ଛତ୍ରପୁର,୨୮।୩(ଦିଲ୍ଲୀପ ସାମଲ): ଛତ୍ରପୁର ଓକିଲ ସଂଘର ବିଭିନ୍ନ କର୍ମକର୍ତ୍ତା ନିମନ୍ତେ ଶନିବାର ନିର୍ବାଚନ ଅନୁଷ୍ଠିତ ହୋଇଯାଇଛି । ସଂଘର ବିଭିନ୍ନ ପଦ ପଦବୀ ନିମନ୍ତେ ନିର୍ବାଚନ ନିମନ୍ତେ ମତଦାନ ହେବା ସହିତ ଫଳାଫଳ ଘୋଷାଣ ହୋଇଯାଇଛି । ଓକିଲ ସଂଘର ସଭାପତି ପଦବୀ ନିମନ୍ତେ ଗୋକୁଳ ଚନ୍ଦ୍ର ପଣ୍ଡା, ଏଲ. ଗୋପାଳ ରାଓ, ମନୋଜ କୁମାର ପାଢ଼ୀ ଓ ରାମକୃଷ୍ଣ ଦାଶ ମଧ୍ୟରେ ମୁକାବିଲା ହୋଇଥିବା ବେଳେ ଗୋକୁଳପଣ୍ଡାଙ୍କ ଠାରୁ ୮ ଖଣ୍ଡ ଭୋଟ ଅଧିକା ପାଇ ସଭାପତି ଭାବେ ଏଲ. ଗୋପାଳ ରାଓ ନିର୍ବାଚିତ ହୋଇଛନ୍ତି । ସେହିପରି ସାଧାରଣ ସମ୍ପାଦକ ପଦବୀ ପାଇଁ ଜିତୁନ କୁମାର ପାଢ଼ୀ ଓ କେ. ଦୁର୍ଯ୍ୟୋଧନ ରେଡ୍ଡୀଙ୍କ ମଧ୍ୟରେ ମୁକାବିଲା ହୋଇଥିବା ବେଳେ ଜିତୁନ ପାଢ଼ୀ ଙ୍କ ଠାରୁ ୮୯ଖଣ୍ଡ ଅଧିକା ଭୋଟ ପାଇ ସାଧାରଣ ସମ୍ପାଦକ ଭାବେ କେ. ଦୁର୍ଯ୍ୟୋଧନ ରେଡ୍ଡୀ ନିର୍ବାଚିତ ହୋଇଛନ୍ତି । ସେହିପରି ଉପସଭାପତି ପଦବୀ ନିମନ୍ତେ ଚୈତନ୍ୟ ପ୍ରଧାନ ଓ ପ୍ରଦୀପ କୁମାର ପଲାଇଙ୍କ ମଧ୍ୟରେ ମୁକାବିଲା ହୋଇଥିଲା ସେଥିରେ ପ୍ରଦୀପ କୁମାର ପଲାଇ ଉପସଭାପତି ଭାବେ ନିର୍ବାଚିତ ହୋଇଛନ୍ତି।
ଯୁଗ୍ମ ସମ୍ପାଦକ ପଦବୀ ନିମନ୍ତେ ଏନ. ପର୍ଶୁରାମ ଓ ଅପସରାଜାନ ମଧ୍ୟରେ ମୁକାବିଲା ହୋଇଥିବା ବେଳେ ଅପସରା ଜାନ ବିଜୟୀ ହୋଇଛନ୍ତି । ଲାଇବ୍ରେରୀ ସେକ୍ରେଟାରୀ ପଦବୀ ନିମନ୍ତେ ବିଶ୍ୱ ଭୂଷଣ ପାଢ଼ୀ ଓ ଏନ. ଗୋପୀ ଙ୍କ ମଧ୍ୟ ରେ ମୁକାବିଲା ହୋଇଥିବା ବେଳେ ଏନ. ଗୋପୀ ବିଜୟୀ ହୋଇଛନ୍ତି। ପୂର୍ବରୁ ସହ -ସମ୍ପାଦକ ଭାବେ କେ. ବିଜୟଲକ୍ଷ୍ମୀ ଦେବୀ,କୋଷାଧ୍ୟକ୍ଷ ଭାବେ କେଶବ ବିହାରୀ ନାୟକ ଓ କାର୍ଯ୍ୟକାରୀ ସଦସ୍ୟ ଭାବେ ମମତା ସେଠି ନିଦ୍ୱନ୍ଦ ଭାବେ ବିଜୟୀ ହୋଇଥିଲେ । ମୁଖ୍ୟ ନିର୍ବାଚନ ଅଧିକାରୀ ଭାବେ ସି ଏଚ. ସୂର୍ଯ୍ୟ ନାରାୟଣ ରେଡ୍ଡୀ ଦାୟିତ୍ୱ ତୁଲାଇ ଥିବାବେଳେ ସହକାରୀ ନିର୍ବାଚନ ଅଧିକାରୀ ଭାବେ ସନ୍ତୋଷ କୁମାର ସାହୁ ଓ ଦେବେନ୍ଦ୍ର ମିଶ୍ର ଦାୟିତ୍ୱ ତୁଲାଇଥିଲେ । ଛତ୍ରପୁର ଓକିଲ ସଂଘର ୧୮୬ଜଣ ସକ୍ରିୟ ସଦସ୍ୟ ରହିଥିବା ବେଳେ ଆଜି ୧୭୯ ଜଣ ସଦସ୍ୟ ମତଦାନ କରିଥିଲେ।
