷି ଆଇନ ବିରୋଧରେ ଅଯଥା ଭ୍ରମ ସୃଷ୍ଟି କରାଯାଉଛି। ମାତ୍ର ଏହା ଦେଶର ଚାଷୀଙ୍କ ବୃହତର ସ୍ବାର୍ଥକୁ ଦୃଷ୍ଟିରେ ରଖି ଏହି ଆଇନ ପ୍ରଣୟନ କରାଯାଇଥିବା ଖଟ୍ଟର କହିଛନ୍ତି। ରାଜ୍ୟ ସରକାର ୧୦ ଅମଳ ଫସଲ ସର୍ବନିମ୍ନ ସହାୟକ ମୂଲ୍ୟ ମାଧ୍ୟମରେ କିଣୁଛନ୍ତି। ପଡ଼ୋଶୀ କୌଣସି ରାଜ୍ୟରେ ଏଭଳି ସୁବିଧା ନାହିଁ। ପଞ୍ଜାବ ସରକାର ୨ଟି ଫସଲ ସର୍ବନିମ୍ନ ସହାୟକ ମୂଲ୍ୟ ମାଧ୍ୟମରେ କିଣୁଥିବାବେଳେ ହରିୟାଣା ରାଜ୍ୟ ସରକାର ଏକ୍ଷେତ୍ରରେ ଯଥେଷ୍ଟ ଅଗୁଆ ରହିଛନ୍ତି ବୋଲି ସେ କହିଛନ୍ତି।
