ଇସଲାମାବାଦ୍,୧୯।୨:ଆଜିଠାରୁ ପାକିସ୍ତାନରେ ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ଆରମ୍ଭ ହେବାକୁ ଯାଉଛି। ଏଥିପାଇଁ ପାକିସ୍ତାନ କ୍ରିକେଟ ବୋର୍ଡ ସମସ୍ତ ପ୍ରସ୍ତୁତି ସମାପ୍ତ କରିଛି। ଏଥିପାଇଁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ପାକିସ୍ତାନୀ ୟୁଟ୍ୟୁବର ସୋଏବ ଚୌଧୁରୀ ଟୁର୍ନାମେଣ୍ଟ ଆରମ୍ଭ ହେବା ପୂର୍ବରୁ ଲୋକଙ୍କ ସହ ଯୋଗାଯୋଗ କରିଥିଲେ। ସେହି ସମୟରେ ସେ ଜଣେ ଓକିଲଙ୍କୁ ଭେଟିଥିଲେ ଯିଏ ଭାରତୀୟ ପତାକା ଉପରେ ମନ୍ତବ୍ୟ ଦେଇଥିଲେ।
ପାକିସ୍ତାନର କ୍ରିକେଟ ଷ୍ଟାଡିୟମରେ ସମଗ୍ର ଦେଶର ପତାକା ଉତ୍ତୋଳନ କରାଯାଇଥିଲା। କିନ୍ତୁ ଭାରତୀୟ ପତାକାକୁ ସ୍ଥାନ ଦିଆଯାଇ ନ ଥିଲା। ସୋଏବ ଚୌଧୁରୀ ଏହି ପ୍ରସଙ୍ଗରେ ପଚାରିବାରୁ ଓକିଲ କହିଥିଲେ, ଯେକୌଣସି ପରିସ୍ଥିତିରେ ଆମେ ଆମ ମାଟିରେ ଭାରତୀୟ ପତାକା ଉତ୍ତୋଳନ କରିବାକୁ ଦେବୁ ନାହିଁ। ଆମେ ରେକର୍ଡ ଦିନ ମଧ୍ୟରେ ଆମର ଷ୍ଟାଡିୟମ ନିର୍ମାଣ କରିଥିଲୁ। ଏହାକୁ ICC ପ୍ରଶଂସା କରିଛି। ମୁଁ ଆପଣଙ୍କୁ ଚ୍ୟାଲେଞ୍ଜ କରୁଛି, ଯଦି ଭାରତୀୟ କ୍ରିକେଟ ଦଳ ପାକିସ୍ତାନର ଷ୍ଟାଡିୟମ ଦେଖିବ, ତେବେ ସେମାନେ ନର୍ଭସ ହୋଇଯିବେ।
ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ଆରମ୍ଭ ହେବା ମାତ୍ରେ, ଭାରତୀୟ ପତାକାକୁ ନେଇ ବିବାଦ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଷ୍ଟାଡିୟମରେ ଭାରତୀୟ ପତାକାକୁ ସ୍ଥାନ ନ ଦିଆଯିବା କାରଣରୁ ପାକିସ୍ତାନରେ କ୍ରିକେଟ ପ୍ରେମୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି। ଏହି ପ୍ରସଙ୍ଗରେ ଆହୁରି କ’ଣ ପଦକ୍ଷେପ ନିଆଯିବ ତାହା ଦେଖିବା ଆକର୍ଷଣୀୟ ହେବ।
ଭାରତୀୟ କ୍ରିକେଟ ଦଳ ତାର ସମସ୍ତ ମ୍ୟାଚ ପାକିସ୍ତାନ ପରିବର୍ତ୍ତେ ଦୁବାଇରେ ଖେଳିବ। ଏହି ମାମଲାକୁ ନେଇ ପାକିସ୍ତାନର ଲୋକମାନେ ମଧ୍ୟ ରାଗ ମୁଡ୍ରେ ଅଛନ୍ତି। ସୁରକ୍ଷା କାରଣ ଦର୍ଶାଇ ଭାରତ ପାକିସ୍ତାନ ନ ଯିବାକୁ ନିଷ୍ପତ୍ତି ନେଇଥିଲା। ଏହାକୁ ନେଇ ମଧ୍ୟ ବିବାଦ ସୃଷ୍ଟି ହୋଇଥିଲା। ୨୦୨୩ କ୍ରିକେଟ ବିଶ୍ୱକପରେ ଅଂଶଗ୍ରହଣ କରିବା ପାଇଁ ଭାରତ ଆସିଥିଲୁ, କିନ୍ତୁ ଭାରତ ଆସୁନାହିଁ ବୋଲି ପାକିସ୍ତାନ କ୍ରିକେଟ ବୋର୍ଡ ଅଭିଯୋଗ କରିଥିଲା।
