ଝାରସୁଗୁଡ଼ା ଅଫିସ,୨୨ା୪:ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସଙ୍କ ରୋଷେୟା ଲଳିତ କୁମାର ସାହୁ(୨୨)ଙ୍କ ମୃତ୍ୟୁକୁ ନେଇ ଏବେ ସବୁଠି ଚର୍ଚ୍ଚା। ତାଙ୍କୁ ହତ୍ୟା କରାଯାଇଥିବା ଭାଜପା ଅଭିଯୋଗ କରି ଆନ୍ଦୋଳନକୁ ଓହ୍ଲାଇଛି। ଏଭଳିସ୍ଥଳେ ଲଳିତଙ୍କ ବାପା ବେଲାର୍ସନ ସାହୁ ଓ ବଡ଼ଭାଇ ବିରଞ୍ଚତ୍ ସାହୁ ଗୁରୁବାର ଘଟଣାରେ ନୂଆମୋଡ଼ ଆଣିଛନ୍ତି। ଲଳିତ ଆତ୍ମହତ୍ୟା କରିଥିବା ସେମାନେ ଦର୍ଶାଇବା ସହ ତାଙ୍କ ମୃତ୍ୟୁକୁ ନେଇ ଭାଜପା ରାଜନୀତି କରୁଛି ବୋଲି ଅଭିଯୋଗ କରିଛନ୍ତି। ଅନ୍ୟପକ୍ଷରେ ମନ୍ତ୍ରୀ ଦାସ ଘଟଣାକୁ ଚାପିଦେବା ପାଇଁ ଉଦ୍ୟମ ଚଳାଇଥିବା ଭାଜପା ଅଭିଯୋଗ କରି ସିବିଆଇ ତଦନ୍ତ ଦାବି କରିଛି।
ଲଳିତଙ୍କ ମୃତ୍ୟୁର ୫ଦିନ ପରେ ଗୁରୁବାର ତାଙ୍କ ବାପା ବେର୍ଲାସନ ସାହୁ ଏବଂ ବଡ଼ଭାଇ ବିରଞ୍ଚତ୍ ସାହୁ ଝାରସୁଗୁଡ଼ା ଟାଉନ ଥାନାରେ ପହଞ୍ଚତ୍ ଲିଖିତ ଅଭିଯୋଗ କରିଛନ୍ତି। ସେମାନେ ଅଭିଯୋଗରେ ଦର୍ଶାଇଛନ୍ତି, ଲଳିତ କର୍ମସଂସ୍ଥାନ ନ ପାଇ ବେକାର ହୋଇ ଘରେ ରହିଥିଲେ। ଚାକିରି ଅନ୍ବେଷଣରେ ଆସି ସ୍ବାସ୍ଥ୍ୟମନ୍ତ୍ରୀଙ୍କ ଘରେ ରୋଷେୟା ଭାବେ କାମ କରୁଥିଲେ। ସେ କୌଣସି କାରଣରୁ ମାନସିକ ଚାପରେ ରହୁଥିବାବେଳେ ଗତ ରବିବାର ରାତିରେ ଆତ୍ମହତ୍ୟା କରିଥିଲେ। ଖବରପାଇ ବଡ଼ପୁଅ ବିରଞ୍ଚତ୍ ଝାରସୁଗୁଡାରେ ପହଞ୍ଚତ୍ ଭାଇଙ୍କ ମୃତଦେହ ବ୍ୟବଚ୍ଛେଦ ପାଇଁ ପୋଲିସ ଓ ଜିଲା ପ୍ରଶାସନକୁ ଅନୁରୋଧ କରିଥିଲେ। ନିୟମ ଅନୁଯାୟୀ ମୃତଦେହ ବ୍ୟବଚ୍ଛେଦ ହେବା ପରେ ସତ୍କାର ପାଇଁ ନିଜ ଗ୍ରାମ ଢେଙ୍କାନାଳ ଜିଲା ନୂଆପଡ଼ା ନିଆଯାଇଥିଲା। ସେଠାରେ ଆତ୍ମୀୟଙ୍କ ଗହଣରେ ସତ୍କାର କରାଯାଇଥିଲା। ଭାଜପା ନେତୃବୃନ୍ଦ ରାଜନୈତିକ ଫାଇଦା ଉଠାଇବା ପାଇଁ ଏହାକୁ ହତ୍ୟାକାଣ୍ଡର ରୂପ ଦେଉଛନ୍ତି। ଏଥିରେ ଆମ ପରିବାର ଲୋକେ ମାନସିକ ଚାପରେ ରହୁଛନ୍ତି। ଭାଜପା ନେତାମାନେ ଅଯଥାରେ ସ୍ବାସ୍ଥ୍ୟମନ୍ତ୍ରୀ ଦାସଙ୍କ ବିରୋଧରେ ଅଭିଯୋଗ ଆଣି ବଦନାମ କରୁଛନ୍ତି। ଭାଜପା ନେତୃବୃନ୍ଦ ଯଦି ଏଭଳି ଚାପ ସୃଷ୍ଟି କରିବେ ଆଗାମୀ ଦିନରେ ପରିବାରର କେହି ପୁଣି ଆମତ୍ହତ୍ୟା କଲେ ସେମାନେ ଦାୟୀ ରହିବେ ବୋଲି ଉଲ୍ଲେଖ କରିଛନ୍ତି। ଏ ନେଇ ଝାରସୁଗୁଡ଼ା ଟାଉନ ଥାନାରେ ଏକ ଷ୍ଟେଶନ ଡାଏରି ହୋଇଛି।
