ଭୁବନେଶ୍ୱର,୧୩ା୮: ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆ (ସିବିଓଆଇ)ର ପ୍ରତିଷ୍ଠାତା ସାର୍ ସୋରାବ୍ଜୀ ପୋଚଖାନାୱାଲାଙ୍କ ୧୪୧ତମ ଜନ୍ମଦିବସ ଅବସରରେ ବ୍ୟାଙ୍କର ଭୁବନେଶ୍ୱର କ୍ଷେତ୍ର ପକ୍ଷରୁ ‘ସେଣ୍ଟ କ୍ରାନ୍ତି ଅଭିଯାନ’ର ଆରମ୍ଭ କରାଯାଇଛି। ଏହି ଅବସରରେ ଭୁବନେଶ୍ୱର କ୍ଷେତ୍ରର କ୍ଷେତ୍ରୀୟ ମୁଖ୍ୟ ଅନାଦି ବିଶ୍ୱାସ ମୁଖ୍ୟ ଅତିଥି ଭାବେ ଯୋଗଦେଇ ଏହାର ଶୁଭାରମ୍ଭ କରିଥିଲେ। ଅନ୍ୟମାନଙ୍କ ମଧ୍ୟରେ ବ୍ୟାଙ୍କର ବରିଷ୍ଠ ଅଧିକାରୀ ଏମ୍.କେ. ତ୍ରିପାଠୀ, ଏସ୍.ସି.ମହାପାତ୍ର,ଏଲ୍. କେ. ଭଗତଙ୍କ ସମେତ ଅନ୍ୟ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ। ଉକ୍ତ ଅଭିଯାନ ଅଧୀନରେ ଏକ ମୋବାଇଲ ଭ୍ୟାନ୍ ପ୍ରଚାର ଅଭିଯାନ କାର୍ଯ୍ୟକ୍ରମ ନିକଟରେ ଅନୁଷ୍ଠିତ ହୋଇଯାଇଛି। ଉକ୍ତ ମୋବାଇଲ ଭ୍ୟାନ୍ ଭୁବନେଶ୍ୱର ଓ କଟକ ସହରର ବିଭିନ୍ନ ସ୍ଥାନ ଦେଇ ଗତି କରିବ ଯାହା ‘ସେଣ୍ଟ କ୍ରାନ୍ତି ଅଭିଯାନ’ ଅଧୀନରେ ଥିବା ଯୋଜନାଗୁଡିକୁ ବ୍ୟାପକ ଭାବେ ଲୋକପ୍ରିୟ କରିପାରିବ।
