ବାଗପତ: ଉତ୍ତରପ୍ରଦେଶର ବାଗପତରେ ଚାଟ୍ ଦୋକାନୀଙ୍କ ମଧ୍ୟରେ ମାର୍ପିଟ୍ର ଏକ ୫ ମିନିଟ୍ର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଦୋକାନୀମାନେ ପରସ୍ପରକୁ ଲାଠିରେ ଆକ୍ରମଣ କରୁଥିବା ଦେଖାଯାଇଛି। ଘଟଣାରେ ପୋଲିସ ୮ଜଣଙ୍କୁ ଗିରଫ କରିଛି। ହେଲେ ନିର୍ଦ୍ଦିଷ୍ଟ ଗ୍ରାହକଙ୍କୁ ନିଜ ଦୋକାନକୁ ଜୋର ଜବରଦସ୍ତ ଆଣିବାକୁ ଯାଇ ଏଭଳି ମହାଭାରତ ସ୍ଥିତି ଉପୁଜିଥିବା ଜଣାପଡ଼ିଛି।ଏହାକୁ ନେଇ ସୋସିଆଲ ମିଡିଆରେ ଭଳିକି ଭଳି ମେମେ ପ୍ରକାଶ ପାଉଛି।
ଘଟଣାଟି ଏପରି। ବାଗପତରେ ଥିବା ଏକ ଦେକାନର ନିୟମିତ ଗ୍ରାହକଙ୍କୁ ଅନ୍ୟ ଏକ ଚାଟ୍ ଦୋକାନୀ ଡାକି ନେଇଥିଲେ। ଏହାପରେ ମାର୍ପିଟ୍ ଆରମ୍ଭ ହୋଇଥିଲା। ଧିରେ ଧିରେ ଚାଟ୍ର ଉଭୟ ଦୋକାନରେ କାମ କରୁଥିବା ଅନ୍ୟ ସଦସ୍ୟମାନେ ପରସ୍ପରକୁ ଠେଙ୍ଗାବାଡ଼ି ଧରି ଆକ୍ରମଣ କରିଥିଲେ। ଏଭଳି ଅନେକ ସମୟ ଧରି ଚାଲିଥିଲା। ଶେଷରେ ପୋଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲା। ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଅଭିଯୁକ୍ତ ୮ଜଣଙ୍କୁ ଜେଲ ଯିବାକୁ ମଧ୍ୟ ପଡ଼ିଛି। ସେମାନଙ୍କ ମଧ୍ୟରୁ ଜଣେ ବୈଜ୍ଞାନିକ ଆଇନ୍ଷ୍ଟାଇନ୍ଙ୍କ ଭଳି ଦେଖାଯାଉଥିବାରୁ ଲୋକମାନେ ଏହାର ମଜା ଉଠାଉଛନ୍ତି। କେହି କେହି ବିଜେତା ଦୋକାନୀଙ୍କୁ ପୁରସ୍କାର ଦିଆଯାଉ ବୋଲି କହୁଛନ୍ତି।
#WATCH Baghpat: Clash breaks out between two groups of ‘chaat’ shopkeepers over the issue of attracting customers to their respective shops, in Baraut. Police say, “Eight people arrested, action is being taken. There is no law & order situation there.”
(Note: Abusive language) pic.twitter.com/AYD6tEm0Ri
— ANI UP (@ANINewsUP) February 22, 2021
