ବିଲାସପୁର,୧୭।୧: ଛତିଶଗଡ଼ର ବିଲାସପୁର ରେଳ ଷ୍ଟେଶନରେ ଏକ ବଡ଼ ଦୁର୍ଘଟଣାକୁ ଏଡାଇ ଦିଆଯାଇଛି। ଛତିଶଗଡ଼ ଏକ୍ସପ୍ରେସ ମଙ୍ଗଳବାର ରାତିରେ ଷ୍ଟେଶନରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲା। ସୂଚନାନୁସାରେ, ଇଞ୍ଜିନକୁ କୋଚରୁ ଅଲଗା କରୁଥିବା ବେଳେ ଛତିଶଗଡ଼ ଏକ୍ସପ୍ରେସ ସିଗନାଲ ଭାଙ୍ଗି ଷ୍ଟପର ଉପରେ ଚଢିଯାଇଥିଲା। ଏହି ଦୁର୍ଘଟଣା ପରେ ଯାତ୍ରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା।
ଯଦିଓ ଏହି ଘଟଣାରେ କୌଣସି ଜୀବନ ହାନି ହୋଇନାହିଁ, ଲୋକମାନେ ଏହାକୁ ରେଳ ପ୍ରଶାସନର ଅବହେଳା ବୋଲି ବିଚାର କରୁଛନ୍ତି। ବର୍ତ୍ତମାନ ସୁଦ୍ଧା କୌଣସି ରେଳ ଅଧିକାରୀ ଏହି ପ୍ରସଙ୍ଗରେ କୌଣସି ପ୍ରତିକ୍ରିୟା ଦେଇନାହାଁନ୍ତି। ମିଳିଥିବା ସୂଚନା ଅନୁଯାୟୀ, ମଙ୍ଗଳବାର ଦିଲ୍ଲୀରୁ ଆସୁଥିବା ଛତିଶଗଡ଼ ଏକ୍ସପ୍ରେସ ବିଲାସପୁର ଷ୍ଟେଶନର ପ୍ଲାଟଫର୍ମ ନମ୍ବରକୁ ଆସିବା ପରେ ଏହାର ଇଞ୍ଜିନ ଷ୍ଟପର (ଡେଡ ଏଣ୍ଡ) ସହିତ ମୁହାଁମୁହିଁ ଧକ୍କା ହୋଇଥିଲା।
