ଓଟାଓ୍ବା,୨୦।୧୦: ଭାରତରେ ଥିବା ନିଜର ୪୧ କୂଟନୀତିଜ୍ଞଙ୍କୁ କାନାଡା ଡକାଇଛି। ଖାଲିସ୍ତାନୀ ଆତଙ୍କବାଦୀ ହରଦୀପ କ ସିଂ ନିଜାରଙ୍କ ହତ୍ୟା ମାମଲାକୁ ନେଇ ଭାରତ ଉପରେ ଅଭିଯୋଗ ହେବା ପରେ ଦୁଇ ଦେଶ ମଧ୍ୟରେ ସମ୍ପର୍କକୁ ନେଇ ତିକ୍ତତା ଦେଖାଦେଇଥିଲା। ଗୁରୁବାର କୂଟନୀତିଜ୍ଞଙ୍କୁ କାନାଡା ଫେରିବା ବିଷୟରେ କାନାଡାର ବୈଦେଶିକ ମନ୍ତ୍ରୀ ମେଲାନି ଜୋଲି ସୂଚନା ଦେଇଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ କାନାଡା ଏହାର ପ୍ରତିଶୋଧ ନେବ ନାହିଁ।
କାନାଡାର ବୈଦେଶିକ ମନ୍ତ୍ରୀଙ୍କ ପ୍ରତିଶୋଧ ନେବାର ଅର୍ଥ ହେଉଛି ଭାରତୀୟ କୂଟନୀତିଜ୍ଞଙ୍କୁ ଦେଶ ଛାଡିବାକୁ ନିର୍ଦ୍ଦେଶ ଦେବା। ବୈ ଦେଶିକ ମନ୍ତ୍ରୀ ଜୋଲି କହିଛନ୍ତ, ଶୁକ୍ରବାର ସୁଦ୍ଧା ଭାରତ କୂଟନୀତିଜ୍ଞଙ୍କୁ ଦେଶ ଛାଡିବାକୁ ନିର୍ଦ୍ଦେଶ ଦେଇଥିଲା। ତାଙ୍କୁ କୁହାଯାଇଥିଲା ଯେ ଯଦି ସେ ତାହା ନକରନ୍ତି ତେବେ ତାଙ୍କର କୂଟନୈତିକ ସ୍ଥିତିକୁ ରଦ୍ଦ କରାଯିବ। ସେ କହିଛନ୍ତି, ଭାରତର ଏହି ପଦକ୍ଷେପ ଅନୁପଯୁକ୍ତ ଏବଂ କୂଟନୈତିକ ସମ୍ପର୍କକୁ ନେଇ କରାଯାଇଥିବା ଭିଏନା ସମ୍ମିଳନୀର ଏହା ସ୍ପଷ୍ଟ ଉଲ୍ଲଂଘନ।
ବୈଦେଶିକ ମନ୍ତ୍ରୀ କହିଛନ୍ତ, ଭାରତର କାର୍ଯ୍ୟାନୁଷ୍ଠାନ ହେତୁ ଆମର କୂଟନୀତିଜ୍ଞଙ୍କ ସୁରକ୍ଷାକୁ ଦୃଷ୍ଟିରେ ରଖି ଆମେ ସେମାନଙ୍କୁ ଭାରତରୁ ତାଙ୍କୁ ଡକାଇଛୁ। ଯଦି ଆମେ କୂଟନୈତିକ ପ୍ରତିରକ୍ଷା ନିୟମ ଭାଙ୍ଗିବାକୁ ଅନୁମତି ଦେଉ, ତେବେ ଦୁନିଆର କୌଣସି କୂଟନୀତିଜ୍ଞ ସୁରକ୍ଷିତ ରହିବେ ନାହିଁ। ଏହି କାରଣରୁ, ଆମେ ଭାରତର କାର୍ଯ୍ୟକଳାପ ଉପରେ କୌଣସି ପ୍ରତିକ୍ରିୟା ଦେବାକୁ ଯାଉନାହୁଁ।
