ଭୁବନେଶ୍ୱର, ୭ା୩: ସେଣ୍ଟ୍ରାଲ ବ୍ୟାଙ୍କ ସେବାନିବୃତ୍ତ କର୍ମଚାରୀଙ୍କ ରାଜ୍ୟ ସମ୍ମିଳନୀ ସୋମବାର ବୁଦ୍ଧ ମନ୍ଦିର ସଭାଗୃହରେ ଅନୁଷ୍ଠିତ ହୋଇଯାଇଛି। ଓଡ଼ିଶା ବ୍ୟାଙ୍କ ଅବସରପ୍ରାପ୍ତ କର୍ମଚାରୀ ସଂଘର ସାଧାରଣ ସମ୍ପାଦକ ନିରଞ୍ଜନ ମିଶ୍ର ଏହାର ଉଦ୍ଘାଟନ କରିଥିଲେ। ବିଶ୍ୱ ରଞ୍ଜନ ଶତପଥୀଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ରଜନୀ ରଞ୍ଜନ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ା
ସାଧାରଣ ସମ୍ପାଦକ ଶରତ ଚନ୍ଦ୍ର ରାଉତ ସମ୍ପାଦକୀୟ ବିବରଣୀ ପାଠ ସହ ପେନ୍ସନ୍ ଅପ୍ଡେଶନ ଓ ସ୍ବାସ୍ଥ୍ୟ ବୀମା ଦେୟ ହ୍ରାସ କରି ସମସ୍ତଙ୍କ ପାଇଁ ଲାଗୁ କରିବା, ସ୍ବାସ୍ଥ୍ୟ ବୀମା ପାଇଁ ବ୍ୟାଙ୍କ ଦେଉଥିବା ଆର୍ଥିକ ସହାୟତା ପ୍ରଦାନ ଏବଂ ବରିଷ୍ଠ ନାଗରିକମାନଙ୍କୁ ପୂର୍ବପରି ରେଳରେ ଦିଆଯାଉଥିବା ରିହାତି ଲାଗୁ ଆଦି ବିଭିନ୍ନ ପ୍ରସ୍ତାବ ଉପରେ ଆଲୋଚନା କରାଯାଇଥିଲା। ଆଲୋଚନାରେ କିଶୋର ଜେନା, ରବୀନ୍ଦ୍ର ନାଥ ସୂତାର, ବିରଜା ପ୍ରସାଦ ଦାସ, ଅଭିରାମ ଦାସ, ପ୍ରମୋଦ କୁମାର ମହାନ୍ତି, ସୁବାସ ପାଲ, ବନମାଳୀ ମାଟି, ଗୋଲକ ବିହାରୀ ନାୟକ, ଅଶୋକ କୁମାର ତା, ସୁବାସ ଚନ୍ଦ୍ର ପଟ୍ଟନାୟକ ପ୍ରମୁଖ ଅଂଶଗ୍ରହଣ କରିଥିଲେ।
ଆସନ୍ତା ବର୍ଷ ପାଇଁ କର୍ମକର୍ତ୍ତା ନିର୍ବାଚନ କରାଯାଇଥିଲା। ହେମନ୍ତ କୁମାର କର ଚେୟାରମ୍ୟାନ, ବିଶ୍ୱରଞ୍ଜନ ଶତପଥୀ ସଭାପତି, ଶରତ ଚନ୍ଦ୍ର ରାଉତ ସାଧାରଣ ସମ୍ପାଦକ, ତ୍ରୈଲୋକ୍ୟନାଥ ପ୍ରଧାନ ଉପ ସାଧାରଣ ସମ୍ପାଦକ, ସୁବାସ ଚନ୍ଦ୍ର ପଟ୍ଟନାୟକ ସଙ୍ଗଠନ ସମ୍ପାଦକ, ଅଶୋକ କୁମାର ତା ଏବଂ ଅଶୋକ କୁମାର ସାହୁ ଯୁଗ୍ମ ସମ୍ପାଦକ ଓ ଅଭିରାମ ଦାସ କୋଷାଧ୍ୟକ୍ଷ ଭାବେ ମନୋନୀତ ହୋଇଛନ୍ତି।
କିଶୋର ଜେନା ମୁଖ୍ୟ ଉପଦେଷ୍ଟା, ଏହାଛଡା କାର୍ଯ୍ୟକାରୀ କମିଟିକୁ ୧୫ ଜଣ ସଭ୍ୟ ନିର୍ବାଚିତ ହୋଇଥିଲେ। ସେଣ୍ଟ୍ରାଲ ବ୍ୟାଙ୍କ କର୍ମଚାରୀ ସଂଘ ଓ ଅଫିସର୍ସ ସଂଘ ସାଧାରଣ ସମ୍ପାଦକ ଓଁକାର ମହାନ୍ତି ଓ ରବୀନ୍ଦ୍ର ନାଥ ଦାସ ସମ୍ମିଳନୀରେ ଉପସ୍ଥିତ ଥିଲେ।
