କଟକ,୩ା୯: ଦେଶର ପ୍ରମୁଖ ଖାଇବାତେଲ ବିପଣନ କମ୍ପାନୀ ଫ୍ରିଡମ ଅଏଲ ଏବଂ କଟକ ମହାନଗର ନିଗମ (ସିଏମ୍ସି) ର ୪୬ନଂ. ୱାର୍ଡ, ଶିଖରପୁର ପାଠାଗାର କ୍ରୀଡ଼ା ସଂସଦର ମିଳିତ ଆନୁକୂଲ୍ୟରେ ଶୁକ୍ରବାର ସ୍ଥାନୀୟ ଶିଖରପୁର ଉପରସାହିରେ ଏକ ସମ୍ମାନ ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ପାଠାଗାରର ସଭାପତି ଲକ୍ଷ୍ମୀଧର ମହାନ୍ତି, ଫ୍ରିଡମ ଅଏଲର ଓଡ଼ିଶା ମୁଖ୍ୟ ଅମିୟ କୁମାର ଧଳ, କଟକ ସେଲ୍ସ ମ୍ୟାନେଜର ଜୀବନେଶ୍ୱର ବେହେରା, ୪୬ନଂ ୱାର୍ଡ କର୍ପୋରେଟର ପ୍ରଳୟା ବେଉରା, ଶିଖରପୁର ପୂଜା କମିଟିର ସମ୍ପାଦକ ବିଷ୍ଣୁଚରଣ ନାୟକ, ସାହି ମୁରବି ଶରତ ଚନ୍ଦ୍ର ପ୍ରଧାନଙ୍କ ସମେତ ପାଠାଗାର କ୍ରୀଡ଼ା ସଂସଦର ସମସ୍ତ ସଦସ୍ୟ ମଧ୍ୟ ଉପସ୍ଥିତ ଥିଲେ। ଅନ୍ୟମାନଙ୍କ ମଧ୍ୟରେ ମାନଙ୍କ ମଧ୍ୟରେ ଡ. କୃଷ୍ଣବଲ୍ଲଭ ଦାସ, ପୂର୍ଣ୍ଣଚନ୍ଦ୍ର ବେହେରା, ପ୍ରଫେସର କେ.ବି. ଦାସ, ଅନାଥ ପରିବାରର ମୃତ ବ୍ୟକ୍ତିଙ୍କ ଶବଦାହ କରି ସୁନାମ ଅର୍ଜନ କରିଥିବା ଅଭିମନ୍ୟୁ ଦାସ, ବୈଜ୍ଞାନିକ ପଦ୍ମିନୀ ସ୍ବାଇଁ ଏବଂ ଆନି ପୁନମ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଏହି ପରିପ୍ରେକ୍ଷୀରେ ୨୦ଜଣ କୃତୀ ଛାତ୍ରୀଛାତ୍ରଙ୍କୁ ମେଧା ଛାତ୍ର ସମ୍ମାନ ଏବଂ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସେବା ପ୍ରଦାନ କରି କୃତିତ୍ୱ ଅର୍ଜନ କରିଥିବା ୧୨ଜଣ ବ୍ୟକ୍ତିବିଶେଷଙ୍କୁ ଦରଦୀ ବନ୍ଧୁ ସମ୍ମାନରେ ସମ୍ମାନିତ କରାଯାଇଥିଲା।
