ଭୁବନେଶ୍ୱର,୩୦।୯:ଦେଶର ପ୍ରମୁଖ ଅଳଙ୍କାର ପ୍ରତିଷ୍ଠାନ କ୍ୟାରେଟ୍ଲେନ୍ ପକ୍ଷରୁ ଗୁରୁବାର ବ୍ରାଣ୍ଡର ନୂଆ କଲେକ୍ସନ ‘ମୋଗ୍ରା’ର ଉନ୍ମୋଚନ କରାଯାଇଛି। ‘ମୋଗ୍ରା’କୁ ହୀରା ଏବଂ ପ୍ରଥମ ଥର ପାଇଁ ରାଇସ୍ ୱାଟର ପର୍ଲରେ ପ୍ରସ୍ତୁତ କରାଯାଇଛି। ମାଇକ୍ରୋ-ସେଟିଂ ଟେକ୍ନିକ୍କୁ ବ୍ୟବହାର କରାଯାଇଛି। ଏପରିକି ଉକ୍ତ ଗହଣାଗୁଡ଼ିକୁ ଅତି ନିଖୁଣ ଭାବେ କାରିଗରଙ୍କ ଦ୍ୱାରା ପ୍ରସ୍ତୁତି କରାଯାଇଛି, ଯାହାକି ହୀରାର ଚମକକୁ ବହୁଗୁଣିତ କରୁଛି। ବିଶେଷ କରି ବଲିଉଡ୍ ଅଭିନେତ୍ରୀ ରାଧିକା ଆପ୍ଟେଙ୍କ ନିକଟରେ ଏହି କଲେକ୍ସନ ଦେଖିବାକୁ ମିଳିଥିଲା। ସେହିପରି ସୌନ୍ଦର୍ଯ୍ୟ ଦୃଷ୍ଟିକୋଣରୁ ଉକ୍ତ ଡିଜାଇନଗୁଡିକରେ କୌଣସି ଅଭାବ ନାହିଁ। ଅପରପକ୍ଷରେ ଉପହାର ଦେବା ପାଇଁ କ୍ୟାରେଟ୍ଲେନ୍ରେ ବିସ୍ତୃତ ଡିଜାଇନ ମଧ୍ୟ ରହିଛି, ଯେଉଁଗୁଡ଼ିକର ମୂଲ୍ୟ ୫୦୦୦ଟଙ୍କାରୁ ଆରମ୍ଭ ହେଉଛି। ଦମ୍ପତିିଙ୍କ ପ୍ରଥମ ଦୀପାବଳି ହେଉ କିମ୍ବା ପରିବାର ତଥା ପ୍ରିୟବର୍ଗଙ୍କୁ ଉପହାର ପ୍ରଦାନ, କ୍ୟାରେଟ୍ଲେନ୍ରେ ସମସ୍ତଙ୍କ ପାଇଁ କିଛି ନା କିଛି ରହିଛି। ଏ ସମ୍ପର୍କରେ କ୍ୟାରେଟ୍ଲେନ୍ର ଭିପି (ମାକେଟିଂ) ଜେନିଫର ପାଣ୍ଡ୍ୟା କହିଛନ୍ତି, ଗ୍ରାହକ କ୍ୟାରେଟ୍ଲେନ୍କୁ ପସନ୍ଦ କରନ୍ତି। କାରଣ ଆମ ଗହଣାଗୁଡ଼ିକର ଡିଜାଇନ ଅତି ଜଟିଳ ଏବଂ ସବୁ ଷ୍ଟାଇଲ ସହ ଭଲ ଭାବେ ଖାପ ଖାଇଥାଏ। ଗ୍ରାହକଙ୍କ ସୁବିଧା ପାଇଁ ବର୍ତ୍ତମାନ ଭୁବନେଶ୍ୱରରେ କ୍ୟାରେଟ୍ଲେନ୍ର ୩ଟି ଷ୍ଟୋର ରହିଛି। ଏପରିକି ରାଜ୍ୟରେ ମୋଟ ୫ଟି ଷ୍ଟୋର ଥିବା ବେଳେ ପୂର୍ବାଞ୍ଚଳରେ କମ୍ପାନୀର ମୋଟ ୩୨ ଷ୍ଟୋର ଅଛି। ଗ୍ରାହକ କମ୍ପାନୀର ଯେକୌଣସି ଷ୍ଟୋରକୁ ଯାଇ ଉକ୍ତ ଗହଣା କିଣିପାରିବେ କିମ୍ବା ‘ଟ୍ରାଏ ଆଟ୍ ହୋମ୍’ସେବାକୁ ମଧ୍ୟ ଉପଲବ୍ଧ କରିପାରିବେ। ସର୍ବାଧିକ ବିକ୍ରି ହେଉଥିବା ଡିଜାଇନଗୁଡ଼ିକ ପାଇଁ କ୍ୟାରେଟ୍ଲେନ୍ ୨୪ରୁ ୪୮ ଘଣ୍ଟାର ଦ୍ରୁତ ଡେଲିଭରି ସର୍ଭିସ ମଧ୍ୟ ପ୍ରଦାନ କରୁଛି।
