ଲକ୍ଷ୍ନୌ,୨୨।୨: ଶ୍ରୀଲଙ୍କା ବିପକ୍ଷ ଟି-୨୦ ସିରିଜ୍ ଆରମ୍ଭ ହେବା ପୂର୍ବରୁ ଭାରତୀୟ ଟିମ୍ ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌରେ ପହଞ୍ଚିଛି। ଏଠାରେ ଭାରତ ଏବଂ ଶ୍ରୀଲଙ୍କା ମଧ୍ୟରେ ପ୍ରଥମ ଟି-୨୦ ମ୍ୟାଚ୍ ଖେଳାଯିବ। ତେବେ ଭାରତୀୟ ଟିମ୍ ଅଭ୍ୟାସ କରିବା ପୂର୍ବରୁ ଖେଳାଳିଙ୍କ କିଛି ମଜାମସ୍ତିର ଏକ ଭିଡିଓ ସାମ୍ନାକୁ ଆସିଛି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଟିମ୍ ଇଣ୍ଡିଆର ଷ୍ଟାର ସ୍ପିନର ୟୁଜବେନ୍ଦ୍ର ଚହଲ ଇନ୍ଷ୍ଟାଗ୍ରାମରେ ନିଜ ସାଥୀ ଖେଳାଳିଙ୍କ ସହ ଏକ ରିଲ୍ ଶେୟାର କରିଛନ୍ତି। ଯେଉଁଥିରେ ସେ ସାଉଥର ସୁପରହିଟ୍ ଫିଲ୍ମ ‘ପୁଷ୍ପା’ର ବେଶ୍ ଚର୍ଚ୍ଚିତ ଡାଏଲଗ୍ କହୁୁଥିବାର ନଜର ଆସିଛନ୍ତି। ୟୁଜବେନ୍ଦ୍ର ଚହଲଙ୍କ ସହ ନବଦୀପ ସାଇନି, ହରପ୍ରୀତ ବରାର ମଧ୍ୟ ନିଜର ଜଲଓ୍ବା ଦେଖାଇଥିବା ଦେଖିବାକୁ ମିଳିଛି। ଫିଲ୍ମର ବେଶ୍ ଚର୍ଚ୍ଚିତ ଡାଏଲଗ୍ ‘ପୁଷ୍ପା ନାମ ସୁନକର ଫ୍ଲାଓ୍ବର ସମଝି କ୍ୟା, ଫାୟାର ହୁଁ ମେଁ-ଝୁକୁଙ୍ଗା ନହିଁ’ର ଏକ ରିଲ୍ ଭିଡିଓରେ ୩ଜଣ ଖେଳାଳିଙ୍କ ଭିଡିଓ ଭାଇରାଲ ହେବାରେ ଲାଗିଛି। ରାଜସ୍ଥାନ ରୟାଲସ୍ସ ମଧ୍ୟ ନିଜ ଟୁଇଟର ଆକାଉଣ୍ଟରେ ଏହି ଭିଡିଓକୁ ଶେୟାର କରିଛି। କେବଳ ଟିମ୍ ଇଣ୍ଡିଆ ନୁହେଁ ବିଶ୍ୱର ଅନେକ କ୍ରିକେଟର ପୁଷ୍ପା ଫିଲ୍ମର ଏହି ଡାଏଲଗ ଉପରେ ଏଭଳି ରିଲ ତିଆରି କରିସାରିଛନ୍ତି। ଯେଉଁଥିରେ ଡେଭିଡ ୱାର୍ନର, ରସିଦ ଖାନ ଏବଂ ଅନ୍ୟ ଖେଳାଳିଙ୍କ ନାମ ସାମିଲ ରହିଛି।
