ବେଙ୍ଗାଲୁରୁ,୩୦।୧ : ଅପମାନିତ କରିବା ଉଦ୍ଦେଶ୍ୟ ନ ଥାଇ କେବଳ ଜଣେ ବ୍ୟକ୍ତିଙ୍କ ଜାତି ନାଁ ଧରିବା ଅନୁସୂଚିତ ଜାତି, ଜନଜାତି(ଅତ୍ୟାଚାର ପ୍ରତିକାର) ଆଇନ, ୧୯୮୯ ଅନୁଯାୟୀ ଅପରାଧ ନୁହେଁ ବୋଲି କର୍ନାଟକ ହାଇକୋର୍ଟ ନିକଟରେ ଟିପ୍ପଣୀ ଦେଇଛନ୍ତି। ଅତ୍ୟାଚାର ଆଇନର ବ୍ୟବସ୍ଥା ଅନୁଯାୟୀ ହାଇକୋର୍ଟ ଅଭିଯୁକ୍ତଙ୍କ ବିରୋଧରେ ମୋକଦ୍ଦମାକୁ ଖାରଜ କରିଦେଇଛନ୍ତି।
ନିୟମ ୭ ଅନୁଯାୟୀ ଅତ୍ୟାଚାର ମାମଲାର ତଦନ୍ତ ଡିଏସ୍ପିରୁ କମ୍ ପାହ୍ୟାର ପୋଲିସ ଅଧିକାରୀଙ୍କ ଦ୍ୱାରା ହୋଇପାରିବ ନାହଁ ବୋଲି ଅଦାଲତ କହିଛନ୍ତି। ଉକ୍ତ ମାମଲାରେ ଜଣେ ସବ୍ଇନ୍ସପେକ୍ଟର ତଦନ୍ତ କରିଥିବାରୁ ଏହା ଆଇନର ଉଲ୍ଲଂଘନ। ତେବେ ଅଭିଯୁକ୍ତଙ୍କୁ ଆଇପିସି ଅନୁଯାୟୀ ଆକ୍ରମଣ ଓ ଧମକ ଦେବା ଅପରାଧରେ ତଦନ୍ତର ସମ୍ମୁଖୀନ ହେବାକୁ ପଡ଼ିବ ବୋଲି ଜଷ୍ଟିସ୍ ଏମ୍. ନାଗପ୍ରସନ୍ନ କହିଛନ୍ତି। ୨୦୨୦ ଜୁନ୍ ୧୪ରେ ଏକ କ୍ରିକେଟ ମ୍ୟାଚ୍ ପରେ ଦୁଇ ଟିମ୍ ମଧ୍ୟରେ ବଚସା ହୋଇଥିଲା। ପରେ ଗୋଟିଏ ଟିମ୍ ଓ ସେମାନଙ୍କ ଲୋକମାନେ ଅନ୍ୟ ଟିମ୍ର ଦୁଇଜଣଙ୍କ ଉପରେ ଆକ୍ରମଣ କରିଥିଲେ। ପୋଲିସ ତଦନ୍ତ ପରେ ୨୦୨୧ ମାର୍ଚ୍ଚ ୧ରେ ଅତ୍ୟାଚାର ଆଇନ ଏବଂ ଆଇପିସି ଅନୁଯାୟୀ ଚାର୍ଜଶିଟ୍ ଦାଖଲ କରିଥିଲା।
