ବିଶ୍ୱର ସର୍ବବୃହତ କ୍ରିକେଟ ଲିଗ ଆଇପିଏଲର ୧୪ତମ ସିଜନ ଏପ୍ରିଲ ୯ରୁ ଆରମ୍ଭ ହେବ। ବିସିସିଆଇ ଏହାର କାର୍ଯ୍ୟସୂଚୀ ଘୋଷଣା କରିଛି। ଆଇପିଏଲ କାର୍ଯ୍ୟସୂଚୀରେ ସବୁଠାରୁ ବଡ ଏବଂ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଏଥର ସମସ୍ତ ଦଳ ନିରପେକ୍ଷ ସ୍ଥାନରେ ସେମାନଙ୍କର ମ୍ୟାଚ ଖେଳିବେ। ଅର୍ଥାତ୍ କୌଣସି ଦଳ ଘରୋଇ ପରିସ୍ଥିତିର ଲାଭ ପାଇବେ ନାହିଁ । ଆଇପିଏଲର ଏହି କାର୍ଯ୍ୟସୂଚୀ ଚେନ୍ନାଇ ସୁପର କିଙ୍ଗ୍ସକୁ ଏକ ବଡ଼ ଝଟକା ଦେବାକୁ ଯାଉଛି।
ଚେନ୍ନାଇ ସୁପର କିଙ୍ଗ୍ସ ମୁମ୍ବାଇ, ଦିଲ୍ଲୀ, ବେଙ୍ଗାଲୁରୁ ଏବଂ କୋଲକାତାରେ ଖେଳିବ। ଅର୍ଥାତ୍ ଚେନ୍ନାଇକୁ ୧୪ଟି ମ୍ୟାଚ ମଧ୍ୟରୁ ୧୦ଟି ଏଠାରେ ଖେଳିବାକୁ ପଡିବ। ଏହି ୩ଟି ପିଚ୍ରେ ସ୍ପିନଙ୍କୁ ସୁହାଇବ ନାହିଁ। ଚେନ୍ନାଇ ସୁପର କିଙ୍ଗ୍ସ ଆଇପିଏଲ ନିଲାମରେ ନିଜ ଦଳର ସ୍ପିନ ଆକ୍ରମଣକୁ ମଜବୁତ କରିଥିଲା । କିନ୍ତୁ ଦିଲ୍ଲୀରେ ଆୟୋଜିତ ହେବାକୁ ଥିବା ୪ଟି ମ୍ୟାଚ ବ୍ୟତୀତ ଚେନ୍ନାଇଅନ୍ୟ କୌଣସି ସ୍ଥାନରେ ସ୍ପିନରଙ୍କଠାରୁ ବିଶେଷ ଲାଭ ପାଇବେ ନାହିଁ। ଚେନ୍ନାଇ ଏଥର ନିଲାମରେ ଦୁଇ ଗୁରୁତ୍ୱପୂର୍ଣ୍ଣ ସ୍ପିନର କିଣିଛି, ସେମାନେ ହେଲେ ମୋଇନ ଅଲି, କୃଷ୍ଣପ୍ପା ଗୌତମ। ଆଇପିଏଲ କାର୍ଯ୍ୟସୂଚୀ ଘୋଷଣା ପରେ ଧୋନୀ କିପରି ସ୍ପିନର୍ଙ୍କୁ ବ୍ୟବହାର କରିବେ ତାହା ଏକ ଚ୍ୟାଲେଞ୍ଜ୍ ହେବ ବୋଳି କୁହାଯାଉଛି।
