ଭାଲେନ୍ସିଆ, ୭ା୧୨ (ଏପି)-ସ୍ପେନ୍ର ଭାଲେନ୍ସିଆରେ କେନିଆର କିବିଓଟ୍ କାଣ୍ଡି ବିଶ୍ୱ ପୁରୁଷ ହାଫ୍ ମାରାଥନରେ ନୂଆ ରେକର୍ଡ ପ୍ରତିଷ୍ଠା କରିଛନ୍ତି। ୨୪ ବର୍ଷୀୟ କାଣ୍ଡି ୨୧ କିଲୋମିଟର (୧୩ ମାଇଲ) ବିଶିଷ୍ଟ ରେସ୍କୁ ୫୭ ମିନିଟ୍, ୩୨ସେକେଣ୍ଡରେ ଶେଷ କରିଥିଲେ। ୨୦୧୯ରେ ଜେଫ୍ରି କାମୋରରଙ୍କ ଦ୍ୱାରା ପ୍ରତିଷ୍ଠା ରେକର୍ଡକୁ ସେ ୨୯ ସେକେଣ୍ଡରେ ଭଙ୍ଗ କରିଦେଇଥିଲେ। ପରବର୍ତ୍ତୀ ୩ ସ୍ଥାନ ଅଧିକାର କରିଥିବା ପ୍ରତିଯୋଗୀ କାମ୍ଓରରଙ୍କ ପୂର୍ବ ରେକର୍ଡ ଟାଇମିଂର ପଛରେ ରହିଥିଲେ। ବିଶ୍ୱ ଚାମ୍ପିୟନ ଉଗାଣ୍ଡାର ଜାକବ କିପ୍ଲିମୋ ଦ୍ୱିତୀୟ ସ୍ଥାନରେ ହୋଇଥିବାବେଳେ ତାଙ୍କ ପଛକୁ କେନିୟାର ରୋନେକ୍ସ କିପ୍ରୁଟୋ ଓ ଆଲେକ୍ଜାଣ୍ଡର ମୁଟିସୋ ଯଥାକ୍ରମେ ୩ୟ ଓ ୪ର୍ଥ ହୋଇଥିଲେ। ଜେନ୍ଜେବେ ଡିବାବା ୧:୦୫:୧୮ ଟାଇମିଂରେ ମହିଳା ରେସ୍ ଜିତିଛନ୍ତି।
