ବାଲି ଏୟାରପୋର୍ଟ ବା ବିମାନବନ୍ଦରର ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଏଥିରେ ଏକ କାର ପାର୍କିଂ ହୋଇଥିବା ଫଟୋ ଶେୟାର କରାଯାଇଛି। ଏହି କାର୍ଟି ଦୀର୍ଘବର୍ଷ ଧରି ପାର୍କିଂ ସ୍ଥାନରେ ରଖାଯାଇଛି। ଏବେ ଏହାର ପାର୍କିଂ ଫି’ ଜାଣି ଆପଣ ମଧ୍ୟ ଆଶ୍ଚର୍ଯ୍ୟ ହେବେ।
ଭାରତରେ ପାର୍କିଂ ପାଇଁ ଲୋକେ ନିଜ କାର୍ ବିଷୟରେ ଚିନ୍ତା କରନ୍ତି। କାଳେ କେଉଁ ଦୁର୍ବୃତ୍ତ ଆସି ଗାଡ଼ି ଭାଙ୍ଗି ଦେବ କି ନେଇ ଯିବ ଏପରି ଅନେକ କଥା ଚିନ୍ତା କରିଥାନ୍ତି। ମାତ୍ର ସୋସିଆଲ ମିଡିଆରେ ବାଲି ବିମାନବନ୍ଦରର ପାର୍କିଂ ସ୍ଥାନରୁ ଗତ ଏକ ବର୍ଷ ଧରି ପାର୍କିଂ ହୋଇଥିବା ଏକ କାର୍ର ଫଟୋ ଶେୟାର କରାଯାଇଛି। ଏପର୍ଯ୍ୟନ୍ତ ଏହି ଧଳା ରଙ୍ଗର କାର୍ ଦେଖିବାକୁ କେହି ଆସୁନାହାନ୍ତି।
ଇଣ୍ଡୋନେସିଆର ରାଜଧାନୀ ବାଲିର ସ୍ଥାନୀୟ ପୋଲିସ ଗତ ଏକ ବର୍ଷ ଧରି ପାର୍କିଂ ସ୍ଥାନରେ ରଖାଯାଇଥିବା କାର୍ ମାଲିକକୁ ଖୋଜୁଛି। ଏହି କାର୍ଟି ଏକ ବର୍ଷ ପୂର୍ବେ ଗୁଷ୍ଟି ନଗୁରା ରାୟ ବିମାନବନ୍ଦରରେ ପାର୍କିଂ କରାଯାଇଥିଲା। ସେବେଠାରୁ ବର୍ତ୍ତମାନ ପର୍ଯ୍ୟନ୍ତ ଏହାର ମାଲିକ ଏହାକୁ ନେବାକୁ ଆସିନାହାନ୍ତି। ହୋଣ୍ଡା ଏଚ୍ ଆର ଭି ଏକ ବର୍ଷରୁ ଅଧିକ ହେବ ପାର୍କିଂ କରାଯାଇଛି। କୁହାଯାଉଛି, ଏହା ନଭେମ୍ବର ୨୦୨୦ରେ ବିମାନବନ୍ଦରରେ ରଖାଯାଇଥିଲା। ସେବେଠାରୁ ବର୍ତ୍ତମାନ ପର୍ଯ୍ୟନ୍ତ କେହି ଏହାକୁ ନେବାକୁ ଆସିନାହାନ୍ତି। ପୋଲିସ ଏହାର ମାଲିକଙ୍କୁ ଖୋଜୁଛି।
ଇଣ୍ଡୋନେସିଆର ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ବାଲିର ପୋଲିସ ଟ୍ରାଫିକ ନିର୍ଦ୍ଦେଶକ କମ୍ବୁସ ପ୍ରିୟୋଣ୍ଟୋ ଏହି ମାମଲାକୁ ନିଶ୍ଚିତ କରିଛନ୍ତି। ବର୍ତ୍ତମାନ କାରର ସଂଖ୍ୟା ଆଧାରରେ ଏହାର ମାଲିକଙ୍କୁ ଚିହ୍ନଟ କରାଯିବ ଏବଂ କାର୍ ନେବାକୁ କୁହାଯିବ। ସେ କହିଛନ୍ତି ଯେ, ପ୍ଲେଟ ନମ୍ବର ଆଧାରରେ ବ୍ୟକ୍ତିଙ୍କ ସୂଚନା ସଂଗ୍ରହ କରାଯାଉଛି। ତାଙ୍କ ନାମ ଏବଂ ଠିକଣା ନିଶ୍ଚିତ ହେବା ମାତ୍ରେ ତାଙ୍କୁ କାରର ପାର୍କିଂ ଫି’ ଦେଇ କାର ନେବାକୁ କୁହାଯିବ।
ତେବେ ପାର୍କିଂ ଫି’ ବାବଦକୁ ୧.୫ ଲକ୍ଷ ଲକ୍ଷ ଟଙ୍କା ଭଡ଼ା ଲାଗିବ ବୋଲି କିଛି ଦିନ ପୂର୍ବରୁ ବିମାନବନ୍ଦର କର୍ତ୍ତୃପକ୍ଷ ଏହି କାର୍ ବିଷୟରେ ପୋଲିସକୁ ସୂଚନା ଦେଇଥିଲେ। ପୋଲିସକୁ ବିମାନ ବନ୍ଦର କର୍ତ୍ତୃପକ୍ଷଙ୍କ ପକ୍ଷରୁ କୁହାଯାଇଥିଲା, ଏହି ଧଳା ରଙ୍ଗର କାର ଏଠାରେ ବର୍ଷେରୁ ଅଧିକ ହେବ ପାର୍କିଂ ହୋଇଛି। ବର୍ତ୍ତମାନ ଏହି କାର୍ ନେବା ପୂର୍ବରୁ ଏହାର ମାଲିକଙ୍କୁ ପ୍ରାୟ ୧ ଲକ୍ଷ ୫୦ ହଜାର ଟଙ୍କା ଦେବାକୁ ପଡ଼ିବ। ଏହା ପରେ ହିଁ ଏହି କାର୍କୁ ସେଠାରୁ ହଟାଇବାକୁ ଅନୁମତି ଦିଆଯିବ। ଏହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ ଯେ, ଏହି କାରର ମାଲିକଙ୍କ ସହ କୌଣସି ଅଘଟଣ ଘଟିଛି ନା ଆଉ କେଉଁ କାରଣରୁ ସେ କାର୍ ନେଇ ନାହାନ୍ତି। ଅନୁସନ୍ଧାନ ପରେ ହିଁ ଏହି ମାମଲା ସ୍ପଷ୍ଟ ହେବ।
