ନିମାପଡ଼ା,୨୧ା୨(ଡି.ଏନ୍.ଏ.): ନିମାପଡ଼ା ବ୍ଲକରେ ଗତ ୧୮ତାରିଖରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଶେଷ ହୋଇଛି। ମତଦାନ ପରେ ବାଲଟ ବକ୍ସକୁ ନିମାପଡ଼ା ବ୍ଲକ କାର୍ଯ୍ୟାଳୟରେ ଥିବା ଷ୍ଟ୍ରଙ୍ଗରୁମରେ ରଖାଯାଇଛି। ଏହାର ସୁରକ୍ଷା ପାଇଁ ପୋଲିସ ମୁତୟନ ହୋଇଛନ୍ତି। ତେବେ ବାଲ୍ଟ ବକ୍ସର ସୁରକ୍ଷା ନେଇ ଭାଜପା ପ୍ରାର୍ଥୀ ଓ କର୍ମୀଙ୍କ ମଧ୍ୟରେ ଆଶଙ୍କା ଦେଖାଦେଇଛି। ଏନେଇ ଗତ ୧୮ତାରିଖରୁ ଭାଜପା କର୍ମୀମାନେ ଷ୍ଟ୍ରଙ୍ଗରୁମ ନିକଟରେ ପହରା ଦେଉଥିବା ଦେଖିବାକୁ ମିଳିଛି। ଭୋଟ୍ ଗଣତି ନ ହେବା ପର୍ଯ୍ୟନ୍ତ ଏଠାରେ ପାଳିକରି ପହରା ଦିଆଯିବ ବୋଲି ଭାଜପାର ରଞ୍ଜନ ପ୍ରଧାନ, ଜାନକୀନାଥ ଜେନା, ନୀଳାଦ୍ରିନାଥ ମଙ୍ଗରାଜ, ହେମନ୍ତ ସେଠୀ, ପ୍ରସନ୍ନ ରାଉତ, ନିତ୍ୟାନନ୍ଦ ପରିଡ଼ା ପ୍ରମୁଖ କାର୍ଯ୍ୟକର୍ତ୍ତା କହିଛନ୍ତି। ଅନ୍ୟପକ୍ଷରେ ଏ ସମ୍ପର୍କରେ ବ୍ଲକ ନିର୍ବାଚନ ଅଧିକାରୀ ତଥା ବିଡିଓ ବସନ୍ତ କୁମାର ମଲ୍ଲିକ କହିଛନ୍ତି, ଷ୍ଟ୍ରଙ୍ଗରୁମରେ ବାଲଟବକ୍ସକୁ ସୁରକ୍ଷିତ ଭାବେ ରଖାାଇଛି। ସୁରକ୍ଷା ଦାୟିତ୍ୱରେ ପୋଲିସ ନିୟୋଜିତ ହେବା ସହ ସିସିଟିଭି ନଜରରେ ରହିଛି ବୋଲି ସେ କହିଛନ୍ତି।
