ଜୋହାନ୍ସବର୍ଗ,୪।୧: ଭାରତୀୟ କ୍ରିକେଟରେ କେଏଲ ରାହୁଲ ଏବେ ଚର୍ଚ୍ଚାରେ ଅଛନ୍ତି। ଦକ୍ଷିଣ ଆଫ୍ରିକା ବିପକ୍ଷରେ ସେଞ୍ଚୁରିଅନ ଟେଷ୍ଟରେ ୧୨୩ ରନ ସ୍କୋର କରିବା ପରେ କେ.ଏଲ ରାହୁଲଙ୍କୁ ରୋହିତ ଶର୍ମାଙ୍କ ଅନୁପସ୍ଥିତିରେ ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜର ଅଧିନାୟକ କରାଯାଇଥିଲା। ଏଥି ସହିତ ରାହୁଲ ସୋମବାର ଜୋହାନ୍ସବର୍ଗର ୱାଣ୍ଡରର୍ସ ଗ୍ରାଉଣ୍ଡରେ ଖେଳାଯାଉଥିବା ଦ୍ୱିତୀୟ ଟେଷ୍ଟ ମ୍ୟାଚରେ ଭାରତୀୟ ଦଳର ଅଧିନାୟକତ୍ୱ କରୁଛନ୍ତି। ବିରାଟ କୋହଲି ବ୍ୟାକ ସ୍ପାସମ ଯୋଗୁ ଦ୍ୱିତୀୟ ଟେଷ୍ଟ ମ୍ୟାଚରେ ଖେଳୁନାହାଁନ୍ତି। ଏପରି ପରିସ୍ଥିତିରେ ତାଙ୍କ ସ୍ଥାନରେ ରାହୁଲଙ୍କୁ ଅଧିନାୟକତ୍ୱ ଦାୟିତ୍ୱ ଦିଆଯାଇଛି। ସେ ମ୍ୟାଚର ପ୍ରଥମ ଇନିଂସରେ ଅର୍ଦ୍ଧଶତକୀୟ ଇନିଂସ ଖେଳିଥିଲେ ମଧ୍ୟ ଅନ୍ୟ ଏକ କାରଣରୁ ସେ ପ୍ରଶଂସକଙ୍କ ହୃଦୟ ଜିତିଛନ୍ତି ଏବଂ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛନ୍ତି।
ଦକ୍ଷିଣ ଆଫ୍ରିକା ୱାଣ୍ଡରର୍ସ ଗ୍ରାଉଣ୍ଡରେ ଏକ ଭଲ ଖେଳ ପ୍ରଦର୍ଶନ କରିଥିଲା। ୨୦୨ ରନରେ ଭାରତକୁ ଅଲଆଉଟ୍ କରିଥିଲା। ଏସବୁ ମଧ୍ୟରେ ରାହୁଲ ଲାଇଭ ମ୍ୟାଚ ସମୟରେ କିଛି କରିଥିଲେ, ଯାହାକୁ ସୋସିଆଲ ମିଡିଆରେ ପ୍ରଶଂସା କରାଯାଉଛି। ମ୍ୟାଚ ସମୟରେ ରାହୁଲ କ୍ରିଜରେ କାଗିସୋ ରାବାଡାଙ୍କୁ କ୍ଷମା ମାଗିଛନ୍ତି। ଏହା ପରେ ସମସ୍ତେ ତାଙ୍କ ନମ୍ରତାକୁ ପ୍ରଶଂସା କରୁଛନ୍ତି।
ଭାରତର ପ୍ରଥମ ଇନିଂସର ପଞ୍ଚମ ଓଭରରେ ରାବାଡା ବୋଲିଂ କରିବାକୁ ପ୍ରସ୍ତୁତ ପ୍ରାୟ ଥିଲେ। ସେ ତାଙ୍କର ରନ ଅପ ଶେଷ କରିଥିଲେ, କିନ୍ତୁ ଷ୍ଟାଣ୍ଡ-ଇନ ରାହୁଲ ନିଜକୁ ପଛକୁ ଟାଣି ନେଇଥିଲେ। ସେ ଏହା କରିବା ପରେ ସଙ୍ଗେ ସଙ୍ଗେ ରାବାଡାଙ୍କୁ କ୍ଷମା ମାଗିବା ସହ ଅମ୍ପାୟାରଙ୍କୁ କ୍ଷମା ମାଗିବା ପାଇଁ ମଧ୍ୟ ହାତ ବଢାଇଥିଲେ। ଲୋକେଶ ରାହୁଲ ଏହି ମ୍ୟାଚ୍ରେ ୫୦ ରନ ସଂଗ୍ରହ କରିଥିବାବେଳେ ରବିଚନ୍ଦ୍ରନ ଅଶ୍ୱିନ ୪୬ ରନ ସଂଗ୍ରହ କରିଛନ୍ତି।
https://twitter.com/BenaamBaadshah4/status/1477950043709534209
