ଛତ୍ରପୁର,୮ା୮(ଡି.ଏନ.ଏ):ଗଞ୍ଜାମ ଜିଲାର ଛତ୍ରପୁର, ଭଞ୍ଜନଗର ଓ ଆସିକା ଏନ୍ଏସିକୁ ୩ ମାସ ମଧ୍ୟରେ ମ୍ୟୁନିସିପାଲିଟି ଭାବେ ଘୋଷଣା କରିବାକୁ ଉଚ୍ଚ ନ୍ୟାୟାଳୟ ୨୦୧୯ ଅଗଷ୍ଟ ୫ ତାରିଖରେ ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ସଚିବଙ୍କୁ ନିର୍ଦ୍ଦେଶ ଦେଇଥିଲେ ା ଇତିମଧ୍ୟରେ ୩ ବର୍ଷ ବିତିଯାଇଥିଲେ ମଧ୍ୟ ରାଜ୍ୟ ସରକାର ନିର୍ଦ୍ଦେଶ କାର୍ଯ୍ୟକାରୀ କରିନାହାନ୍ତି।
ହାଇକୋର୍ଟଙ୍କ ଉକ୍ତ ଅର୍ଡର ପରେ ୨ ବର୍ଷ ପରେ ରାଜ୍ୟରେ କରୋନା ସଂକ୍ରମଣ ଲାଗି ରହିଥିଲା। ଅନ୍ୟପକ୍ଷରେ ୪ବର୍ଷ ଧରି ସ୍ଥଗିତ ଥିବା ପୌର ନିର୍ବାଚନ ଚଳିତବର୍ଷ ମଧ୍ୟ ହୋଇଛି ା ତେବେ ହାଇକୋର୍ଟଙ୍କ ନିର୍ଦ୍ଦେଶକୁ କାର୍ଯ୍ୟକାରୀ କରି ଛତ୍ରପୁର, ଭଞ୍ଜନଗର ଓ ଆସିକା ଏନ୍ଏସିକୁ ମ୍ୟୁନିସିପାଲିଟି ଭାବେ ରାଜ୍ୟ ସରକାର ଘୋଷଣା କରିନାହାନ୍ତି। ଉପରୋକ୍ତ ୩ ଏନ୍ଏସିରେ ସର୍ବନିମ୍ନ ସୁବିଧା ସୁଯୋଗରୁ ଲୋକେ ବଞ୍ଚିତ ଅଛନ୍ତି। ୨୦୧୧ ଜନଗଣନା ଅନୁଯାୟୀ ଉକ୍ତ ୩ ଏନ୍ଏସିର ଜନସଂଖ୍ୟା ମ୍ୟୁନିସିପାଲିଟି ପାଇଁ ଆବଶ୍ୟକ ଜନସଂଖ୍ୟା ଠାରୁ ଅଧିକ ଅଛି ା ଏହା ଦର୍ଶାଇ ବ୍ରହ୍ମପୁରର ଭାରତୀୟ ବିକାଶ ପରିଷଦ ସଭାପତି ସୁରେନ୍ଦ୍ର ପାଣିଗ୍ରାହୀଙ୍କ ପକ୍ଷରୁ ହାଇକୋର୍ଟରେ ଏକ ଜନସ୍ବାର୍ଥ ମାମଲା ଦାଏର କରାଯାଇଥିଲା ା ଏହି ମାମଲାର ଶୁଣାଣି କରି ହାଇକୋର୍ଟ ଉପରୋକ୍ତ ନିର୍ଦ୍ଦେଶନାମା ସମ୍ବନ୍ଧୀୟ ରାୟ ଶୁଣାଇଥିଲେ ା ହାଇକୋର୍ଟଙ୍କ ରାୟକୁ କାର୍ଯ୍ୟକାରୀ କରିବା ଆବଶ୍ୟକ ବୋଲି ପରିଷଦର ସଭାପତି ପାଣିଗ୍ରାହୀ କହିଛନ୍ତି। ସୂଚନାଯୋଗ୍ୟ, ହାଇକୋର୍ଟଙ୍କ ନିର୍ଦ୍ଦେଶ ପରେ ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ଉକ୍ତ ସମୟରେ ତକତ୍ାଳୀନ ଗଞ୍ଜାମ ଜିଲାପାଳଙ୍କୁ ଏ ସମ୍ବନ୍ଧୀୟ ରିପୋର୍ଟ ମାଗିଥିଲେ ା ଏପରିକି ଜିଲାପାଳ ମଧ୍ୟ ଏ ନେଇ ପ୍ରସ୍ତାବ ପଠାଇଥିଲେ ା ସରକାରଙ୍କ ନିକଟକୁ ପ୍ରସ୍ତାବ ପଠାଯାଇଥିବା ନେଇ ତକତ୍ାଳୀନ ଜିଲାପାଳ ବିଜୟ ଅମୃତା କୁଲାଙ୍ଗେ ଗଣମାଧ୍ୟମକୁ ସୂଚନା ଦେଇଥିଲେ ା ଠିକ୍ ସମୟରେ ସରକାର ଠିକ୍ ନିଷ୍ପତ୍ତି ନେବେ ବୋଲି ବ୍ରହ୍ମପୁର ଏମ୍ପି ଚନ୍ଦ୍ରଶେଖର ସାହୁ ମଧ୍ୟ ଛତ୍ରପୁର ଗସ୍ତ ବେଳେ ଗଣମାଧ୍ୟମ ଆଗରେ କହିଥିଲେ ା ମାତ୍ର ସରକାର ଏହାକୁ କାର୍ଯ୍ୟକାରୀ କଲେନି ା ଚଳିତବର୍ଷ ହୋଇଥିବା ପୌର ନିର୍ବାଚନରେ ଜିଲାର ହେଡକ୍ୱାର୍ଟର ଛତ୍ରପୁର ଏନଏସି ଅଧ୍ୟକ୍ଷା ପଦବୀ ବିଜେଡି ହାତରୁ ଖସିଯାଇ ଏହି ପଦବୀ ଭାଜପା ହାତେଇବାରେ ସକ୍ଷମ ହୋଇଥିଲା ା ଏହା ମଧ୍ୟ ବିଜେଡିର ପରାଜୟର ପ୍ରମୁଖ କାରଣ ବୋଲି ରାଜନୀତିଜ୍ଞ ମାନେ କହୁଛନ୍ତି। ଓଡିଶା ମ୍ୟୁନିସିପାଲ କର୍ପୋରେଶନ ଆକ୍ଟ ଅନୁଯାୟୀ, ମ୍ୟୁନିସିପାଲିଟି ଘୋଷଣା ପାଇଁ ୨୫ ହଜାର ବା ତା’ଠାରୁ ଅଧିକ ଜନସଂଖ୍ୟା ହେବା ଆବଶ୍ୟକ ା ଏନେଇ ରାଜ୍ୟ ସରକାରଙ୍କ ଠାରୁ ଆରମ୍ଭ କରି ନିର୍ବାଚିତ ଜନପ୍ରତିିନିଧିମାନଙ୍କ ଆଗ୍ରହ ଓ ଉଦ୍ୟମ ନ ଥିବା ଦେଖିବାକୁ ମିଳିଛି। ଛତ୍ରପୁର ଏନ୍ଏସିକୁ ମ୍ୟୁନିସିପାଲିଟି ଭାବେ ଘୋଷଣା ପାଇଁ ଛତ୍ରପୁର ନାଗରିକ କମିଟି ଓ ଛତ୍ରପୁର ଓକିଲ ସଂଘ ପକ୍ଷରୁ ଦାବି ହୋଇଆସୁଛି ା