ଅନ୍ୟପକ୍ଷରେ ଝାରସୁଗୁଡ଼ା ଜିଲା ଭାଜପା ତରଫରୁ ଅଭିଯୋଗ କରାଯାଇଛି ଯେ ପୋଲିସ ଲଳିତଙ୍କ ମୃତ୍ୟୁର ତଦନ୍ତ ଠିକ୍ରେ କରୁନାହିଁ। ଘଟଣାକୁ ଚାପି ଦିଆଯିବାକୁ ଉଦ୍ୟମ ଚାଲିଛି। ତେଣୁ ସିବିଆଇ ତଦନ୍ତ କରାଯାଉ। ଏନେଇ ଭାଜପା ପକ୍ଷରୁ ଗୁରୁବାର ଏସ୍ପି ଅଫିସ ଘେରାଉ କରାଯିବା ସହ ସ୍ବାସ୍ଥ୍ୟମନ୍ତ୍ରୀଙ୍କ ବିରୋଧରେ ବିଭିନ୍ନ ସ୍ଲୋଗାନ ଦିଆଯାଇଥିଲା। ପରେ ଏସ୍ପିଙ୍କ ଉଦ୍ଦେଶ୍ୟରେ ଅତିରିକ୍ତ ଏସ୍ପି କେଶବ ଚନ୍ଦ୍ର ବେହେରାଙ୍କୁ ୫ଦଫାର ଦାବିପତ୍ର ପ୍ରଦାନ କରାଯାଇଥିଲା। ତାହାର ନକଲ ମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚିବ, କେନ୍ଦ୍ର ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ, ପୋଲିସ୍ ଡିଜି ଓ ବରଗଡ଼ ଏମ୍ପି ପ୍ରମୁଖଙ୍କୁ ପ୍ରଦାନ କରାଯାଇଛି। ଦାବିପତ୍ରରେ ଦର୍ଶାଯାଇଛି, ପୋଲିସ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁ, ଏଥିରେ ସମ୍ପୃକ୍ତ ଥିବା ସ୍ବାସ୍ଥ୍ୟମନ୍ତ୍ରୀ ଓ ଅନ୍ୟମାନଙ୍କ ନାମରେ ଆଇପିସି ଦଫା ୩୦୨, ୩୦୬, ୨୦୧, ୩୪ ଅନୁଯାୟୀ ମାମଲା ରୁଜୁ କରାଯାଉ, ମନ୍ତ୍ରୀଙ୍କ ବାସଭବନରେ ଲାଗିଥିବା ସିସିଟିଭି ଫୁଟେଜ୍ ଯାଞ୍ଚ କରାଯାଉ, ରାତିରେ ରୋଷେୟାଙ୍କ ମୃତଦେହ ବ୍ୟବଚ୍ଛେଦ କରିଥିବା ପୋଲିସ ଅଧିକାରୀ ଓ ସ୍ବାସ୍ଥ୍ୟ ବିଭାଗ ଅଧିକାରୀଙ୍କୁ ତଦନ୍ତ ପରିସରଭୁକ୍ତ କରିବା ସହ ସେମାନଙ୍କୁ କାର୍ଯ୍ୟରୁ ନିଲମ୍ବିତ କରାଯାଉ, ମନ୍ତ୍ରୀ ଦାସଙ୍କ ଚାପ ପଡ଼ୁଥିବାରୁ ତଦନ୍ତ ଭାର ସିବିଆଇକୁ ଦିଆଯାଉ। ରୋଷେୟାଙ୍କୁ ନ୍ୟାୟ ନ ମିଳିଲେ ଆନ୍ଦୋଳନ ଜୋର୍ଦାର ହେବ ବୋଲି ଦଳ ଚେତାବନୀ ଦେଇଛି ା ଏସ୍ପି ଅଫିସ୍ ଘେରାଉରେ ସତ୍ୟନାରାୟଣ ବହିଦାର, ଦୀନେଶ ଜୈନ, ତ୍ରିନାଥ ଗୁଆଲ, ମହେନ୍ଦ୍ର କେଡିଆ, ନରେଶ ନାୟକ, ପ୍ରମୋଦ ସେନାପତି, ଡିଲେଶ୍ୱର ରାଓ, ଲଳିତ ମଗର, ଗୋପାଳ ପଟେଲ, ବିକାଶ ଗୁରୁଙ୍ଗ୍, ରାଜେଶ ଦାସ, ସତୀଶ ନଲା, ମମତା ସାହୁ, ଯମୁନା ସୁନାନୀ, ରେଣି ତିଓ୍ବାରୀ,ପୋଲା ଶ୍ରୀଦେବୀବେବି ଲାକ୍ରା ପ୍ରମୁଖ ଶତାଧିକ ଭାଜପା ନେତୃବୃନ୍ଦ ସାମିଲ ହୋଇଥିଲେ।