ଦୀପାବଳି ଆରମ୍ଭ ‘ଧନ୍ତେରସ୍’ରୁ ହୋଇଥାଏ। ଚଳିତ ବର୍ଷ ନଭେମ୍ବର ୨ରେ ଏହା ପଡ଼ୁଛି। ତେବେ ଏହି ଦିନ ମା’ ଲକ୍ଷ୍ମୀଙ୍କ ପ୍ରସନ୍ନ କରିବାକୁ ନେଇ ଲୋକମାନେ ବିଭିନ୍ନ ଉପାୟ ଅବଲମ୍ବନ କରିଥାନ୍ତି। ବିଶେଷକରି ଧନ୍ତେରସ୍ରେ ସୁନା, ରୂପା ବାସନ ଏବଂ ଯାନବାହାନ କିଣିବା ଏବଂ ଜମି କିଣିବା ଆଦିରେ ନିବେଶ କରିବା ଶୁଭ ବୋଲି କୁହାଯାଏ। ଜ୍ୟୋତିଷଶାସ୍ତ୍ରରେ ଏପରି ୫ ଜିନିଷ ରହିଛି ଯାହାକୁ ବିଶେଷଭାବେ ଧନ୍ତେରସ୍ରେ ନିଶ୍ଚିତ କିଣିବା ଉଚିତ। ଏହାଦ୍ୱାରା ଲକ୍ଷ୍ମୀ ପ୍ରସନ୍ନ ହୁଅନ୍ତି ଏବଂ ଘରେ ଧନର ଅଭାବ ରହି ନ ଥାଏ।
କୁଙ୍କୁମ: ଧନ୍ତେରସରେ କୁଙ୍କୁମ ନିଶ୍ଚୟ କିଣନ୍ତୁ। ଏହାକୁ କିଣିବା ପରେ ମା’ ଲକ୍ଷ୍ମୀଙ୍କ ପାଦ ତଳେ ଅର୍ପଣ କରିଦିଅନ୍ତୁ। ନିଜେ ମଧ୍ୟ ପରେ ତାକୁ ଲଗାନ୍ତୁ।
ମା’ ଲକ୍ଷ୍ମୀଙ୍କ ପାଦଚିହ୍ନ: ଧନ୍ତେରସ୍ରେ ଘରେ ଲକ୍ଷ୍ମୀଙ୍କ ପାଦଚିହ୍ନ ଅଙ୍କନ କରନ୍ତୁ। ଏହାଦ୍ୱାରା ଲକ୍ଷ୍ମୀ ପ୍ରସନ୍ନ ହୁଅନ୍ତୁ। ପାଦଚିହ୍ନ ଲଗାଇବା ପୂର୍ବରୁ ଲକ୍ଷ୍ମୀଙ୍କ ଆରତୀ ନିଶ୍ଚୟ କରନ୍ତୁ।
ଦୀପ: ଦୀପାବଳି ପୂର୍ବରୁ ଧନ୍ତେରସ୍ ଦିନ ଦୀପ ଲଗାନ୍ତୁ। ଏଣୁ ଏହି ଦିନ ଦୀପ କିଣିବାର ପରମ୍ପରା ରହିଛି। ଏଥିସହ ରାତିରେ ଶୋଇବା ପୂର୍ବରୁ ଏକ ଦୀପକୁ ଦକ୍ଷିଣ ଦିଗକୁ ମୁହଁରଖି ଲଗାଇଦିଅନ୍ତୁ। ଏହାଦ୍ୱାରା ଅକାଳ ମୃତ୍ୟୁ ଯୋଗରୁ ରକ୍ଷା ମିଳିଥାଏ।
ବାତ୍ସା: ଧନ୍ତେରସ ଦିନ ବାତ୍ସା କିଣିବା ଶୁଭ। ଏହାକୁ ମା’ ଲକ୍ଷ୍ମୀଙ୍କୁ ଅର୍ପଣ କରନ୍ତୁ।
ଛୋଟ ଛୋଟ ଧନିଆ: ଧନ୍ତେରସରେ ଛୋଟ ଧନିଆ କିଣନ୍ତୁ। ଏହାକୁ ଲକ୍ଷ୍ମୀଙ୍କୁ ଅର୍ପଣ କରି ପରିଣାମ ଦେଖନ୍ତୁ।
